ملاحظة بالنسبه( لجميع ) مواتير الهيونداي

[Hossam Mounir]

عزيزى كريم ... هكلمك بلغتك ...

لو عندك PC ... البروسيسور بتاعة 486 ,والهارد بتاعة 400 MB ... وشغال ب 8MB RAM وال Operating System اللي عليه ويندوز 95 ... وحبيت تعمل Setup ... ل MS office 2007 ...تفتكر أيه النتيجة ... أعتقد انه هيكركر ... وهيكاكي ... وهتشوف منه اللي عمرك ما شفته ... صح ولا مش صح ...

أجدد عربية أكسيل دلوقتى فى مصر شغالة بقالها على الأقل 10 سنوات ... ياعنى بالميت عملالها 150,000 كم ... ده طبعاً ... لو أفترضنا أنها متصينة كويس ... وسواقتها كويسة ... يعنى ما فيش حرق على الماتور ... ولا قرص ... تفتكر كدة كدة مش هتبقى بتكركر ...ذى الكمبيوتر صاحبنا اللي فوق ... أكيد طبعاً ... هتكون محتاجة عمرة ماتور ...

على العموم ...
فيه نصيحة هقولهالكم ... اللي مش عايز عربيته تكركر ... لما توصل من العمر أرذله ... يعاملها برفق ... ولا يقسوا عليها ... ويحافظ عليها ... وهيا هتكون خدامته طول عمرها ...

على فكرة يا كريم ... أنا اللي غايظنى فى الموضوع العنوان الراجل كتب "جميع مواتير الهيونداى" ... يعنى أنا عمال بندانى وبكركر ... يوه لغبطونى ...قصدى بكرر ... وبقول يا اخونا موتور الألنترا الجديدة ... ده ما فيش زيه ... والراجل طالع يقولك المواتيركلها بتكركر ... وكاتب بالنص ...

لما لقيت كله كده حتي النيو اكسنت و الالنترا الجديده

هو ده كلام ... على العموم ربنا يكفينا شر الكركرة ... ولو عرفت تحمل ال MS office 2007 ... ده على الPC المئسوف على شبابة ... يبقى يا عم مواتير الهيونداى كلها بتكركر ... ونص وثلاث ربع ... كمان ... وحاسب بقى من دخان الكركرة ... لحسن دلوقتى تلاقى كل اللى بيقرا المشاركة دى عمال يعطس ...

أتشش أتششش أتشششششوه

يرحمكم الله ... سلام ...

م / حسام منير

[Karim_Monir]

ها ها ها ها
ماشي يا حسام
بتكلمني بلغتي
بس برضه بلغتك
انا كان معايا اكسيل
وكانت حالة نادرة صاحبها كان بينزل من ليبيا مرة في السنة لمدة اسبوعين وكان تاني يد من ابن خالتة وحوار كدة
المهم العربية كانت بحالتها فعلا ولما خدتها كانت اقل من 50 الف العداد حقيقي وكان بشحم الفابريكة ترس العداد
وكانت مركونة في جراج في مدينة نصر في صقر قريش وقريبة ينزل يدورها مرة كل اسبوع ولا اتنين عشان ماكنش بيرفعها
المهم انا اللي افتريت عليها بجد لكن كان اول ملاحظاتي عليها انها بتسقف كتير
عملت البدع معاها بس طبيعة مواتيها اللي هيا موتور لانسر صفية كدة
تصميمة كدة
ادي اقصة
لكن موتور النترا ولا نيو اكسنت يسقف
طب مانا كان معايا الريو اللي كانت نفس موتور النيو اكسنت
موتور مفتري واسال علية دكتور احمد يقولك علية
ربنا يباكلة فيها

[جندى مجند]

المقابلة قبل الأخيره كان السيد الأستاذ / "على حسن" وهو بيتصفح اللاب توب الخاص به شوفنا أن مبيعات هيونداي 16800 عربيه تقريبا خلال الأربعة شهور الأولى لهذا العام والماركة الثانيه بعدها فارقه عنها أكثر من 7000 ألاف سياره

ممكن يا بايو تقولى الموقع اللى عليه أرقام المبيعات عنوانه ايه؟ هل هو موقع مجموعة أميك؟

[PAYOO]

