اسعار قطع الغيار (الاتوس-الفيرنا- االماتركس- الاكسنت-الاكسيل)

[semsem85]

حبيت اعمل مرجع عن قطع الغيار ومكان تواجدها ياريت كلني نشارك عشان نفيد بعض
وهبدأا بنفسي

العربية اتوس موديل 2000

سير كاتينة : 204
بلية: 150
سير دينمو :79
سير تكييف :87
فانوس امامي :667
فانوس خلفي : 316
فلتر هواء :59
فلتر زيت : 30
فلتر بنزين :70
اكصدام امامي :542
الشبكة الامامية : 131
تيل امامي 400 خلفي 360
عاكس اكصدام خلفي 38
طاسة عجل 27

دي اسعار التوكيل وضيف 10% ضريبة مبيعات

طبعا انا سألت علي اسعار بعض القطع في التوفيقية ودي اسعارها

سير كاتينة 70 - 85 -65
البلية 65 - 75
فلتر هواء 20-25
فلتر زيت15
فلتر بنزين 60
- 50
فانوس امامي 225 تايواني - 145-170
خلفي 100
الشبكة الامامية 65
تيل فرامل امامي 40-50
تيل خلفي 80-65

طبعا الاسعار بتختلف من محل الي محل وحسب بلد المنشا
واللي عندهم حاجات الاتوس اسمهم( الفادي 1ش سليمان الحلبي رمسيس ت 25756475 -0122477951- عصمت - السريعة ده في حلوان ت 25573911 - الشركة اليابنية 12ش ذكي التوفيقية 0172222892 - 25746523

ياريت ياجماعة اللي يعرف اكتر يضيف عشان نفيد بعض

[semsem85]

مفيش حد عاوز يشارك ينفع كد فوق 40 شخص شافوا الموضوع ومحدش حتي علق بجد ياجماعة الموضوع انا شايف انه هيساعد ناس كتير خصوص اللي لسه شارين عربية جديد او اللي معندوش خبرة

[prince_ahmed2004]

شكرا على الموضوع ياباشا بس يريت تجيب لنا اسعار الفرنا اسعار قطع غيارها كاملة وشكرا

[semsem85]

مفيش شكر ولاحاجة بس هحاول لاني انا معايا اتوس ومليش علاقة بالفرنا ولو عرفت حاجة هكتب وياريت اللي معاه فرنا يكتب قطع الغيار اللي غيرها وسعرها ومنين

[abf-nassar]

مفيش حد عاوز يشارك ينفع كد فوق 40 شخص شافوا الموضوع ومحدش حتي علق بجد ياجماعة الموضوع انا شايف انه هيساعد ناس كتير خصوص اللي لسه شارين عربية جديد او اللي معندوش خبرة

انا بكرة هعدي علي محل قطع غيار استيراد اعرفة وهجيب اسعار كل اللي عنده

[dogles2003]

thnxxxx mawdoo3 gamed ta7n

[semsem85]

وهيكون اجمد بيكو لو كل واحد شارك لو حتي مرة واحدة
وشكرا للاخ نصار

[saiedsm]

ليه مفيش موضوع عن قطع غيار الماتريكس بالغم من انتشارها الشديد و لو فيه موضوع عن قطع غيارها ياريت حد يقولي فينه

[sherif222]

أنا أعرف واحد كمان فى التوفيقية عنده قطع غيار الأتوس اسمه : جورج حلمى
كل ما كنت أسأل فى محل عن قطعة يقولولى روح لجورج حلمى
بس مرة سألت عنده على (قربة المية بتاعة المساحات) مالاقتهاش لأن القربة عندى لاتعمل فكنت عايز قربة كاملة ... على فكرة أنا أتوس 98

[sherif222]

كمان يا أخ semsem85
أنا كنت عايز أنضف الانجيكشن أروح فين ؟؟؟؟
أنا ساكن فى حدائق المعادى

[semsem85]

والله يا استاذ شريف انا لسه شاري العربية تقريبا مكملتش شهرين خبرتي قليلة اوي بالنسبة للتصليح ولما كنت عاز اغير سير كاتينة ودينمو ملقتش مفر غير التوكيل لاني مش عارف حد وطبعا انت عارف التوكيل حرااااااااااااااااااااااااااااااااااااام

[sherif222]

شكرا أستاذى ... أنا أصلى لسه شارى الأتوس 98 دى من حوالى أسبوعين فقط وكان معايا فيات قبليها علشان كده لا أنا عارف أنضف انجيكشن فين ولا أجيب قربة مية منين لان الأخ اللى اشتريت منه العربية عكسى تماما أنا أحب كل حاجة شغالة ومية مية وهو الله يسامحه كان كل ما تعطل منه حاجة يسيبها .... سبحان الله
الواحد عايز يخلى العربية زى العروسة .
آسف على الإطالة .

[semsem85]

معلش هي بتفرق من شخص للاخر
هو في كذا حل
لقطع الغيار
ممكن تبحث عنها في التوفيقية او شارع دمشق او الحرافيين
او عند اي حد بتاع قطع الاستيراد مثلا في واحد في صقر قريش عنده حاجات كتير اوي ليها حتي الماتور
او لو غلبت مفيش غير التوكيل وممكن تروح وتسأل علي سعرها ممكن تكون حنينة
وبالتوفيق ولو عرفت حاجة هبلغك ان شاء الله

[sherif222]

طيب ممكن تقوللى على اسم أو عنوان المحل اللى فى صقر قريش ده
أشكرك على الرد

[semsem85]

بجد مش عارف اسمه عو واحد هناك اسمه تامر في هناك مركز معتمد لهيونداي قريب من الطريق هو بعديه