لو أنتـ منـ أحبابـ النترا .. أتفضل

[alivara]

افهم من كده انى لو اشتريت الالنترا ال98 هاكون انا الوحيد اللى معاه الموديل ده و لا ايه !!!
الصراحة عايز اعرف ليه محدش عايز يجاوبنى !!!!

حضرتك ما تظلمش حد ممكن ما يكومش فيه كتير عارفين الموديل ده فميقدروش يفيدوك لانه موديل قديم شوية و من الصعب تلاقي الشباب هنا عارفينه , انا عن نفسي اول مرة اسمع عنه و كان نفسي افيدك
تأكد لو فيه حد يعرف معلومة واحدة عن الموديل ده هيفيدك بدون تردد
و الف مبروك مقدما
م/ ايهاب

[a_aboelseoud]

ايهاب باشا ,شكرا على ردك
انا مش قصدى اظلم حد ,المشكلة انى مش عارف اخد قرار لانى مش قادر احصل على معلومة اكيده عن الموديل ده
العربية عاجبانى جدا بس خايف اعجابى بيها يخلينى ما اخدش بالى من حاجات اتفاجأ بيها بعد ما اكون اشتريتها
و اكرر شكرى على ردك و اهتمامك

[alivara]

لا شكر على واجب انت اخ عزيز ليا و كنت اتمنى افيدك و ان شاء الله تجمع معلومات عنها و يكون اختيار موفق بإذن الله

[taki_hti]

ياجماعه انا اشتريت النترا 2009 فضى خليجى من 4 شهور فى اول شهر 10 اللى فات انا اشتريتها فتحة سقف وجنوط ب 115500 من المنصوره
اهم مميزات العربيه : كاسيت سى دى مع وصلة usb
اضاءة الطابلوه رائعه من جوه وكمان الكراسى واسعه وخاصة للشباب اللى رجليهم طويله وبيحيبوا يرجعوا الكرسى للاخر
الثبات بتعاها كويس على الطريق لغاية 160 كم/ساعه بعد كده هتبتدى تحس ان العربيه بدأت تخف منك والشنطه بتاعتها واسعه جدااا وجاى معاها الاستبن جنط كمان
البدى بتعاها كويس انا اتخبط فى الاكصدام الخلفى 3 مرات قبل كده ومحصلهوش حاجه
والعفشه بتاعتها قويه جدا وصوت الموتور هادى جدا
انا شايف ان العربيه تصلح للعائلات اكثر من الشباب فلو كنت شاب انصحك ب i30
اهم عيوب العربيه :
البور كهرباء مبيفصلش بعد ال120 يعنى لو انت عنيك غفلت كده ثانيه الله اعلم ايه اللى ممكن يحصل
الفرامل بتاعتها مفهاش abs ولا ebd وكمان ضعيفه على السرعاته العاليه الفرامل مش هتوقف العربيه ولا هتهديها
طبعا الكلام ده مختلف تماما فى الالنترا اللى فيها abs و ebd
وعادة بتبقى مجهزه بتكييف تاتش مش بكره
طبعا الالنترا اللى مجهزه بتكييف تاتش وabsوebd سعرها بيبقى من 120 الى 125 الف جنيه مصرى وشكرا

[alivara]

ياجماعه انا اشتريت النترا 2009 فضى خليجى من 4 شهور فى اول شهر 10 اللى فات انا اشتريتها فتحة سقف وجنوط ب 115500 من المنصوره
اهم مميزات العربيه : كاسيت سى دى مع وصلة usb
اضاءة الطابلوه رائعه من جوه وكمان الكراسى واسعه وخاصة للشباب اللى رجليهم طويله وبيحيبوا يرجعوا الكرسى للاخر
الثبات بتعاها كويس على الطريق لغاية 160 كم/ساعه بعد كده هتبتدى تحس ان العربيه بدأت تخف منك والشنطه بتاعتها واسعه جدااا وجاى معاها الاستبن جنط كمان
البدى بتعاها كويس انا اتخبط فى الاكصدام الخلفى 3 مرات قبل كده ومحصلهوش حاجه
والعفشه بتاعتها قويه جدا وصوت الموتور هادى جدا
انا شايف ان العربيه تصلح للعائلات اكثر من الشباب فلو كنت شاب انصحك ب i30
اهم عيوب العربيه :
البور كهرباء مبيفصلش بعد ال120 يعنى لو انت عنيك غفلت كده ثانيه الله اعلم ايه اللى ممكن يحصل
الفرامل بتاعتها مفهاش abs ولا ebd وكمان ضعيفه على السرعاته العاليه الفرامل مش هتوقف العربيه ولا هتهديها
طبعا الكلام ده مختلف تماما فى الالنترا اللى فيها abs و ebd
وعادة بتبقى مجهزه بتكييف تاتش مش بكره
طبعا الالنترا اللى مجهزه بتكييف تاتش وabsوebd سعرها بيبقى من 120 الى 125 الف جنيه مصرى وشكرا

