تساؤلات مهمه عن الالنترا

[Mbd3_ksa]

السلام عليكم ورحمه الله وبركاتة
انا دلوئت والله بقالي بتاع 3 شهور ومش
عارف أجيب العربية شوية نازل وطالع
طيب أشتري أمتي طيب وانا مطمن
ناس كتير كدا وتوكيل هيونداي بتقول
لما تنزل العربية النترا 2009 ها تغلي ال2008
الكلام دا صحيح . وكمان المفروض ان العربية واطية من
الوسط . كل واحد عندة معلومة ياريت ما يبخلش بالرد
وكمان العربية بعد 120 ع السريع بتموج منك كلام كتير
بيقولك علشان الباور كهربة . يا جماعه عاوزين نتأكد من الكلام دا من شابـ مجربـ . والي عندة الاسعار يكون متواصل دايما معانا علشان نعرف
والف شكرا لمن يضع رد

تم تعديل العنوان ليتناسب مع محتواه مما يعطي صاحب الموضوع نصيب اكبر من الردود
مشرف القسم

[tefeamer]

اخى العزيز اولا لما النترا 2009 هتنزل مش هتلاقى 2008 غير فى بعض المعارض القليلة لكن فى التوكيل مش هتكون موجوده خلاص انا استلمت النترا 2008 من حوالى اسبوعين والموظف اللى فى التوكيل معرفه وقالتله استنى 2009 قالى 2009 هتغلى الحق 2008 عليها خصم من 104 الف الى 96750 ورحت حاجز واستلمت ، العربية مش واطية مطبات الاهالى هى اللى بتحك فى اى عربية جديدة صالون انما العربية كان معايا اربعة وبامانه تامة محكتش فى ولا مطب قابلته كانت مطبات شوارع رئيسية انما تقولى مطب واحد جايب كام شكاره اسمنت وسارق شويه ظلط وعامل قدام العمارة هرم وتقول بتحك هتحك فى اللانسر والنيسان والهوندا والتويتا واى عربية جديدة صالون وكلامى ده عن تجربة وبصدق اما بخصوص ان العربية بتعوم بعد ال 120 انا لسه بلين ومجبتش بيها اكثر من 80 لكن مع وعد لما الين ان شاء الله بعد صيانه ال 1000 هرد عليك مع ان كل اللى عنده النترا فى المنتدى ولا واحد قال حاجة على الموضوع ده بالعكس ده بيشكروا انها بتجيب 190 و 200 وسابته على الطريق (صديق لى فى العمل قال لى هذا وانا اثق فى كلامه)موضوع الباور ده مش حقيقى لان بعد سرعة معينه غالبا 40 او 60 كيلو الباور بيفصل والا كانت العربية بتفقد السلامة والامان .
ارجو ان اكون قد افدتك (عاطف عامر)

[ezzatfox]

انا شايف ان سعرها حتى بعد ما نزل برضة لسة مبالغ فية .
عندك فى نفس فئتها السيراتو ب 88000 و توكيل احسن بمراحل من غبور

[Mbd3_ksa]

اخى العزيز اولا لما النترا 2009 هتنزل مش هتلاقى 2008 غير فى بعض المعارض القليلة لكن فى التوكيل مش هتكون موجوده خلاص انا استلمت النترا 2008 من حوالى اسبوعين والموظف اللى فى التوكيل معرفه وقالتله استنى 2009 قالى 2009 هتغلى الحق 2008 عليها خصم من 104 الف الى 96750 ورحت حاجز واستلمت ، العربية مش واطية مطبات الاهالى هى اللى بتحك فى اى عربية جديدة صالون انما العربية كان معايا اربعة وبامانه تامة محكتش فى ولا مطب قابلته كانت مطبات شوارع رئيسية انما تقولى مطب واحد جايب كام شكاره اسمنت وسارق شويه ظلط وعامل قدام العمارة هرم وتقول بتحك هتحك فى اللانسر والنيسان والهوندا والتويتا واى عربية جديدة صالون وكلامى ده عن تجربة وبصدق اما بخصوص ان العربية بتعوم بعد ال 120 انا لسه بلين ومجبتش بيها اكثر من 80 لكن مع وعد لما الين ان شاء الله بعد صيانه ال 1000 هرد عليك مع ان كل اللى عنده النترا فى المنتدى ولا واحد قال حاجة على الموضوع ده بالعكس ده بيشكروا انها بتجيب 190 و 200 وسابته على الطريق (صديق لى فى العمل قال لى هذا وانا اثق فى كلامه)موضوع الباور ده مش حقيقى لان بعد سرعة معينه غالبا 40 او 60 كيلو الباور بيفصل والا كانت العربية بتفقد السلامة والامان .
ارجو ان اكون قد افدتك (عاطف عامر)

