مميزات وعيوب الالنترا2008

[ahmed2000]

انا عايز اعرف اية مميزات الالنترا وعيوبها علشان معروضة علي والدي انو يشتريها

[RuSH]

مميزتها انها عربيه جميله جدا ومفيده جدا
عيوبها انها تقيله قوى على الجيبب

[akrameladl]

والله انت عندك حق تقيله قوى على الجيب بس تستاهل

[ahmed161075x]

انا بقى نفسى اعرف العيوب ومش مهم المزايا .........ممكن حد يكول العيوب يا اخواننا

[HamadaMOMO]

لا توجد بها عيوب الا لو استخدامك كتير فى الطرق الى غير ممهدة عالطول بتجيب علبة دركسيون وبتتغير فى التوكيل تبع الضمان
اما بالنسبة للباور فهو ممتاز مفيهوش عيوب لكن فى بعض الاشاعات انة خفيف قوى ودا بيعتبروه عيب

[ahmad--ezzat]

انا عندى نوبيرا باورها خفيف لدرجة الهبل
بس لما بجرى 120 او حاجة
بيتقل وبحس انو تقيل

[KING_LEDO]

انسوا موضوع الدريكسون الى ما سقش ما يتكلمش
الركسيون تقيل مع السرعات
و بعدين ايه علبة دركسيون
عمري ماسمعت عنها
انا عامل 54190 كم

[faroukahafeez]

انا مش خبير فى العربيات
بس انا بقالى اكثر من شهر بدرس العربية علشان عايز اجيب واحدة ان شاء الله
اقرت تقارير كتير فيها والنتيجة انها ممتازة يمكن بس تكون غالية شوية بالنسبة ان مفهاش ABS, AIR BAG
انا بتكلم على المانيوال او الاتوماتيك العادية مش الهاى لاين

انا عندى سؤال لـ King_ledo
باشا انت عامل بيها 54190 كم ما شاء الله ربنا يبارك ليك فيها
انت معاك مصرى ولا خليجى ؟ وتفتكر هتفرق فى حاجة ؟

[ahmed161075x]

ايه حكاية واطيه عند التحميل من ورا

[kliken]

انا سمعت انها مش ستابل اوى فى السرعات العاليه و الله أعلم اصحابها ممكن يوضحوا اكتر موضوع الستابيليتى فى السرعات العاليه

[migomax]

العربية هايلة جدا..

الباور بتاع الدركسيون ده ميزة مش عيب.. بيسموه باور كهرباء.. وهو بيبقى خفيف جدا وانت واقف وكل ما تسرع بالعربية بيتقل.. وده بيخلي العربية ستيبل جدا على الطريق وانت على سرعات عالية..

لأنه لوانت غاوي سرعة .. وماشي فوق ال 100 ك 140 وانت رايح .. ولو الباور خفيف يعني النظام العادي وجيت تضرب مقص بين العربيات اللي حواليك العربية ح تحدف منك جامد ومش من السهل تلمها وخصوصا في المقصات الضيقة..

اما الباور بتاع الألنترا بيخليها ثابته جدا حتى وانت على طريق منحني وعلى سرعة عالية بتحس ان العربية ملتزمة بالحارة اللي هي عليها ومش بتهرب منك..

ومن مميزتها كمان وانك على طريق سفر وبيعدي منك عربيات نقل تقيل بمقطورة ما بتحسش قوي بخطفة الهوا اللي هو العربية تلعب منك وده دليل تاني على ثباتها..

العربية في حد ذاتها وعلى سعرها لما تيجي تقارنها من ناحية الرفاهية والشياكة والأداء بتتحط في صف السيارات الأعلى منها ثمن وبتتفوق عليهم كمان..

عيوبها الحقيقية.. ان غبور بخيل شوية في موضوع كمالياتها وانا من ناحية احساسي ان ما كانش تفرق معاه لو كان بيعمل بيها أوردر من المصنع.. يمكن تكون الجمارك ليها يد في موضوع ده..

