تقييم الجتز من اراء الاعضاء

[LanCeLoT]

يا جماعة انا ملاحظ انا العربية دي معلوماتها متبعترة ... و ياريت تاخد حقها و يتثبتلها موضوع ... ده رجاء من الادارة الكريمة لان العربية ابتدت تنتشر و من منتجات هيونداي المحترمة ... فيا ريت من ادارة المنتدى الكريمة تجمعلنا المواضيع المتعلقة بيها ... انا عارف ان ادارة منتدى هيونداي من الحاجات الصعبة .. لان انواعها كتيرة ... بس انا اتعودت من المنتدى ده على الجمودية ... و هبدأ انا واحط اللي جمعته من اراء الاعضاء و يا ريت اللي عنده العربية دي يحكيلنا عن مميزاتها و عيوبها ... وكنت كمان حابب اسأل هيا العربية دي الفرش الجلد اوبشن فيها من التوكيل ولا بركبه من بره ....و تكلفته اد ايه تقريبا

دي تجميعة من اراء الاعضاء بعد حذف المكرر .. و كمان في بعض العبارات ... ممكن يكون فيها مقارنات .. لأن العربية دي اتقارنت بعربيات كتير اوي في المنتدى هنا و ياريت يا جماعة اللي عنده اضافة يحطها

مميزات الجيتز

• موتور اقوي و صيانته و قطع غياره متوفره و ارخص لانه موتور مستخدم في معظم سيارات هيونداي
• شكل رياضي
• صالون شيك و صالونها مش صغير أبداً
• الجيتز حاصلة على 4 نجوم من 5 فى اختبار الأمان الأوروبي
• هيا اربع موديلات 2 مانيوال و 2 اوتوماتيك الفرق فى فتحه السقف والنواكل اللى على التابلوه ومقابض الابواب الداخليه ولون المرايه بيبقى بلون الهيكل
• موتور قوي جدا جدا .
• العربية سريعة , ناعمة و سهلة القيادة ,
• سحبها عالي و محستش بفرق في سواقتها بالتكييف أو من غيره , و بحمولة أو وانا بس اللي فيها
• شنطتها مش صغيرة و مش كبيرة أوي برضه ( حطيت فيها شنطتين سفر قبل كده مع غطا العربية ) الشنطة اكبر من السيريون
• الجيتز فيها أربع سماعات ( في الأربع أبواب بس ) و صوتهم كويس.
• والله اكتر Acceleration فى عربية سقتها فى حياتى بجد انا مسميها الفرريرة

عيوب الجيتز

• افتقاد تام لعوامل الأمان ..... عوامل الامان بتاعتها ضعيفة بردة (العربية مش زى الى بتنزل برة خلص مع احترامى لكل ماليكيها)
• توكيل زحمه توكيل مش كويس خالص
• الكاسيت و الانذار متركبين في مصر ( السيريون برده اول فئة فيها بيركبوا الكاسيت في مصر )
• تم طرح الجيل التالي ليها بس لسه ما نزلش مصر I20
• صغيرة الحجم
• غير رحبة من الداخل (دة طبعا مقارنة بالfrv )
• الاستابليتي بتاعها ضعيف
• العفشة الناشفة عند المطبات
• الشنطة الصغيرة الى حد ما مش شنطة سيدان
• الموتور اللي اقوى من حجمها ودي البعض شايفها مشكلة

[LanCeLoT]

يا حماعة الخير مش ممكن الاخوة الجيتزاوية الوؤيدين للعربية و الاخوة اللي مش شايفين انها اد كده بعلقوا بالسلب او الايجاب على العربية دي .. عشان نثبت العربية .. لأني بشوف استفسارات كتير عنها و مقارنات كتير متنطورة ... حتى لو تضيفوا لينكات المواضيع اللي كتبتوا فيها عن العربية دي .. او قارنتوها بعربيات تانية .. عشان الكل يستفيد

[MEMES]

اولا بحييك جدا على الموضوع والفكره الجميله ديه لحبيبتنا الجيتز (رغم انها مش واخده حقها) بس ان شاء الله بموضوعك ومواضيع الجيتزاويه هنثبت للناس انها احسن هاتشباك صغيره فى مصر بدون مبالغه
وطبعا بدعوا معاك حبايبنا الجيتزاويه القدام (Tmhami , tarekkasaby,minazaher7,zaiddd,Puresoul)
واحب لو سمحت اضيف المقارنه اللى فى التوبك ده بينها وبين الfrv و السيريون1.3 باعتبارهم هاتشباك فى نفس السعر

http://www.nilemotors.net/Nile/showthread.php?t=56556

كمان ده شويه صور للموضوع

طبعا الشياكه والمساحه الداخليه اكتر من رائع








عربيه تتحب من اول نظره

[LanCeLoT]

شكرا يا مميس على ردك ... انت فعلا جتزاوي اصيل ...ويا رب المشاركات تزيد ... عشان العربية تاخد حقها (بشكل محايد ) .... يعني مميزات و عيوب