عايزة ارائكم في الماتريكس

[نور القمر]

بصى ادخلى على الموقع ده هتلاقى عربيات هيونداى كتير مستعمله وفيهم ماتريكس اكتر من موديل
www.car100100.com

شكرا لك الموقع ده فعلا كويس جدا قدرت من خلاله اعرف رينج الاسعار للهيونداي عموما

انا كنت بسأل اسعار قطع الغيار واستهلاك البنزين مقارنة بالاكسيل غالية ولا عادية

[khaledSML]

السيارة ممتازة واناعندى موديل 2008 استيراد من الخارج كورى اتوماتيك وهى من الشكل القديم (وبعيد عن غبور) وعلى قدر علمى من عام 2009 بدأ ينزل الشكل الجديد تركى.
يمكنا السيارة استهلاكها من البنزين أعلى بمقدار بسيط من المتوقع(يمكن علشان ثقيله وده شئ كويس من وجهة نظرى.

ربنا يوفقك.

[MEMES]

الماتركس عربيه عائليه محترمه بس بلاش التركى خليكى فى الكورى.
ورأى الشخصى جيتز زيرو اضمن لك (بس ده يرجع لاحتياجاتك من العربيه)
وان شاء الله ربنا ييسرلك الشراء

[saiedsm]

العربيه جميله جدا من حيث وسع السياره و الكماليات وكمان السعر ونعومه في السحب لكن تعتبر متوسطه من حيث الثبات ع الطريق و للأسف سيئه في التعليق أقصد العفشه طبعا طول ما الواحد اشي بيسمع صوت دب دب دب يامه اوي الدبه فيها مع المشي و صوتها مسموع بطريقه ملحوظه
بس ع العموم العربيه كمجمل كويسه بالنسبه للسعر

[نور القمر]

السيارة ممتازة واناعندى موديل 2008 استيراد من الخارج كورى اتوماتيك وهى من الشكل القديم (وبعيد عن غبور) وعلى قدر علمى من عام 2009 بدأ ينزل الشكل الجديد تركى.
يمكنا السيارة استهلاكها من البنزين أعلى بمقدار بسيط من المتوقع(يمكن علشان ثقيله وده شئ كويس من وجهة نظرى.

ربنا يوفقك.

الف شكر خالد باشا على المعلومات

الماتركس عربيه عائليه محترمه بس بلاش التركى خليكى فى الكورى.
ورأى الشخصى جيتز زيرو اضمن لك (بس ده يرجع لاحتياجاتك من العربيه)
وان شاء الله ربنا ييسرلك الشراء

لو جبت جيتز ناوية يكون مستعمل برضو او كسر زيرو لاني مش بشجع الزيرو بيخسر كتير لو جيت ابيع
شكرا ربنا يسمع منك

العربيه جميله جدا من حيث وسع السياره و الكماليات وكمان السعر ونعومه في السحب لكن تعتبر متوسطه من حيث الثبات ع الطريق و للأسف سيئه في التعليق أقصد العفشه طبعا طول ما الواحد اشي بيسمع صوت دب دب دب يامه اوي الدبه فيها مع المشي و صوتها مسموع بطريقه ملحوظه
بس ع العموم العربيه كمجمل كويسه بالنسبه للسعر

بالنسبة للثبات انا عمري ما هجري بعربية لاني خوافة
اكتر حاجة جبتها 90
الف شكر على المعلومات

[Ah.Farid]

خلوها تصدي وموديلها يعدي

[sh23]

شكرا لك الموقع ده فعلا كويس جدا قدرت من خلاله اعرف رينج الاسعار للهيونداي عموما

انا كنت بسأل اسعار قطع الغيار واستهلاك البنزين مقارنة بالاكسيل غالية ولا عادية

------
بصي يا نور وركزي كويس فيما يخص الماتريكس
* إستهلاك البنزين داخل البلد (وفي مملكة فيصل الكبري المجاورة لجمهورية الهرم العظمي) يتراوح بين 190 كم حتي 210 كم في الصفيحة لو ما بتشغليش التكييف ورجلك مش ثقيلة علي البنزين
* استهلاك البنزين علي الطريق السريع وبالتكييف مع عدم تجاوز سرعة 100 كم/ساعة 240 كم في الصفيحة حد أدني
* أسعار قطع الغيار في الوكيل غالية شوية عن محلات قطع الغيار وممكن تخطفي رجلك لحد منفذ بيع قطع الغيار التابع لغبور ومكانة في شارع فيصل أمام الإدارة التعليمية قبل الطالبية مباشرة وتسألي عن كل شيئ
------
لو ناوية علي الماتريكس حتي لو مستعمل بس تكون العربية مش متهانة وحالتها كويسة يبقي توكلي علي الله وربنا يبارك لك فيها
-----
علي فكرة من وجهة نظري الشخصية لا فرق بين كوري وتركي
-----
دعواتي بالتوفيق