لو حد عنده مشكلة فى الاكسيل يقوللى وربنا المعين

[good09]

السلام عليكم ورحمة الله وبركاته انا اخوكم احمد بشتغل محاسب بس عندى شوية خبرة مع الاكسيل الحمد لله انا اشتريت ماتريكس اوتوماتيك بس لو حد عاوز استفسار فى الاكسيل ان شاء الله اساعده لانى كنت باعمل فيها معظم الصيانات والاصلاحات بنفسى

أحمد

يا ريت تقولنا يا ا احمد عن رايك فى اكسل خاصة و ربنا رزقك بالماتريكس هل بتوحشك و لا كانت مزهقاك و الواحد لو اشتراها ممكن ما يغيرهاش لو حالتها فابريكة و لا فيها عيوب مع الوقت بتخليك عاوز تخلص منها ؟

[good09]

اين انت يا استاذ احمد

[Lion_Heart]

الطاقم كامل لايزيد عن 300 جنيه
اسطوانة دبرياج + ديسك + بليه

و ايه افضل الانواع و المضمون ؟

[atef1066]

الأخ العزيز أحمد أشكرك على مجهودك وحرصك على نفع المسلمين ، وهذا ان شاء الله في ميزان حسناتك ، المشكله عندي باختصار هي ان عندي سيارة أكسيل موديل 98 ماشيه 75 ألف كيلو لانها مرفوعة لظروف السفر (كل عام تمشي حوالي شهرين وترفع) المشكله إنها عندما تكون السيارة باردة تشتغل(تدور)بسرعة من أول مرة ولكن خذ لك مشوار ووقفها وبعد خمس دقائق صعب تدور من أول مرة (لازم أكتر من محاولة ) أو الضغط على المفتاح (تقرص على المارش) حتى تدور ::: طبعا بغير البطارية كل سنه والبوجيهات وغيرت كمان فلتر الهواء وفلتر البنزين ،،، ولسه المشكلة موجودة جزاك الله خير ما هو السبب والعلاج .

[M.FOUAD]

الأخ العزيز أحمد أشكرك على مجهودك وحرصك على نفع المسلمين ، وهذا ان شاء الله في ميزان حسناتك ، المشكله عندي باختصار هي ان عندي سيارة أكسيل موديل 98 ماشيه 75 ألف كيلو لانها مرفوعة لظروف السفر (كل عام تمشي حوالي شهرين وترفع) المشكله إنها عندما تكون السيارة باردة تشتغل(تدور)بسرعة من أول مرة ولكن خذ لك مشوار ووقفها وبعد خمس دقائق صعب تدور من أول مرة (لازم أكتر من محاولة ) أو الضغط على المفتاح (تقرص على المارش) حتى تدور ::: طبعا بغير البطارية كل سنه والبوجيهات وغيرت كمان فلتر الهواء وفلتر البنزين ،،، ولسه المشكلة موجودة جزاك الله خير ما هو السبب والعلاج .

المشكلة ليها اكثر من سبب
جرب لو بطلت معاك تاني تدوس بنزين للاخر و تدور لو دارت معاك يبقى المشكلة شرقان بنزين و يبقى كدة الكاربراتير محتاج يتضبط و تتاكد بردة بحالة البوجيهات
و ممكن بردة تكون مشكلة كهرباء في البوبينة او المشط و تتاكد لو وقفت معاك تاني انك تحط فوطة بمية ساقعة على البوبنة و تشوف اول ما تبرد هتدور و لا لا
و ممكن يكون العيب في اتوماتيك المارش اول ما يسخن مبتدورش