تسلم والله حبيبي عاطف
لمروك وانا سعيد جدا بيك والله بكلامك
الجميل دا . لاكن كتير بيقولو الخليجي احسن
احسن بأية معا العلم ان مالهاش صيانة بمصر
او توكيل بالظبط .. وتسلم تاني مرة حبيبي عاطف
up

[tefeamer]

اخى العزيز لا شكر على واجب واى معلومه عايزها عن النترا ان شاء الله تكون موجوده عندى وعن تجربه ، بالنسبة للعربية الخليجى هى بتبقى احسن طبعا من اللى جاية لمصر لان طبيعة المناخ فى الخليج بتخلى الشركة فى كوريا تصنع العربيات اللى رايحلهم ذات مواصفات خاصة الدهان مثلا معالج اكثر لطبيعة الحر والشمش هناك اشد من اللى فى مصر وده طبعا بيخليهم يعملوا تكييف اكثر قوة علشان يستحمل الحر ده لكن زى ما انت قلت مهاش صانة والتوكيل بيرفض تصليحها وطبعا دى بيعالجوها انهم بيصلحوا العربية فى مراكز خدمات اخرى وبتبقى اقل فى المتوى من التوكيل حتى لو غبور بيلعنوا فيه بس الفريق هناك مدرب على التعام مع كافة انواع الهيونداى فبيرحوا مراكز اخرى بتكون اقل من مستوى التوكيل وساعات بتبقى مراكز مش كويسه ومعندهاش الاجهزة اللازمة لعمل الصيانة . ارجو ان نكون على اتصال وتحت امرك فى اى حاجة (عاطف عامر)

[Mbd3_ksa]

اخى العزيز لا شكر على واجب واى معلومه عايزها عن النترا ان شاء الله تكون موجوده عندى وعن تجربه ، بالنسبة للعربية الخليجى هى بتبقى احسن طبعا من اللى جاية لمصر لان طبيعة المناخ فى الخليج بتخلى الشركة فى كوريا تصنع العربيات اللى رايحلهم ذات مواصفات خاصة الدهان مثلا معالج اكثر لطبيعة الحر والشمش هناك اشد من اللى فى مصر وده طبعا بيخليهم يعملوا تكييف اكثر قوة علشان يستحمل الحر ده لكن زى ما انت قلت مهاش صانة والتوكيل بيرفض تصليحها وطبعا دى بيعالجوها انهم بيصلحوا العربية فى مراكز خدمات اخرى وبتبقى اقل فى المتوى من التوكيل حتى لو غبور بيلعنوا فيه بس الفريق هناك مدرب على التعام مع كافة انواع الهيونداى فبيرحوا مراكز اخرى بتكون اقل من مستوى التوكيل وساعات بتبقى مراكز مش كويسه ومعندهاش الاجهزة اللازمة لعمل الصيانة . ارجو ان نكون على اتصال وتحت امرك فى اى حاجة (عاطف عامر)

تسلم حبيبي.. ويطول بعمرك يارب
تحياتي

[tarekx]

انا جيبت بيها 220 علي طريق شوم الشيخ ولا عامت ولا اي شيء وعربيه تمام بالنسبه لحكه المطبات انا حكيت بيها كتير بس هيه مصفحه من تحت متغطيه وعربيه صالون وجري وتكيف وعلي فكره انا معايه الخليجي الي اوطي من المصري والعربيه ما بمشيش بيها اقل من 150 علي الطرق المفتوحه وشغاله تمام وباور الكهربي نفعني كتير في غباء السائقين
بجد باور تمام ويا ريت يعملوه في 2009

[waelragab2001]