المقابلة قبل الأخيره كان السيد الأستاذ / "على حسن" وهو بيتصفح اللاب توب الخاص به شوفنا أن مبيعات هيونداي 16800 عربيه تقريبا خلال الأربعة شهور الأولى لهذا العام والماركة الثانيه بعدها فارقه عنها أكثر من 7000 ألاف سياره

ممكن يا بايو تقولى الموقع اللى عليه أرقام المبيعات عنوانه ايه؟ هل هو موقع مجموعة أميك؟

لا لا ده مش موقع يا باشمهندس أحمد دي بيانات وقواعد بيانات موجوده على الكومبيوتر الشخصي للأستاذ "على حسن" لأن عمله كمستشار قانوني لـ"دايهاتسو" والمصريه للسيارات يتيح له أنه يكون عنده البيانات دي

[mohamedfadel]

الحقيقة انا معي ماتركس و موضوع التسقيف ده الحقيقة موجود من ساعت لما اشترتها
انا افتكرت انها ح تفضل علي طول كده و لكن موضوع التسقيف قل شوية بعد التليين
مش عارف حاسس ان الموتور مش قوي زي ما انا كنت متخيل
يعني مثلا انا كان معي رينو كليو 1400 سي سي موديل 2005 الصراحة عمرها ما سقفت و بعدين رغم انها 1400 سي سي و الماتركس 1600 سي سي بس الصراحة كان موتورها اقوي بكثير من الماتركس و كانت اسرع
من الاخر فعلا موضوع التسقيف ده موجود يحدث حتي علي الاول
مش عارف السبب الصراحة

[Anti_virus_abdo]

الحقيقة انا معي ماتركس و موضوع التسقيف ده الحقيقة موجود من ساعت لما اشترتها

اول ملاحظاتي عليها انها بتسقف كتير

ادي 2 يا جماعه بيشتكو انا طبعا ما كنش قصدي كلللللللللللل عربيات الهيونداي بس الاغلبيه كده
مواتير شركه هيونداي كلها بتكركر :D او علي رأيكم بتسقف
و كل اصحاب الهيونداي يا ريت محدش يزعل مني علي الموضوع ده

[Anti_virus_abdo]

w b3den ya gd3an el tas2ef mesh 7aga w7sha
m3 el kaset w el base
w 3ysh 7eataaaaaaaaaaaaaaaaaaaaaaaak :D

[Eng.Ahmed]

استاذ Anti_virus_abdo

انتا خليتنى ركزت فى موضوع الكركره ده و انا ماشى فى الشارع و لاحظت ان الموضوع ده مش مرتبط بنوع معين من العربيات لانى سمعت افيو و لانسر و باسات بيكركروا :lol: و طبعا كل العربيات دى مواتيرها مش معيوبه لكنه زى ما قلتلك قبل كده و انت زعلت منى " عيب سواقه "

[Anti_virus_abdo]

استاذ Anti_virus_abdo

انتا خليتنى ركزت فى موضوع الكركره ده و انا ماشى فى الشارع و لاحظت ان الموضوع ده مش مرتبط بنوع معين من العربيات لانى سمعت افيو و لانسر و باسات بيكركروا :lol: و طبعا كل العربيات دى مواتيرها مش معيوبه لكنه زى ما قلتلك قبل كده و انت زعلت منى " عيب سواقه "

خلاص يا باشا و لا يهمك هي كانت وجهة نظر و خلاص
بس ما زلت بقولك برضه مش عيب سواقه :D
و انا مقدرش ازعل منك يا باشا و لا حاجه مش موتور هيونداي هيوقع بنا يعني :D

[مهندس محمد صلاح]

انا سوقت الاكسيل والفرنا بجميع موديلاتها والاكسنت بجميع موديلاتها .. ما لاحظتش موضوع التسقيف ده ايدا .. اولا البنزين مش اقل من 90 .. ثانيا الغيار يكون متشبع .. رجلك تكون خفيفة على الاكسراتير .. ده مش معناه ان حضرتك مش كويس فى السواقة لا سمح الله او تقليل من شانك .. احنا كلنا هنا فى المنتدى ما بنعرفش نسوق .. لكن دى بعض الملاحظات الاساسية المسببة للكركرة حاول تعملها وياريت نعرف النتيجة منك .. عشان سمعة هيونداى .. وما تزعلش من الناس اللى اتكلموا معاك ناشف شوية دول كلهم قلبهم ابيض .. :lol: اضحك وروق كده .. فهمى باقول لك فهمى

