الحمد لله

[AlmAhAtmA]

اركن في الشارع و هات غطا نظيف و ربنا يحرسك و يحرسها
حبعت لك علي الخاص علشان نتقابل و نتعرف يا باشا

[Ahmed Hassan]

الجرااااج الجراااج الجرااااااااج

[مهندس محمد صلاح]

الف مبروك يابو سكندر وربنا يكفيك شرها

[sokasoon]

• الف الف مبرووووووووك على العربية الجديدة
  
  وهات غطاء ووتر بروف وغطيها وماتخفش
  
  وبلاش جراج علشان ماتسيبش المفتاح بتاعك
  
  الله اعلم ممكن يتعمل بيه ايه خليك فى الامان
  
  وهات غطاء واركنها امام المنزل

[modux]

الف مبرووووووووووك

و احسنلك الجراج

[bassam nagy]

الجراج طبعا احسن

[temoo_110]

الف الف الف مبروك على السيارة الجديدة وربنا يباركلك فيها ويكفيك شرها انشاء الله
وياريت موضوع رابطة الاسكندرانية دى علشان الاسكندرانية ابتدو يكتسحو المنتدى وانا انشاء الله هبقة اركب مستريك عليه اسم المنتدى علشان يتشهر فى الاسكندرية

[Islam_galal]

بلاش الجراج طالما ستترك المفتاح ، لو لقيت جراج فيه باكيه خاصة و لن تترك المفتاح اشترك فيه حتي لو ابعد او اغلي
انا كنت مشترك في جراج انا و اتنين اصدقاء و كنا نضع نسخ من مفاتيح كل سيارة في كل سيارة بحيث لا تتحرك السيارة الا في وجود احدنا و مع ذلك اتهريت خبط و سبت الجراج و لقيت الشارع نفس النتيجة بس ارخص
و بعدين طالما عينتني رئيس الرابطة تسمع الكلام و لا تحب نعملوا معاك الواجب . . . . ايووووووو :lol: :lol: ه

[temoo_110]

على فكرة ياباشا انا من الاسكندرية من محرم بك بردوه بس انا من ناحية شارع الاسكندرانى

[bishoo33]

السلام عليكم أصدقائى الأعزاء
أسف جدا لعدم تمكنى من الكتابة والرد اليومين اللى فاته ولكن للضروررة أحكام وزى ما توقعت وقلتلكم برجوعى للعمل وانشغالى بمشاكل العمل وخصوصا اننا داخلين على shut down أخر الشهر والمصنع كله واقف على رجل واحده ما حدش بيعرف يتنفس . المهم شكرا مره أخرى على ردودكم وأحب أن أوضح لكم أننى قمت بركن السيارة بالجراج مؤقتا حتى يتم تسريح توته العفروته اللى مش قادر أستغنى عنها لأنها عزيزة على الأسرة كلها عشره 7 سنين بس نعمل ايه للضرورة أحكام وطبعا ما ينفعش اركن سيارتيين أمام المنزل لعده أسباب أهمهم العين وما أدراك ما العين خصوصا فى حى شعبى زى محرم بك

[Karim_Monir]

حبيب قلبي استاذ محمد
الف مبروك
طبعا انا كنت اول واحد عارف وتليفونك كان رائع ومعلش انت كنت بتكلمني في وقت حرج لان اللاب توب بتاعي كان مسروق وقتها بس الحمد لله

الف مبروك علي العربية وطبعا اعمل الفرش الجلد بقي عشان يرسمها
وقريب هاوريلك صور عربيتي
ربنا يباركلك فيها وخليك في الشارع احسن عشان حكاية المواعيد دي
ممكن تعمل حاجتين كويسين
تشتري غطاء وتر بروف تقيل محمل يحميها من اللعب والخدوش البسيطة
بس اول ما تشترية هات علبة دوكو ب 7 جنية واكتب رقم العربية في كل حتة علي الغطاء عشان يتشوة محدش يفكر يسرقة
وانت بتغطيها سيب حتة صغيرة من الغطاء جوة الباب واقفل علية وكدة مش هايتسرق
واظب علي غسيل العربية في البنزينة حد اقصي كل شهر
عشان كان مكتوب في كتالوج العربية ان بخر البحر بيسبب تاكل المعادن والبارومة بسرعة
والغسيل الشامل بيحافظ عليها بس مع التجفيف الجيد
واهم حاجة ماتخليش عامل البنزينة يضرب المسدس في ارضية العربية جامد عشان ضغط المية بيشيل طبقة البلاك العازل من الارضية
غسيل خفيف يعني

ربنا يباركلك فيها مرة تانية
اخوك في الله
كريم منير

[أبو عبدالله]

ربنا يباركلك فيها ويعطيك خيرها ويكفيك شرها

[bishoo33]

أخى العزيز الغالى كريم
أشكرك جدا جدا وللعلم بعد الله سبحانه وتعالى ونتيجة للمناقشات الت تمت بينى وبينك قبل ما أشترى أستقريت على الماتريكس ولحد دلوقتى العربيه تمام بس ما فيش وقت كفايه لأتمتع بيها مع الأسرة ربما يتوفر الوقت فى بدايه الشهر القادم وسوف أعطيكم تفاصيل وافيه عن السيارة
لغايه دلوقت أنا لم أضيف للسيارة أى شىء وذلك لأن فلوسى خلصت خالص وبأذن الله فى أول الشهر حبدأ الترويش وبأذن الله سوف احضر معاكم اللقاء القادم المزمع فى رمضان (أعمله حسابى ) وكمان عشان عايز أشترى شويه كماليات من شارع دمشق
الظاهر اننى سوف أقوم بكسوة السيارة أرضيه وكراسى هنا فى الأسكندريه لأن المهاتما ونتيجة أتصال تليفونى بينه وبينى رشحلى سروجى فعلا هو معروف فى الأسكندريه بشغله الكويس بس غالى وسوف أصطحبه معايا عشان يعملى خصم
حبيب قلبى كريم ايه رأيك فى التأمين وايهم أفضل غبور ولا الجمعيه المصريه
معلش اترككم لصلاة العشاء على أن أعود لأستكمال الحديث