الاول عليكم السلام ورحمه الله وبركاته..
بخصوص السعر انا الصراحه مقدرش افيدك.. لان انت عارف ان السوق المصري ليس له قواعد علي الاطلاق.. ولكن المنطق بيقول ان موديل 2009 لازم يبقي اغلي من 2008 او علي الاقل هو ده اللي بيحصل في السوق بتاعنا والامثله كتيره..
انا معايا النترا 2009 خليجي اوتوماتيك هاي لاين بضمان 40000 كم او سنتين.. معايا من 6/12/2008 وعامل بيها لغايه دلوقتي حوالي 4300 كم..لاني سافرت بيها من شرم الشيخ للقاهره مرتين..وبصراحه بتلكك عشان اسوقها عشان كده عملت بيها 4300كم في اقل من شهر....
العربيه بسم الله ماشاء الله رائعه...شعارها القوه مع الثبااات...مع العلم اني كنت راكب عربيات معقوله قبلها.. زي فيرنا و اكسنت وستروين واخيرا رينو كليو..بخصوص الثبات حدث ولا حرج.. انا في طريق شرم جبت بيها 180/190 كم/س ( العربيه اوتوماتيك ) والعربيه الله اكبر ثابته ثبات حلو.. لغايه 160-170 كم/س مبتحسش اصلا ان انت بتجري, هي العربيه بتسهيك وبتجبهم لوحدها من غير اي تحميل علي الموتور...
بخصوص الباور الكهربا..اللي يقول حضرتك ان العربيه بتعوم او خطر او مش ثابته يبقي اصلا مجربش الباور الكهربا ولا جرب العربيه من اصله مع احترامي للجميع لان الباور الكهربا فعلا بيتقل علي السرعات العاليه+ الدريكسيون مبيبقاش خفيف ميه زي ما الناس بتحكي..الدريكيون بيبقي ماسك نفسه لدرجه اني كنت بشيل ايدي من علي الدريكسيون علي 160 حوالي 20-30 ثانيه عشان اريح دراعي بدون اي مشاكل..
( نصيحه ) بوجه عام متسالش حد عن عربيه هو مجربهاش لاننا بلد اشاعات.. هتلاقي الكلام كتير وده يقولك انا سمعت وده يقولك جوز بنت خاله عم ابويا عنده العربيه وبيشتم فيها.. كله اشاعات او فتي.. كل الناس في مصر بتشتم في الرينو مع ان انا عن تجربه محصليش اي مشاكل مع العربيه بل علي العكس انا من خلال تجربتي اقدر اقولك ان اعتماديه الرينو عاليه جدا" جدا" وانا بحبها جدا" ولولا ان التوكيل في شرم نص كوم انا كنت جبت الميجان...
موتورالانترا اقدر اقولك ان انت راكب وحش (لا حول ولاقوه الا بالله), فعلا تحس بالـ 122 حصان من الطلعه الاولي..رغم ان العربيه اوتوماتيك لكن تجميعها هايل وسريع جدا".. واحد صاحبي معاه كورولا 2008 جرب عربيتي وانبهر بسحب الالنترا لما جربها وقال ان السحب احسن بكتير من الكورولا ( معتقدش ان هو بيجاملني )..
الخليجي اللي معايا دهانها فعلا اقوي ( اعتقد ) انه غير المصري لاني حكيت ( من احتكاك ) مره وانا بركن( في اول يوم- شوفت العين ) الرفرف الخلفي شمال وعربيه لادا خبطت الرفرف الامامي شمال برده خبطه متوسطه مع احتكاك قوي لدرجه ان الرفرف اتطبق لجوه بس البويه مطلعتش. وبتاع اللادا البويه بتاعته طقطقت.. غير المصري اللي انا شفت كتير لون الصاج الاسود بتاعها لما بتتخربش..
دوره التبريد والتكييف.. هما بيقولوا انها افضل من المصري بس انا مقدرش اكد الكلام لاني لم اجرب المصري.. بس اقدر اقول ان التكييف طبعا" ( احنا في الشتا ) تلاجه وامبير الحراره قبل النص بحاجه بسيطه..
عفشه الخليجي انشف شويه بسيطه من المصري ( عن تجربه) في مقابل ان العربيه ما بتوطاش قوي مع الحموله زي المصري وبالتالي مبتحكش في اي مطبات لا شوارع رئيسيه ولا مطبات اهالي ( حتي الان )..
الخليجي انا جبتها بضمان 40 الف كيلو او سنتين من شركه بتتعامل مع مركز بوش اللي في مصر الجديده ومركز امير وجوزيف اللي في مدينه نصر وكل فروع ابوغالي.. والضمان بتشتريه بـ 1500 جنيه شامل ضمان ضد عيوب الصناعه طبعا"..
البنزين.. انا حاسس ان العربيه بتستهلك بنزين زياده شويه.. مش عارف ده عندي انا بس ولا في كل العربيات (ياريت حد يفيدنا في الموضوع ده ).. انا بعمل في البلد حوالي 100كم/ 11 لتر ,طبعا" سواقه معفرته مش هاديه ومع العلم ان العربيه اوتو.. ومع العلم برده اني بنفس طريقه السواقه العنيفه كنت بستهلك بالرينو 1200 سي سي مانيوال حوالي 100 كم/ 8-9 لتر..
مش عارف بقي العيب مني ولا ده طبيعي.. بس انا اعتقد ان العيب في طريقه سواقتي

