سؤال خاص بالالنترا الشكل الجديد؟

[mahmoudzaied]

انا عايز اسأل عن الكاسيت او السى دى اللى بيجى مع اللانترا
هل الخليجى (المانيول) بيجى بكاسيت شرايط ولا سى دى؟
وهل بيكون بنفس لون الاضاءة بتاعة العدادات(الزرقاء) ولا لأ؟
وهل المصرى (المانيول) بيجى بكاسيت شرايط ولا سى دى ؟
وهل بيكون بنفس اضاءة العدادات (الزرقاء) ولا لأ؟
وعايز اعرف سعر اللالنتر المصرى المانيول بكام والخليجى المانيول بكام؟
وايه الفرق ما بينهم ؟
وهل الاتنين بينزلو بفرش بيج ولا لأ؟
معلش اسالتى كتير

[amr22_00]

بص يا سيدي
الالنترا المصري بتنزل بكاسيت شرايط
أما الخليجي فغالبا بتنزل بكاسيت سي دي بيكون مالي كل الفتحه
المانيوال المصري دلوقت 2008 ب 96750
اما الخليجي 2009 انا لسه سائل عليها من يومين قالي ب 97000
تقريبا نفس السعر بس الخليجي دي 2009
ةالاضاءة زرقاء في الكاسيت بنوعيه
و بتنزل بلون بيج اه
الفروق بقى اللي انا عرفتها لد دلوقت:
1_فانوس ستوب في الخليجي مش في المصري
2_ريموت كنترول اصلي فيه زرار تفتح بيه الشنطه برضه الخليجي
المصري مفيش زرار للشنطه
3_زرارين تحكم في تعلية و خفض الاضاءه الداخليه و الفوانيس الخارجيه اما المصري فيها زرار واحد بس تقريبا للداخليه بس
4_بيقولو ان عفشة الخليجي انشف سنه من المصري
5_تقريبا الخليجي فيها مسند في الخلف و بين المقعدين الاماميين و المصري لا
6_كمان الخليجي فيها اضاءه اماميه في السقف المصري لا
7_الخليجي برضه تقريبا فيه مكان مخصص لنظاره الشمس في السقف المصري لا
بس رقم 5 و 6 و7 دول نسبيين ممكن اه و ممكن لا
و لو حده عنده تعديل يا ريت يقوله
أتمنى اكون افادتك و ربنا يوفقنا

[mahmoudzaied]

الف شكر يا زعيم
بس على كدة بقى مميزات الخليجى احسن من المصرى بكتير

[amrnader]

شوية اضافات بسيطة على كلامك

بص يا سيدي الالنترا المصري بتنزل بكاسيت شرايط
أما الخليجي فغالبا بتنزل بكاسيت سي دي بيكون مالي كل الفتحه

الكاسيت فى المصرى سى دى mp3 ومش مالى كل الفتحة

و بتنزل بلون بيج اه

ده حسب لون العربية الخارجى، الفيرانى بيبقى الفرش لونه رمادى ، متهيقلى بقية الالوان الفرش بيبقى بيج

ريموت كنترول اصلي فيه زرار تفتح بيه الشنطه برضه الخليجي
المصري مفيش زرار للشنطه

المصرى مفيهاش زرار للشنطة، بس لو ضغط على زرار الفتح شوية بيفتح الشنطة

[amr22_00]

شوية اضافات بسيطة على كلامك



الكاسيت فى المصرى سى دى mp3 ومش مالى كل الفتحة

ما هو ده اللي انا قلته على فكره لو انتا مركز في كلامي

ده حسب لون العربية الخارجى، الفيرانى بيبقى الفرش لونه رمادى ، متهيقلى بقية الالوان الفرش بيبقى بيج

صح زي ما انتا بتقول كده:k32:

المصرى مفيهاش زرار للشنطة، بس لو ضغط على زرار الفتح شوية بيفتح الشنطة

شكرا على المعلومه

[mahmoudzaied]

يا جماعة
انا بتكلم عن المانيول
خلى بالكم
الكاسيت فى المانيول سى دى ؟

[amrnader]

ما هو ده اللي انا قلته على فكره لو انتا مركز في كلامي

انا كدة اتلخبط

انت كاتب المصرى بتنزل الكاسيت شرايط و انا بقول بتنزل سى دى mp3 من غير شرايط

وضحت الصورة؟

[amr22_00]

الكاسيت فى المانيول سى دى ؟

ايوه في المانيوال

[amr22_00]

انت كاتب المصرى بتنزل الكاسيت شرايط و انا بقول بتنزل سى دى mp3 من غير شرايط
:

ايوه المصري مفيهاش كاسيت سي دي
المصري فيها كاسيت شرايط مش بيكون مالي الفتحه كلها
اعتقد اني متاكد من كده والله اعلم

[drhaytham]

يا جماعة
انا بتكلم عن المانيول
خلى بالكم
الكاسيت فى المانيول سى دى ؟

سي دي وكمان زياده اير باج في كل الفئات

[amrnader]

ايوه المصري مفيهاش كاسيت سي دي
المصري فيها كاسيت شرايط مش بيكون مالي الفتحه كلها
اعتقد اني متاكد من كده والله اعلم

انا شفت العربية كتيير ، الكاسيت اللى بينزل فى المنيوال او الاوتو هو mp3 سى دى والاضاءة فيه زرقاء زى التابلوه.

غبور بقى بينزل الكاسيت ده فى الدفعات الجديدة، هو شكله ماشى مع التابلوه شوية كأنه الكاسيت الاصلى بدل الكاسيت اللى بيبقى شكله نشاز و قابب من الطابلوه

[amr22_00]

جايز بس انا كل العربيات اللي شفتها 2008 من غبور مفيهاش الكاسيت السي دي الاصلي بتاعها

[mahmoudzaied]

انا عارف الشكل السى دى اللى مش مالى الفتحة
هوا الميزة اللى فيه انو نفس لون التابلوه
ولو الخليجى بينزل ب سى دى اللى مالى الفتحة كلها زى ده

بيقى الخليجى افضل من المصرى فى اوبشنز كتير

الكاسيت السى دى اللى بينزل مع الالنترا (المصرى - المانيول )
هوا ده

ودا لينك للالنترا اللى بكاسيت شرايط (مش عارف مصرى ولا خليجى)

http://xs320.xs.to/xs320/07414/my.elen.35.jpg

[mahmoudzaied]

اى خدمة
ويا ريت بالصور نوضح الفرق بين المصرى والخليجى

[amr22_00]

ما انتا وضحت اهو يا باشا