محتار اشتري اية

[supasamy2007]

السلام عليكم ورحمة الله وبركاتة
انا ان شاء الله ناوي اشتري عربية قريب بس محتار مش عارف اشتري اية محتار بين نيو اكسنت و ماتريكس و الانترا الجديدة ياتري اية افضلهم من حيث الشكل والسعر وقوة التحمل والبنزين إلخ بتمني الافادة ويارب مكنش طولت عليكم

[sh_masry]

فى رأيى الشخصى (sherif)

انه لو بتقارن بين الثلاثه سيارات دول يبقى الماتركس , النيو اكسنت مع انها موجوده فى السوق من فتره ليست تعتبر بقصيره و لكنها غير منتشره بالشكل اللى عليه الماتركس و الألانترا و هذا لعده عيوب غير كبيره و لكنها غير مستحبه و منها على سبيل المثال عفشتها الضعيفه جدا و عدم ثباتها مثل السياراتان المقارن بينهما شكلها الغير مستحب فى رأيى انا الشخصى و عدم انتشارها هذا يزيد من اسعار قطع غيارها و صعوبه تصليحها عند اى مركز او فنى سيارات .
بالنسبه للألانترا الجديده سياره جميله بالرغم من اننى شخصيا فضلت الألانترا القديمه عنها و لكن بــــايـــو اكتشف حين وجوده فى النوكيل ان الصدر بتاعها بلاستيك و ده طبعا ممكن تحتاج تغيره كل شهر و ده لظروف طريقه سواقتنا و ايضا ممكن تكون راكنها فى امان و اللى قدامك عايز يطلع من مكانه و يوسع لنفسه بزق عربيتك بأكصدامه الخلفى فى اكصدامك الأمامى و بكده ممكن يكسر الصدر لو اتعافى على العربيه شويه او انت شادد فرامل الأيد على الأخر ,,,,
و ده رأيى بايو و الصور اللى مصورها .
و بكده هايفضل قدامك الأختيار الأخير اللى هو الماتركس برغم شكلها اللى مابحبوش (و ده رأيى انا الشخصى) بس هاتبقى من احسن العربيات الثلاثه اللى بتقارن بينهم.
a7'ook
Sherif

[supasamy2007]

أنا بشكرك يا شريف على ردك بس في سؤال كمان انتا اية رأيك لو قارنت بين الماتريكس والواجا ايهما افضل

[sh_masry]

شوف يا ريس انا معنديش فكره عن الواجا قوى و ممكن تسأل عنها الناس اللى راكبنها بس انا لو بفكر لنفسى هاجيب الماتريكس و ده مش علشان انا مش مقتنع بالواجا بس ده علشان انا بقتنع بالعربيه اللى انا ابص حواليا فى الشارع الاقى كتير منها و ده ينطبق على الماتريكس ..... و ده كمان علشان الأنتشار بتاع العربيه بيخللى مراكز الصيانه لازم بتبقى فاهمه فيها كويس لأن ده اكل عيشهم و من كتر ان العربيه بتبقى منتشره فاكيد بتجيلهم اعطال كتير فبيتعلموا صيانتها كويس غير العربيه اللى ماحدش يعرف يصلحها غير التوكيل بس و انا مش من انصار الذهاب الى مراكز صيانه التوكيلات و انا عن نفسى قبل ما اجيب عربيتى رحت لكذا مركز صيانه علشان اتأكد انهم بيعرفوا يشتغلوا فيها و عندهم الكومبيوتر بتاع ضبطها علشان ماكنش محتاج للتوكيل الا فى الأول لحد ما الضمان يخلص.
اخوك
Sherif