Tweet
المشاركة الأصلية كتبت بواسطة pqpqpqpqpq
مشاهدة المشاركة
لو قريت الموضوع تانى هتلاقى اجابات لكل اسئلتك دى عموما التنبيه سببه زى ماذكرت قبل كده ان هيونداى بتغير شويه حاجات فى العربيه على حسب البلد اللى العربيه نازلاها زى مابيهتموا بالتكيف ودوره التبريد والدهان فى الحاجات اللى نازله خليجى الافانتى اللى نازله مصر مجهزه لبلاد مش حر هتلاقى مافيش عداد حراره رئيسى زى الالنترا العاديه هى لمبه زى اليارس بتنور فى المشاكل بس وكمان هتلاقى الافانتى الهاى لاين نازله بسخانات كراسى واكيد مش هايعملو سخانات كراسى لبلد حر
لغايه دلوقتى والموضوع ماشى مش فارق قوى بس برده لازم ننبه والناس براحتها ممكن يكون فى اوبشن اعلى فى الافانتى بس لازم اللى يشترى يكون عارف القصص دى
الحاجه الاهم اكيد هتلاقى تغيرات تانيه يعنى تغيير شكل التابلوه نسيت ااقولك كمان ان النقلات بتظهر جوه المنطقه الزرقا مش بره زى الالنترا العاديه والabs والايرباج وشويه الحركات التانيه زى المرايات الضم اللى عندى مثلا كل ده تغيير فى كهربه العربيه ممكن تلاقى الضفيره متغيره عن الالنترا العاديه
دى مش حاجه نقدر نقول عليها حلوه او وحشه الفكره بس فى الحرص والتفكير كويس فى الصيانات بتاعتها وهتلاقى حد يفهم الحوارات دى ولا لا
اللى قالهولى كمان احد ملاك الافانتى وده على ضمانته مش اكيد ان دوره الموتور متغيره بالمناسبه هى متغيره للاحسن موتور اقوى بس برده نفس الحوار حد هايعرف يفتحه هنا ولا لا؟
وبالمناسبه انا عربيتى فيها كل التغيرات اللى انا ذكرتها دى علشان ماتقولش انى بعيب فى حاجه بس ربنا يستر ونعرف نلاقى حد بيفهم فيها
الفكره مش مقارنه النترا بافانتى الفكره توضيح للناس هى رايحه تشترى ايه علشان تختار وهى مطمنه وبتوع المعارض مايضحكوش عليهم ولو فى مجرد الاسم بس حتى لو العربيتين زى بعض بالظبط من حق الناس تعرف بتشترى ايه وفى الاخر العربيتين زى الفل
وبالمناسبه الشناوى ده اكبر مستورد للخليجى والحوارات دى فى مصر وهو فاتح عند النادى الاهلى الجديد مدينه نصر لو تحب عدى عليهم واعرف كل حاجه
دمتم بود واستمتعوا بيومكم
Comment