[analyzer]

معايا فيرنا 1500 لا يوجد بها تسقيف ولا حاجه وسحبها زى الفل

التعليق الوحيد على الموتور ان صوته عالى شويه

وللعلم انا بمون 90 مش 92 ولا يوجد تسقيف

[hamada_syndrome]

يا جماعه......
أولا: صباحكوا فيرنا ........
ثانيا:اسمعوا الموقف ده:
من يومين كده و انا راجع من صلاة الفجر في الجامع اللي جنبي وصلت قدام البيت لمحت العربيه بتاعتي واقفه فافتكرت الكلام كله اللي اتكتب في الموضوع ده و حسيت ان العربيه بتكركر و هي واقفه :shock: :shock: ......... قلت بس يا واد يابو حميد .. انت لازم تجيب اخر الموضوع :x ...... قمت راكب العربيه و دورتها و سبتها تسخن براحتها...... و قمت مستعين بكل خبراتي السابقه في السواقه 8) علشان انقل صح لا بدري اوي و لا متأخر يعني على طول اعمل (Perfect shift ) المهم .........اعدت اسوق العربيه كده بتاع ساعتين و استنتجت الاتي:
1- العربيه مش بتكركر و انت سايق صح ... يعني لو منتاش عايزها تكركر مش حتكركر!!!
2- العربيه لازم حتكركر منك و انت فاتح التكيف و طالع على الأول !!!
3- العربيه يمكن تكركر منك لو البنزين قليل أوي في التنك و نقلت بدري شويه (معرفش ليه ؟؟)!!!
4- لو العربيه كركرت في أي موقف تاني يبقى يالعربيه اللي بايزه يانت اللي ملكش في السواقه :D !!!

دي تجربتي الشخصيه و اتمنى اكون مطولتش عليكوا..... Peace

[Anti_virus_abdo]

يا جماعه......

2- العربيه لازم حتكركر منك و انت فاتح التكيف و طالع على الأول !!!
Peace

ده الي بتكلم عليه يا باشا و شكرا لمشركتك مفيش عربيه بتعمل كده غير الهيونداي
وش كرا علي مشاركة جميع الاعضاء

[mohamedfadel]

بس علي فكرة اظن ان موضوع الكركرة ده لا يحدث في السيارات الاوتوماتيك عن تجربة

[cars_lover]

Re: ملاحظة بالنسبه( لجميع ) مواتير الهيونداي

اولا ديه اول مشاركه ليا في المنتدي و فعلا المنتدي ده مميز جدااا و عجبني جداااااااا
انا كان ليه ملاحظة كده علي جميه مواتير هيونداي و مش عايز اي حد عنده هيونداي يزعل مني ديه اول مشاركه ليا :D الملاحظه هي ان جميع مواتير هيونداي بها عيب و هو صوت (الكركره) انا كان عندي اكسيل موديل 97 و طبعا كنت بعاني جداااا من الكركره حتي و لو مديها الغيار الصح ده و انا طالع علي الاول بتعمل كده و لا تعليق لو التكيف شغاال ودتها التوكيل و اتظبطط اسبوع ب الظبط انا قلت ديه اكسل يا عم و العربيه 1.3 يعني تعبانه بس صدمت لما لقيت كله كده حتي النيو اكسنت و الالنترا الجديده و القديمه و الصدمه الكبري كانت اما واحد صحبي كان لسه جايب هيونداي كوبيه و كنت راكب معاه و فرحان هو بيها بقي و كله تمام انا طبعا الكركره دي مش في دماغي خالص انا راكب كوبيه :D بس و كنا مشغلين التكيف بس مش بيقرص عليها عشان التليين و كنا واقفين في اشاره و فتحت اداها اول عادي و جاي يطلع بيها ترررررررررررررررررررررررررررررررر كركرتتتتتتتتتتتتتتتتتتت !!!!!!!!!!!!! :!: :!: :!: انا فتحت بقي و زهلت و بيعاني هو من الحوار ده في الشد و خصوصا في التكيف انا قلت اشوف رأي الاعضاء في الحوار ده انا بس الملاحظ الحوار ده و لا اييييه ؟؟؟؟

أمسك.......... أمسك العضو ده اللى بيتكلم على مواتير الهونداى .... حــــاـــــق......هاتوه....