ارجو اني اكون افدتك ولو عندك او عند اي حد اي سؤال انا تحت امركم..
وكل سنه وكل اعضاء المنتدي بخير

السلام عليكم ورحمه الله وبركاتة
انا دلوئت والله بقالي بتاع 3 شهور ومش
عارف أجيب العربية شوية نازل وطالع
طيب أشتري أمتي طيب وانا مطمن
ناس كتير كدا وتوكيل هيونداي بتقول
لما تنزل العربية النترا 2009 ها تغلي ال2008
الكلام دا صحيح . وكمان المفروض ان العربية واطية من
الوسط . كل واحد عندة معلومة ياريت ما يبخلش بالرد
وكمان العربية بعد 120 ع السريع بتموج منك كلام كتير
بيقولك علشان الباور كهربة . يا جماعه عاوزين نتأكد من الكلام دا من شابـ مجربـ . والي عندة الاسعار يكون متواصل دايما معانا علشان نعرف
والف شكرا لمن يضع رد

[waelragab2001]

شرم شرم تحيا شرم...
بس حضرتك متاكد من ان الخليجي اوطي من المصري؟؟
لاني اشك الصراحه..
اللي انا بشوفه ان المصري لما يبقي قاعد حد ورا الرفرف الخلفي بيبقي نازل اوي تحت لدلرجاه ان الجزء العلوي للعجله مبيبقاش باين.. في عربيتي الموضوع مختلف.. مش عارف ليه الصراحه!!!

انا جيبت بيها 220 علي طريق شوم الشيخ ولا عامت ولا اي شيء وعربيه تمام بالنسبه لحكه المطبات انا حكيت بيها كتير بس هيه مصفحه من تحت متغطيه وعربيه صالون وجري وتكيف وعلي فكره انا معايه الخليجي الي اوطي من المصري والعربيه ما بمشيش بيها اقل من 150 علي الطرق المفتوحه وشغاله تمام وباور الكهربي نفعني كتير في غباء السائقين
بجد باور تمام ويا ريت يعملوه في 2009

[eng.khater]

كنت عايز اعرف استهلاكها كام في البنزين و ربنا يستر طريق الجميع هي فعلا عربية محترمة

[حماده المصري]

المصري والخليجي عفشتهم واحد

عموما الالنترا مصري او خليجي تحفه من تحف هيونداي وعربيه اعتماديه

هي ممكن لا ترقى لمستوى المازدا او الهوندا لكن افضل في رايي من لانسر ومن تويوتا القديمه وفرق السعر لصالحها طبعا طبعا طبعا

بالنسبه للباور وعن تجربتي لباور ال i30 الي هي المفروض نفس اللانترا بالضبط

في احساس زااااائف لا اكتر بالنسبه لمسكه الدركسيون تحس ان العربيه خفيفه ولكن عند اي مناوره على سرعه عاليه تدرك ان العربيه ثباتها على الارض هااائل ومنافس لعربيات في فئتها

وبعد 120 لو دوست فرامل الدركسيون بيتقل في ال i30 والمفروض الالنترا تبقى زييها

العفشه تدخل في نطاق العفشات الناعمه هي مثلا اقل في نعوميتها من تويوتا او مازدا لكن افضل بلميون مره من عربيات تانيه زي لانسر

باختصار العربيه دي بالنسبه للسعر مقابل المواصفات تحفه

وان كان في عربيه تاني في حدود 110 الف ممكن اشتريها ف هتكون برليانس اسبلندور بس صعب عشان عربيه مش متجربه تماما

[Nile_Storm]

متفق مع كلام حماده المصري
توكل علي الله
عربيه ممتازه

[ahmedroshdy]

انا عايز اشتري النترا مانيوال بس مش عارف هل سعرها هينزل تاني اقل من 96750 ولا لاْه وكمان انا هشتريها بالتقسيط بس اتعامل مع مين و امتى ؟ مع العلم اني مقتنع جدا جدا بيها وكانت معايا الاكسنت 1998/1500ccو بعتها
ارجو الافادة من اصحاب الخبره