عموما من وجهة نظري ناقصها نور القراءة اللي في السقف اللي بيبقى عند المرآة.. هو فيها في النص العادي .. المسند اللي بين كرسي السائق وكرسي اللي جنبه.. نور الفرامل الأستوب اللي في زجاج السيارة الخلفي.. والحاجات دي وفرها في الموديل الأعلى اللي بتزود فيه تقريبا 9000 الآف جنيه مع تكييف تاتش..

فراملها معقولة وبتمسك كويس رغم انها مش Abs ومافيهاش اير باج..

غير كده تسارعها وهمي وده بيخليها تفوق على العربيات التانية اللي ليها المواصفات تقريبا..
الباقي انت تحكيلنا عليه لما تركبها ان شاء الله..

[ahmed161075x]

اشكرك على المعلومات الوافيه دى بس لى سؤال هى لما تحمل تلته ورا بتكون نازله قوى ليه كده ,,,,,,,,,, وعلى فكره انا محتار بين النترا وسيراتو ومشعارف اقرر لان سيراتو ارخص 8 الاف جنيه

[ahmed322]

أنا ليا تعليق للاستاذ احمد اللى عايز يشترى عربيه سيراتو بص يا باشا انا محتار نفس الحيره زيك بالظبط بين الانسر والسيراتو والالنترا يس انا عمال اسأل على العربيات الكويسه فى السوق وهقولك على المعلومات اللى انا عرفتها من واقع تجربه وتجربه الناس الانترا عربيه زى الفل واحسن من السيراتو كمان ... بس عبيها انها كورى فى الاخر و انها واطيه اوى اوى ولما يكون فى حد قاعد وراء يكون العربيه فى الارض شويه و بتلبس اى مطب ... انا مش عايز اكرهك فى العربيه بس لازم قبل ما تدفع فلوس تعرف هتدفعها فين احسن

ثنايا السيراتو .. عربيه ممتازه جدا اعلى من التنرا كمان و عجلها احسن كمان و الثبات تقربيا نفس ثبات التنرا العربيه تقفيلها ممتاز لما تركبها ملقولش عليها كورى ابدا ..المانيول بتاعها ممتاز والاوتو كمان زى الفل محدش اشتكى منه بس
المشكله فى العربيه دى حاجه واحده انها تقيله جدا فى البيع زى بس غير كده العربيه ممتازه جدا

وعلى فكره التنرا غاليه على الامكانيات اللى فيها يعنى ايه رأيك لو تفكر فى الانسر الشكل القديم .. او تويوتا كورولا افضل حاجه فى السوق بجد عن تجربه

وانا ان شاء الله ناول اجيب لانسر

معلش طولت عليك بس كنت لازم اوصح ليك
اسف للأطاله

[migomax]

اشكرك على المعلومات الوافيه دى بس لى سؤال هى لما تحمل تلته ورا بتكون نازله قوى ليه كده ,,,,,,,,,, وعلى فكره انا محتار بين النترا وسيراتو ومشعارف اقرر لان سيراتو ارخص 8 الاف جنيه

هو الميزة اللي في السيراتو ان الفتيس مش اتوماتيك بس لأ ده استبترونك.. ودي ميزة لأنه يعتبر مانوال واتوماتيك في وقت واحد وهي من التقنيات الحديثة..

انا ما سقتش السيراتو علشان أحكم عليها بس من ناحية الأداء الأنترا أكيد أحسن من الأنسر البوما والتيوتا الكورولا الشكل اللي قبل الأخير.. بس هو أكيد السيارتين بياعين عن الألنترا.. لأن الناس في مصر ساعات كتير بينحازوا لحاجات كتيييييرغريبة.. والدليل لسه بنتج النصر 128 ..

شوف مكتب بيأجر عربيات وجرب العربية اللي نفسك فيها ده ح يخليك تقارن بسرعة وبنفسك..

ربنا يوفقك للصالح

[aboezz44]

صنى

بسم الله
طيب ليه ماحدش بيفكر فى النيسان اصنى
عربيه ياباني
تقيله على الطريق
ماكينه بسم الله ما شاء الله 2 كامه
استهلاك البنزين معايا المانيوال عامله 260كم على الطوالى
والسعر 86000جم بس للمانيوال عربيه كامله يابانى 1 ايرباج
وتوكيل محترم من هنا للصبح
وربنا يهديكم للى فيه الخير