صيانة ال1000 ك للالنتر ومشاكلي مع غبور بية

[big big]

اخيرا عملت صيانة ال1000ك للالنتر وكلعادة طلعو عيني تخيلو مكنوش عرفين يظبطو الزواية ورحتلهم يومين ورا بعض وطلعع معاية مهندس بيؤلو علية كبير مهندسين العفشة وعاوز يقنعني ان العربية مش بتحدف والعربية بتحدف منة شمال وفين وفين لما اولتلة دخلوني لمدير الفرع انا مش همش من هنا غير لما تظبط العربية وفدخلوها تاني وعمل عليها كنسلتة وطلع جربوها برة بتاع 45 دقيقة وفي الاخر الي اتفضل يا استاز العربية اتظبطط لما اولتلة كان يها اية الي مفيش العفشة مانت عوزة تطربط وعملناها خلاص ممكن تجرب ولو فيها حاجة ارجعلنا تاني
طلعت جربت ولئيت العربية مظبوطة اتشهدت اني خلصت صيانت ال1000 بصراحة الواحد كان حاسس انة في امتحان السنوية العامة

المفجئة بئ بصيت علي العربية ورا لئيت اللوجو بتاع غبور مسروء تخيلة لما فكرت رجعلهم اولت لسة هرجع تاني واعبال متفهمهم انهااتسرئت عندهم يكون الليل دخل فطنشط والت الحمد للة انها جت علي اد كدة

يرجى من العضو استخدام الفاظ لائقة

مشرف القسم

[serahmed]

خدمة هيونداى مسمعة اوى بس انا عايز اعرف انت كنت فين بالضبط
عشان انا وديت العربية راحت مركز خدمة معتمد لهيونداى بمدينة نصر مش عايز اقولك زى الزفت ورجعت تانى مرتين لحد معملوها وعلى فكرة العربية كانت عاملة 360 كم فقط لاغير يعنى لسة معديتش الالف كم بس عربيات هيونداى مش عارف ملها

[big big]

كنت في ابو رواش

[محمد ابراهيم 1]

منتظر ايه من غبور ؟
غبور على وزن فعول وهو من صيغ المبالغه
يعنى كثير الغبار يعنى كله تراب وقرف ولازم تاخد دش

[Merit]

كنت في ابو رواش

دا إنت لسه في ال1000 ماشوفتش حاجة ، لسه لما يكون عندك مشكلة بجد هاتشوف المر الله يعينك ويعيننا

[dr_abooody]

لية الواحد يعمل صيانة عند غبور

انا روح اغير الزيت في اي بنزينة و اروح لواحد محترم يظبطلي الزوايا و يربط العفشة و خلاص هي الصيانة اية غير كدا
و هخلص كل دة ب 300 ج بالزيت ال 10000 موبيل وان شوف بقى غبور بياخد كام

[HamadaMOMO]

لية الواحد يعمل صيانة عند غبور ؟

علشان نلاقى حد يزهقنا واحنا بندفع الفلوس ونحس اننا مضحوك علينا بالفلوسنا

[EslaM_NagY]

خدمة هيونداى مسمعة اوى بس انا عايز اعرف انت كنت فين بالضبط
عشان انا وديت العربية راحت مركز خدمة معتمد لهيونداى بمدينة نصر مش عايز اقولك زى الزفت ورجعت تانى مرتين لحد معملوها وعلى فكرة العربية كانت عاملة 360 كم فقط لاغير يعنى لسة معديتش الالف كم بس عربيات هيونداى مش عارف ملها

اعتقد تقصد المركز بتاع الشرطة الى جنب مستشفى الشرطة.
المركز ده بدون مبالغة سويقة بباب ازاز كهرباء فقط.
انا حجرب يوم الخميس الجاى ابو غالى الى فى العبور وربنا يسهل ويطلعوا كويسين.

[badawy66]

على فكرة انا كنت في ابو غالي العبور امبارح خدمة ممتازة ومفيش زحمة والعربية خلصت قبل موعد الاستلام الى في امر الشغل . بجد احسن من ابو رواش بكتييييييييييييير . وكمان معتمد عملولي الازاز على حساب الضمان بس لازم يكون معاك كتاب الضمان بتاع العربية واخر امر شغل اتعمل للعربية ( اخر صيانة عملتها فين ) .

[MEMES]

يا جماعه غبور احسن من غيره شوفو العربيات الغاليه توكيلاتها اسوء

[big big]

طيب ممكن سؤال انا وانا ماشوي عاوز اعرف الار بي ام علي الغيار التاني بيكون كام والتالت والرابع

بمعني انا ماشي علي ال40 المفروض بكون الار بي ام كام
ولو ماشي علي ال80 يكون الار بي ام كام

[badawy66]

هيا ملهاش مقياس محدد انا مثلا بنقل لما الـ Rpm يوصل لـ 3 . في ناس تانية ممكن تنقل على 4 حسب تجميعك على العربية .بس انا شايف ان النقل على 3000 لفة افضل وبيريح المحرك وصوت الموتور مبسمعوش .

[firstknight216]

3500 هو المثالي اعتقد

[semsem85]

بصراحة ياجماعة انا هقول تجربتي مع غبو هي اول مرة اروح فيها التوكيل اشتريت اتوس ورحت اغير كاتينة وسير دينمو وتكيف ونصحوني اغير فلتر بنزين
والحمد لله اتغيرو في حوالي ساعة ساعة ونص وناس زي الفل والمكان محترم جدا والمهندس زي الفل
وكمان اخدت القطع اللي اتغيرت
انا شايف انهم كويسين هو بس اللي لحظته ان اسعارهم غالية او ممكن تكون دي اسعار التوكيل