مشكلة في صوت العربية الفرنا

[smsmbakr]

عندي مشكلة في صوت العربية الفرنا
العربية صوتها علي قوي غير المعتاد علية
ده يبقى من ايه وايه العلاج ؟
مع العلم اني لسه مغير زيت
والبنزين 92 او 90
ياريت حد من اهل الخبرة يرد عليا

[Hossam.Hamdy]

خليه 92
روح التوكيل او مركز خدمه و خليهم يضبطوها على الكمبيوتر..
بالنسبه للزيت غير مره زيت و مره زيت وفلتر

[smsmbakr]

انا بعمل كده على طول مرة زيت ومرة زيت وفلتر
والبنزين 90 % بنزين 92
والاغلابية من بنزينة واحدة

[samirayad]

حرارة المحرك لو مرتفعه عن اللزوم....ممكن ترفع معاك صوته.........راجع على مستوى مية التبريد

[smsmbakr]

المياه تمام وعمرها مقلت عن الطبيعي بين العلمتين
ولا حتى مؤشر الحرارة زاد عن الطبيعي على طول في المنتصف

[samirayad]

المياه تمام وعمرها مقلت عن الطبيعي بين العلمتين
ولا حتى مؤشر الحرارة زاد عن الطبيعي على طول في المنتصف

طيب عربيتك فيها حساس تسقيفknock sensor

[smsmbakr]

مش فاهم بس انت اكيد عارف الفيرنا 2008 فيها ولا لأ؟

[samirayad]

مش فاهم بس انت اكيد عارف الفيرنا 2008 فيها ولا لأ؟

أنا صراحه ماشوفتش المحرك بتاعها ....بس أكيد فيها حساس تسقيف وده بيكون مركب على بلوك المحرك.....أنا أنصحك تروح التوكيل أحسن لأن العربيه لسه فى الضمان ....وخليهم يراجعوا على توصيلات فيش الحساسات وبالذات فيشة حساس التسقيف....لأنها لو مهزوزه ...ممكن تفصل اشاره عن وحدة التحكم وبالتالى وحدة التحكم مش حيبقى عندها أى تقارير عن صوت المحرك.....ومش حتتحكم فى تأخير وتقديم الشراره بتاعة البوجيهات..... وبالتالى الصوت بتاع المحرك ممكن يعلى........وابقى قولنا عملت أيه وأنا متابع

[smsmbakr]

شكرا ليك على اهتمامك
وهروح وقولك عملت ايه

[ehabradwan]

انت عامل كم كيلو و ياريت تحدد الصوت شوية
وونة ولا زنة ولا خشونة في السرعات العالية والواطية ولا العالية بس؟

في سحب ولا الموتور صوته عالي والعربية مابتسحبش ؟ عشان نقدر نفيدك يا باشا

[smsmbakr]

انت عامل كم كيلو و ياريت تحدد الصوت شوية
وونة ولا زنة ولا خشونة في السرعات العالية والواطية ولا العالية بس؟

في سحب ولا الموتور صوته عالي والعربية مابتسحبش ؟ عشان نقدر نفيدك يا باشا

45.000 ك
صوت الموتور عالي اكنك مثلا بتحرق على الماكينة
والسرعات لو ماشي على التالت على 60 يبقى الصوت عالي كأني ماشي على 90
والعربية بتسحب عادي

[samirayad]

45.000 ك
صوت الموتور عالي اكنك مثلا بتحرق على الماكينة
والسرعات لو ماشي على التالت على 60 يبقى الصوت عالي كأني ماشي على 90
والعربية بتسحب عادي

تقريبا ....اللى حضرتك بتقوله ده.....بيدلل على أن اللى أنا قولته هو الاحتمال الأكبر لعلو الصوت اللى بتعانى منه