احب اخد رأيكم

[sherifnagy]

السلام عليكم
انا معرورض علي اكسنت 1500 علي 44500
صاحبها بيقول انها بحالة الزيرو
هل السعر دة كويس
و هل كدة يبقي افضل من الاكسيل -عشان انا كنت بدور علي اكسيل-
وياريت حد يرشحلي مركز خدمة كويس اروح اكشف علي العربية فية -انا سمعت ان في مركز في الحرفيين لو حد عارفة يوصفهولي

اسف علي الاطالة ولكن يا ريت تساعدوني انا بقالي سنة متردد و بدور علي عربية كويسة ولاني مش عايز البس عربية اي كلام زي اللي معايا

[sherifnagy]

اسف نسيت اقول انها 2001

[samirayad]

اسف نسيت اقول انها 2001

ياريت كمان تقول عدد الكيلومترات المقطوعة........وياريت ترفع السيارة الأول فى أى محطة خدمة وتكشف على الأساسات....وتجربها فى الدورانات لكى تختبر الكبالن.....وتختبر توجية السيارة ....علشان التقييم يبقى صائب من قبل الزملاء

[Terrible_DaRsH]

صراحة المبلغ غالى شوية ...
ولكن هات كل المعلومات المتاحة لك عن العربية علشان تتقدر كويس ..
وعلى فكرة فى عربيات كتير جدا فى المبلغ ده ممكن تختار منهم اى واحدة ...

[sherifnagy]

السلام عليكم
انا رحت شفت العربية النهاردة وبالاستفادة من معلومات المنتدي - شكرا للمنتدي الجميل علي المعلومات الهايلة فية-لقيت العربية راشة من الامام لما وجدت اثر بوية في طرف الرادياتير اضافة الي ان العتب فية عضعضة
ولما لقيت صاحب العربية مصر علي انة مش راشش الا الاكصدام -بيقول نضافة- كمان مش شكل زيرو ابدا و مش عايز حتي يتفاوض في السعر صرفت نظر ومشيت
بس انا محتار جدا في عربية في حدود 40000
الاكسنت ولا اللانوس ولا اشوف حاجة الماني زي البولو ولا ياباني في الحدود دي
ارجو مشاركتي و شكرا لكم بجد

[Terrible_DaRsH]

البولو تماااام ....
شوف البولو وعندك اوبشن كتير فى السعر ده ..

[samirayad]

السلام عليكم
انا رحت شفت العربية النهاردة وبالاستفادة من معلومات المنتدي - شكرا للمنتدي الجميل علي المعلومات الهايلة فية-لقيت العربية راشة من الامام لما وجدت اثر بوية في طرف الرادياتير اضافة الي ان العتب فية عضعضة
ولما لقيت صاحب العربية مصر علي انة مش راشش الا الاكصدام -بيقول نضافة- كمان مش شكل زيرو ابدا و مش عايز حتي يتفاوض في السعر صرفت نظر ومشيت
بس انا محتار جدا في عربية في حدود 40000
الاكسنت ولا اللانوس ولا اشوف حاجة الماني زي البولو ولا ياباني في الحدود دي
ارجو مشاركتي و شكرا لكم بجد

شوف عربية لانوس 1 بحالة جيدة.................

[thegreatnileman]

فيه واحد معاه دايو جوليت فضى مواصفات اوروبية كان جايبها من بورسعيد عن طريق معوق العربية فابريكه بالكامل بس هو عاوز 45000 جنيه تقريبا ممكن تكلمه وتساله
0101909278
وتقوللنا عملت ايه معاه

[sherifnagy]

thegreatnilemanفيه واحد معاه دايو جوليت فضى مواصفات اوروبية كان جايبها من بورسعيد عن طريق معوق العربية فابريكه بالكامل بس هو عاوز 45000 جنيه تقريبا ممكن تكلمه وتساله
0101909278
وتقوللنا عملت ايه معاه 09-01-2009 08:14 PM
السلام عليكم اسف اخي علي التأخير في الرد و \لك لسفري و اشكرك اتعاونك ولكني بصراحة لا احبذ عربات المعاقين لما سمعتة من شبهات فيها وايضا ابحث عن عربة بشنطة عائلية يعني واشكرك ثانية علي اهتمامك و اشكر كل العضاء هذا المنتدي الجميل