الجتزززززززز

[LanCeLoT]

ده موضوع انا جمعته من اراء الاعضاء و يارب يفيد
مميزات الجيتز

• موتور اقوي و صيانته و قطع غياره متوفره لانه موتور مستخدم في معظم سيارات هيونداي
• شكل رياضي
• صالون شيك
• الشنطة اكبر من السيريون
• قطع غيار ارخص و انتشار اكبر
• الجيتز حاصلة على 4 نجوم من 5 فى اختبار الأمان الأوروبي
• هيا اربع موديلات 2 مانيوال و 2 اوتوماتيك الفرق فى فتحه السقف والنواكل اللى على التابلوه ومقابض الابواب الداخليه ولون المرايه بيبقى بلون الهيكل
• موتور قوي جدا جدا .
• العربية سريعة , ناعمة و سهلة القيادة ,
• سحبها عالي و محستش بفرق في سواقتها بالتكييف أو من غيره , و بحمولة أو وانا بس اللي فيها ,
• و صالونها مش صغير أبداً ,
• شنطتها مش صغيرة و مش كبيرة أوي برضه ( حطيت فيها شنطتين سفر قبل كده مع غطا العربية )
• الجيتز فيها أربع سماعات ( في الأربع أبواب بس ) و صوتهم كويس.
• والله اكتر Acceleration فى عربية سقتها فى حياتى بجد انا مسميها الفرريرة

عيوب الجيتز

• افتقاد تام لعوامل الأمان ..... عوامل الامان بتاعتها ضعيفة بردة (العربية مش زى الى بتنزل برة خلص مع احترامى لكل ماليكيها)
• توكيل زحمه توكيل مش كويس خالص
• الكاسيت و الانذار متركبين في مصر ( السيريون برده اول فئة فيها بيركبوا الكاسيت في مصر )
• تم طرح الجيل التالي ليها I20
• صغيرة الحجم
• غير رحبة من الداخل (دة طبعا مقارنة بالfrv )
• الاستابيليتي بتاعها ضعيف
• الشنطة الصغيرة الى حد ما
• الموتور اللي اقوى من حجمها ودي البعض شايفها مشكلة لكن انا ما اعتقدش ان دي مشكلة اصلا
• ناشفة شوية في المطبات الجامدة .

[Tmhami]

Many Thanks for your evaluation

actually i owned this car ,it is very great , now i made 23000 KM without any complain

N.B: for the stability ,in my opinion till 140 KM/hr it is stable for straight road and till 80 KM/hr for curves

Tamer Hamid

[tarekkasaby]

جميلة فكرة انك تجمع المزايا و العيوب
بس نصيحة صغيرة ياريت تغير عنوان الموضوع علشان يوضح المحتوى
و لو حد عايز اى استفسار فى العربيه انا تحت امره

[MEMES]

الموضوع حلو جدا والعربيه كمان تحفه.

[MEMES]

على فكره انا الحمد لله حجزت واحده لانى مقتنع بيها جدا بس خايف i20
تنزل بسرعه واندم!!

[LanCeLoT]

على فكره انا الحمد لله حجزت واحده لانى مقتنع بيها جدا بس خايف i20
تنزل بسرعه واندم!!

والله وانا .... اصل شكل ال i20 هتطلع تحفة

[MEMES]

والله وانا .... اصل شكل ال i20 هتطلع تحفة

بس ان حاسس انها هتكون اغلى 10000من الجيتز ؟ انت ايه رأيك ؟

[ma3adi_DArkman]

ممنوع كتابة اللغة العربية بالأحرف الانجليزية
يرجي مراجعه قوانين المنتدي

مشرف القسم

[mclarenfi]

والله وانا .... اصل شكل ال i20 هتطلع تحفة

يا جماعه الوحد مش عارف يعمل ايه يشترى الجيتز, و الا يستنى الـ i20 لما تنزل , انا حساس انها حتكون عربية كويسة, انا سالت التوكيل قالوا لى مش عارفين حاتنزل امتى.