ما هو إستهلاك الفيرنا فى البنزين

[محمد ابراهيم 1]

برجاء الإفاده عن متوسط إستهلاك البنزين فى هيوناى فيرنا بموديلاتها الثلاث
1500 مانيوال
1600 مانيوال
1600 أوتوماتيك وشكرا مقدما

[abo3bdolrahman]

كانت معايا ال 1600 أتوماتيك موديل 2005 بالمحرك ال 107 حصان زى اللى كان فى اللإلنترا و كانت بتعمل
200 كم /20 لتر بنزين بمتوسط سرعة 120 كم / ساعة على الطريق السريع و التكييف شغال
و كانت بتعمل حوالى 160 كم / 20 لتر داخل القاهرة و التكييف شغال مع الأخذ فى الإعتبار التوقف الكتير و التحرك من الصفر الكتير و ده اللى بيزود إستهلاك البنزين.
باقى السعات ما أعرفش إستهلاكاتها.
و آسف للإطالة
:lol: 8) :lol:

[analyzer]

السلام عليكم

معايا فيرنا 1500 مانيوال متوسط الاستهلاك 325 كم / 20 لتر بنزين 90 مع التكييف ومتوسط سرعه 120 كم

[مهندس محمد صلاح]

انا معايا 1600 اتوماتيك بتعمل 385 كيلو متر لكل 45 لتر مع التكيف وبتعمل 516 كيلو متر لكل 45 لتر بدون تكييف

[محمد ابراهيم 1]

شكرا جزيلا لكل من أجاب وواضح إن فيه فرق جامد فى الاستهلاك بين الإتنين

[Tarek Fadl]

السلام عليكم ورحمة الله وبركاته
انا معايا فيرنا 1500 واستلاك البنزين فيها بالمقارنة بال 1600 اقل بكثير وهقول لك تجربة شخصية انا اخذت 600 كم ب حوالي 43 لتر بنزين يعني كل 100كم / 7.16 لتر
مع العلم اني كنت مشغل التكييف

[aelassal]

1600 مانيوال التنك بيمشي 430 تقريبا 38 لتر ده غير الاحطياطي

[John Silver]

نصيحه لوجه الله متأقربش الفيرنا ال 1500 كامه وحده و12 صمام وماتجيش 100 حصان وبالعافيه تشيل نفسها اما ال 1600 جباره كامتين و16 صمام و106 واذا عن ناحية الصرف هتلاقي انابيب غاز مستعمله بتاعة التكوسه الجديده نظام الحقن الالكتروني الجديد زي رشاشات البنزين دي هتقضي معاك توفير بالتكييـف بشكــل لاتتخيـــلو بس نصيحـــه لوجه الله متأقربش ايا حاجه 1500 لوتاخد 1600 مستعمل استعمال راقي افضل من 1500