يا جماعة افيدونى محتار فى شراء سيارة النترا

[top_10group]

الصراحة دى اول مرة هشترى زيرو وخصوصا بعد عناء المستعمل ومحتار بين عربيتين هما النيو النترا والشيفروليه الاوبترا ولو انى عجبانى قوى الالنترا.
وكنت عايز اعرف فرق اسعار قطع الغيار بينهم (مين ارخص) وامكانيات الالنترا المانوال اذا امكن .
اسف على الاطالة

[osman hisham]

الألنتلارا أغلى و قطع غيارها أغلى من الشيقروليه و كمان الصيانة الدوريه أغلى من الشيفى بــــــــــــــــــــــــــس !! الشيفى كلها مشاكل فى العفشه (علبة الدركسيون - المساعدين - الطنايير -.....)
موتوؤ الألنترا أنعم بس قريب فى المستوى من الشيفى .
الكلام ده عن تجربه انا بعت الأوبترايعد سنتين من المشاكل و جبت ألنترا

[kliken]

النترا عربيه ممتازه جدا

[HamadaMOMO]

الالنترا تكسب

[Ahmed Sharaf]

أنا كنت محتار زيك كدة لغاية لما ربنا وفقنى وإشتريت إلنترا أوتوماتيك.
*العربية ما شاء الله ممتازة وسحبها كويس والموتور بتاعها ناعم جداً.
* العزل فيها ممتاز يعنى لو قافل الزجاج مش هتسمع أى حاجة برة.
* التكييف ممتاز.
* الباور الكهرباء هايل , ومتسمعش كلام اللى يقول انة خفييف وسيئ لانة أكيد مجربش يسوقها لان كل ما تذود السرعة كل ثبات العربية ما يبقى عالى - أنا لسة راجع من يومين من شرم الشيخ وحبيت اجرب العربية على السرعة العالية ودة لان الطريق كان فاضىييييييي لانى مش من اصحاب السواقة على سرعات عالية والحمد للة ربنا سترها ومشيت على سرعة 180 كم لمدة نصف ساعة تقريباً وفعلا مكنتش حاسس انى كنت ماشى على سرعة عالية ودة وانا مشغل التكييف وكمان مشغل الكاسيت.
* العربية واسعة وكمان مساحة التخزيين فى الشنطة كبيرة
** توكل على الله وإشتريها وألف مبروك مقدماً

[r0xer]

النترا اكيييييد.

[eng.khater]

بص انا برضو في نفس المشكلة دي بس بين الانترا و الرينو سيمبوا بس انا شايف ان الانترا عربية جميلة بس عبها الوحيد انها واطية علي الارض يعني لو حد قاعد ورا و لا اتنين هتلاقي العربية بتحك دا عن تجربة ناس معاها العربية بس بخلاف ذلك العربية كويسة و ممكن العربية تكون اسعار قطع غيارها غلية شويا بس اهة جديدة وكمان في ناس كتير بيعرفو يشتغلو فيها لو التوكيل غلبك

[top_10group]

متشكر جدا على جميع الردود يا جماعة المنتدى دة فعلا جامد باعضائه.
هل يا جماعة اسعار قطع الغيار مبالغ فيها قوى ؟
اصل الموضوع دة فعلا اللى مخوفنى من الالنترا. ويا ريت عايز اعرف الاوبشنز اللى فيها بالظبط ( المانوال) اذا امكن

[eino666]

متشكر جدا على جميع الردود يا جماعة المنتدى دة فعلا جامد باعضائه.
هل يا جماعة اسعار قطع الغيار مبالغ فيها قوى ؟
اصل الموضوع دة فعلا اللى مخوفنى من الالنترا. ويا ريت عايز اعرف الاوبشنز اللى فيها بالظبط ( المانوال) اذا امكن

يا سيدى الفاضل
انت مش هتغير كل يوم قطع غيار فى العربية
والاسعار متقاربة جدا بين السيارات الحديثة فى قطع الغيار
اما الكماليات فى المانيوال
تكييف وكاسيت سى دى واربعة زجاج كهرباء وبصراحة انا معايا اوتوماتيك فيها اربعة وحدة رفع زجاج
مش عارف موجودة فى المانيوال ولا لآ
والنصيحة الاهم
النترا ثم النترا ثم النترا
بدون نقاش وبدون منافس عن تجربة

*************************
محمود عينو

[alivara]

الكماليات فى النترا مانوال كل حاجة في الاوتوماتيك الهاي لاين ماعدا :
1/ لمبة القراءة اللي فوق السائق (غير اللمبة الاساسية اللي في النص طبعا)
2/ مسند السائق بين الكرسيين الاماميين
3/ لمبة الاستوب الخلفية
4/ ال abs و ال airbags
5/ فتحة السقف و الجنوط