محدش يمسكنى أنا مش حعملوا حاجه...أنا حعرفه غلطه بس...



أوعى تكون زعلت أنا بهزر معاك...

يا أخى دا أحسن حاجه فى الهونداى مواتيرها...

ياله نتفق ...يكركر بلغه الميكانيكا الدارجه يعنى يصقف.

أنا مستعد لو جبتلى أى عربيه انشاله مرسيدس حخليلك ماتورها يصقف و يفوت كمان.

ححاول أشرحلك الموضوع ببساطه ويا رب أفيدك:

أى صوت مش عادى يصدر من الماتور له دلاله .

تعالى نشرح المعادله دى : بنزين + هواء + كهربا ---> طاقه حركيه مولده لها عزم

أولا العزم (نيوتن / متر):
===============
وهو القوه التى يولدها الماتور لتحريك السياره . ويواجه الماتور عند تحريك السياره من حاله السكون أعلى حمل ممكن ولذلك لو ما وزنتش رجلك فى الطلعه وزودت بنزين (لكى يزيد الـ RPM فيزيد العزم ) كويس الماتور حيصقف أولا ثم يبطل لان هناك أحمال أكبر من القوه المولده (حاله 1).

والحاله 2 : عندما تقوم بعمل نقله مبكره أو كبس بنزين وسرعه السياره أقل من سرعه الغيار الحالى ،فيصدر صوت التصقيف لنفس السبب فى الحاله الاولى.

لاحظ أن الحاله 1و2 هو عيب سواقه و يظهر فقط فى السيارات المانيوال مش الاوتوماتيك لانك انت الذى تتحكم فى الغيار .

الحاله 3 : فى المانيوال والسياره واقفه و التكييف شغال :
التكييف بيعمل حمل عالى على الماتور و يستهلك جزء كبير من الطاقه المولده منه و لذلك لما تبقى العربيه واقفه وتشغل التكييف تلاقى صوت الماتور على شويه ولو عندك RPM حتلاقيه زاد و هذا يسمى التعويض . كأنك زودت بنزين لتوليد عزم زياده و برضه عند التحرك لازم تزود بنزين تانى علشان الطلعه.

فلو حدث تصقيف فى الطلعه يبقى اما بسبب أن نسبة التعويض مش مضبوطه أو عيب سواقه (سبب الحاله 1 )

ونلاحظ أنه فى المواتير ذات السى سى الاعلى (عزم أعلى ) يقل احتمال حدوث ذلك..
وكلما زاد أوكتان البنزين زادت كفاءة الاحتراق ، فالبنزين 92 (بدون ماء) يجعل فرص سماع التصقيف أقل

ملخص الحالات الثلاث السابقه سببها زياده حمل على الماتور .

ثانيا : الطرف الايمن :
=============
من المسئول عن :
خلط البنزين و الهواء = الكاربيراتير أو Injection
الكهرباء = الاسبلاتير

لو واحد فيهم مش مظبوط يبقى الماتور مش مرتاح ويفضل يصقف ويكركر و ينتش و يرعش ويبطل عمال على بطال اذا زودت بنزين أو لا

وكلما زاد أوكتان البنزين زادت كفاءة الاحتراف ، فالبنزين 92 (بدون ماء) يجعل فرص سماع التصقيف أقل .


وأنا شايف أنه الاكثر احتمال فى حالتك هو ضبط الكهرباء و غالبا عدم ظبطها يكون السبب الغالب للتصقيف ، فيجب ان تظبط كهرباء العربيه و ياريت لو تحط بنزين 92 (أملى التنك كذا مره علشان البنزين القديم يتغير، وان شاء الله حتدعيلى.

حتقول انك سمعته فى سيارة صاحبك الجديده : حقولك أما مشكلته أيضا ضبط الطلعه أو عايز يظبط العربيه و لو حتى لسه خارجه زيرو من المصنع .

أنا كانت عربيتى بتنتش و روحت للاسطى غبور باشا ..قالولى الماتور عايز ظبط ...قلتلهم ممكن يكون الكاربيراتير عايز يتنظف ..قالو لأ ... وما رحش العيب وبعد كده نضفت الكاربيراتير بره نزل منه طينه سوداء و اتظبطت العربيه.