دليل شامل لمالكي هيونداي I10

[Hussin]

الى كل الأعضاء مالكي السيارةi10 السلام عليكم انا معايا I10 عاملة حوالي 10آلاف كيلو عايزين نتبادل الآراء حول السيارة مثل ايه تقييمك للسيارة ايه المشاكل التي قابلتك حتى الآن وكيف تم حلها أعتقد أن هذا سيكون مفيد لي ولك ولأي احد من أعضاء المنتدى مالكي I10 أرجو الأهتمام وشكراً

[د.محمد الشيخ]

جميل جدا
ومنتظرين حضرتك تبدا بنفسك وتحكيلنا تجربتك مع العربية ليستفيد كل من بيفكر يشتريها

منتظرينك

[Nile_Storm]

بالتوفيق و نرجو المشاركه من كل ملاك الاي 10
عاوزين نشوف منافسين للفيرناويه و الماتركساويه و الاكسلاويه

[Hussin]

الى كل مالكي السيارة I10 السلام عليكم سوف أبدأ بتجربتي مع السيارة وهي هاف أوبشن وعاملة حتى الآن 10 آلاف كيلو ومميزات السيارة حتى الآن:
1- عفشة جيدة وناعمة جداً في المطبات .
2- موتور ناعم ورغم انه 1100cc الا ان سحبه وتجميعه جيد .
3- صالون السيارة من الداخل لا يدل على حجم السيارة فهو يتسع لخمسة أشخاص بدون مشكلة والكراسي مريحة جداً والتابلوه أنيق .
4- ثبات جيد في السفر حتى 140 كيلو بدون مشاكل .
5- اضاءة قوية للكشافات الأمامية
أما بالنسبة للعيوب :
1- صغر حجم شنطة السيارة .
2- أنا عارف أن السيارة بتنزل بره بكاوتش 14 وليس 13 زي ماهي نازلة في مصر ومكتوب على قايم السيارة من ناحية السائق ان ممكن يكب 13 أو 14وأعتقد ان لو الكاوتش 14 يخلي الثبات افضل بكثير .
3- السماعات الموجودة بالسيارة ضعيفة وسيئة أضعف من خارج الكاسيت وعلشان كده بتبوظ بسرعة وبتعمل زنة مزعجة جداً وكذا واحد اشتكى من نفس الموضوع .
4- لايوجد طفاية سجائر بالعربية .
أرجو ان أكون قد أفدتكم وفي أنتظار مشاركتكم .
ملحوظة : لو غيرت الزيت في التوكيل تأكد من أن مقاس الزيت مضبوط علشان انا أكتشفت انهم كانوا بيحطوا الجركن كله تأكد ان مستوى الزيت لايكون أعلى من النقطة الثانية علشان ما يضرش الموتور .وشكراً

[Hussin]

عايز أستفسر عن حاجة مهمة لما تيجي تدور العربية بيظهر في التابلوه حروف Esp فما معنى ذلك هل السيارة بها Abs لو حد عارف ياريت يفيدنا كلنا .

[ahmed_wbt]

لا يا اخ حسين ده معناه ان العربيه فيها باور ستيرنج كهرباء

وبتنور وانت ماشى لو فى مشكله فى الباور

[Hussin]

ألف شكر على الأفادة يا ابو حميد . فين يا جماعة مالكي I10 ياريت المزيد من المشاركات .

[Hussin]

ياريت لو حد عنده أي فكرة عن أسعار قطع الغيار

[sadstar]

انا بفكرة اجيبها يا جماعه ياريت حد من ملكها
يقولى اجيبها ولا لا

[Hussin]

والله العربية كويسة جداً حتى الآن هي عاملة 10000 كيلو وانا كتبت من قبل في نفس الموضوع مميزات السيارة توكل على الله .

[a_tantawy7]

انا بفكرة اجيبها يا جماعه ياريت حد من ملكها
يقولى اجيبها ولا لا

العربية ممتازة, عاملة معايا 9000 كيلو لحد دلوقتي بدون أي مشاكل والحمد لله رغم أني بعاملها معاملة قاسية جدا.
لو ناوي أتوكل على الله.

[hoss_rona]

هاي يا جماعه انا حسام عايز اسال اصحاب العربيه ال i10 انا بفكر اشتريها ان شاء الله بس انا سمعت انها مينفعش تروح مشاوير كبيره خاصتا ان شغل بابا بعيد نسبيا هل ده هيقلل من عمرها وعايز انطباع اصحاب العربيه عليها من خلال قيادتهم ليها

[Ahmed Hamdy]

طيب يا جماعة أنا شفت العربية ومعجب بيها جدا .. بس محتار بين أنى أجيبها أو أجيب فيرنا هاف الفرق بسيط .. هى خاماتها وتقفيلها أشيك وأنضف من الفيرنا وقعدتها من جوه أريح من الفيرنا .. الفيرنا كراسيها بصراحة مش مريحة والكنبة الخلفية ضيقة .. الـ i10 رغم شكلها الصغير من بره لكن من جوه كراسيها مريحة والكنبة الخلفية مريحة وقعدت فيها مستريح رغم إن كرسى السواق كان راجع ع الآخر .. بس ميزة الفيرنا الموتور الأقوى وده مش فارق معايا كتير لإنى بتحرك بالعربية جوه البلد ومش بسافر كتير والشنطة هى بس الميزة اللى خايف أحتاجها وأندم عليها ..

ايه رأيكوا ؟؟

[mecho_392]

طيب يا جماعة أنا شفت العربية ومعجب بيها جدا .. بس محتار بين أنى أجيبها أو أجيب فيرنا هاف الفرق بسيط .. هى خاماتها وتقفيلها أشيك وأنضف من الفيرنا وقعدتها من جوه أريح من الفيرنا .. الفيرنا كراسيها بصراحة مش مريحة والكنبة الخلفية ضيقة .. الـ i10 رغم شكلها الصغير من بره لكن من جوه كراسيها مريحة والكنبة الخلفية مريحة وقعدت فيها مستريح رغم إن كرسى السواق كان راجع ع الآخر .. بس ميزة الفيرنا الموتور الأقوى وده مش فارق معايا كتير لإنى بتحرك بالعربية جوه البلد ومش بسافر كتير والشنطة هى بس الميزة اللى خايف أحتاجها وأندم عليها ..

ايه رأيكوا ؟؟

انا عملت موضوع عنها يا باشا و هى عربيه تحفه بجد جيبها و انت مغمض و متسمعش لأى حد يقولك فيرنا. انا بقول على ال i10 ماتريكس صغيره بجد العربيه دى قمة الابداع. توكل على الله و هاتها و مش هتندم و كمان هتيجى تشكرنى بالتوفيق ان شاء الله.

[mecho_392]

شكر خااااااااااااااااااااااااااااااااااااااااااااااااص

أنا بشكر الاخ Hussin لانه هو اللى سألته عن العربيه و ارشدنى انها ممتازه و كلنا بنفيد بعض و نستفيد. بجد شكرا يا باشا انا معرفتش اكتب حاجه عن العربيه علشان النت قاطع من فتره و كنت بنزل كل يوم جامعة حلوان من مدينة نصر طول اليوم.