الف مبروك بس كنت حابب اعلق على كلام حضرتك
كل الناس اللي معاهم النترا فى المنتدى بيقولوا ان الباور بيتقل مع السرعات العالية و ده بيخليك تتحكم في العربية
تاني حاجة الكل بيأكد قوة فرامل النترا حتى على السرعات العالية يمكن حضرتك ما جربتش الفرامل على السرعات العالية او سمعت المعلومة ديه خطأ
انا شايف اهم عيوبها بس ان الكماليات مش موجودة الا فى اعلى فئة منها نما الفئة اللي هشتريها ان شاء الله مانوال هتبقى من غير كماليات كتير
تاني حاجة كنت اتمنى تكون فيه فئة جميع الكماليات مانوال لأني مابحبش الاوتوماتيك
ثالثا صاجها ضعيف شوية و واطية شوية برضه بس كل ديه عيوب بسيطة يعني لا تقلل شيئ من قيمة العربية

[KING_LEDO]

السلام عليكم
حكاية الباور دي مش صحيح الباور بيتقل مع السرعة
العربية استيبل جدا حتى 200كم (تحذير*السرعة خطر جدا)
بالنسبة للفرامل ممتازة و مطورة امامي و خلفى حتى لو من غير ايه بى اس
السيارة ممتازه جدا لدي 2007
انا مفاجئ من قوة تحمل السيارة للصدمات فعلا السيارة ممتازة اتخبطت اربع مرات من الخلف من دوجان و مرة من لادا و مرة شاهين و رة من جين2 وكل مرة انزل افتكر ان العربية ادمرت و ابص ملاقيش حاجة و مرة على المحور كنت على سرعة 70كم و فرملت (كنت سرحان وتعبان سايق من الغردقة)دخلت في تاكسي و التاكسي من الصدمة دخل في اكسيل اكصامها الأكسيل اترفع و التاكسي اكصاميه الخلفى و الأمامي اترفعوا لفوق و انا لقيت النمر اترسمت على الأكصدام و الجنب الأيسر من الأكصدام الكلبسات خرجت ضغطت عليه ركب الحمد لله مثل الفابريكة ولا حاجة باينه و لا حاجة اتقشرت ولا اتخدشت الحمد لله
ومن ساعتها معجب جدا بأكصدمات السيارة و علشان الصدر فيبر دي الميزة بتاعته
غير كده العربية زي الفل

[alivara]

السلام عليكم
حكاية الباور دي مش صحيح الباور بيتقل مع السرعة
العربية استيبل جدا حتى 200كم (تحذير*السرعة خطر جدا)
بالنسبة للفرامل ممتازة و مطورة امامي و خلفى حتى لو من غير ايه بى اس
السيارة ممتازه جدا لدي 2007
انا مفاجئ من قوة تحمل السيارة للصدمات فعلا السيارة ممتازة اتخبطت اربع مرات من الخلف من دوجان و مرة من لادا و مرة شاهين و رة من جين2 وكل مرة انزل افتكر ان العربية ادمرت و ابص ملاقيش حاجة و مرة على المحور كنت على سرعة 70كم و فرملت (كنت سرحان وتعبان سايق من الغردقة)دخلت في تاكسي و التاكسي من الصدمة دخل في اكسيل اكصامها الأكسيل اترفع و التاكسي اكصاميه الخلفى و الأمامي اترفعوا لفوق و انا لقيت النمر اترسمت على الأكصدام و الجنب الأيسر من الأكصدام الكلبسات خرجت ضغطت عليه ركب الحمد لله مثل الفابريكة ولا حاجة باينه و لا حاجة اتقشرت ولا اتخدشت الحمد لله
ومن ساعتها معجب جدا بأكصدمات السيارة و علشان الصدر فيبر دي الميزة بتاعته
غير كده العربية زي الفل

+1000000000000000000

[ZOOMA]

يا اخوانى انا مبسوط جدا من الكلام ده
انا معايا النترا مالنيوال 2008 من شهر 4 - 2008 والعربية الحمد لله فى غاية الروعة من كل الجوانب اللى بتدور عليها.