هيواندي i10

[zemax]

هيواندي i10
انا عايز اعرف كل حاجه عن العربيه ديه عشان انا عايز اشتريها واجيبها اتومتيك ولا مانيول
واسعار قطع غياره اه ارجو المساعده

[yahiahelaly]

وانا كمان والله ياريت الى اتعامل معاها يقولنا اية اخبارة ومشاكلها وعيوبها ومميزتها وياريت يقول الورق الى هستلمة

[mahmoud_magdy]

انا ليا صديق معاه العربيه وركبت معاه كزا مره
هقول انطباعاتي ورأيي الشخصي
1- السياره تكفي خمس اشخاص في الاوزان المتوسطه
2- الشنطه مش كبيره اوي يدوب تكفي شنطتين صغيرين
3-ابعاد السياره سهله جدا وتقدر تشوفها
4- هيكل السياره متوسط ( زي كل الهيونداي)
5- الخامات الداخليه متوسطه والتابلوه بتاعها ناشف
6-العربيه موانيوال والتسارع بتاعها حلو نسبة لموتورها وبتجيب 160
على ما اعتقد
7-مفيش ار بي ام في العربيه
8- بخصوص التكيف انا مجربتوش لكن بيقول انو كويس
9- التقفيل جيد جدا والعزل مناسب مبتسمعش اللي حواليك اوي لكن بيكون في صوت
10- بخصوص العفشه مقدرش احكم عشان خبرتي قليله لكن في المطبات مثلا بتحس بيها لكن بشكل طفيف ولو ماشي على زلط بتحس بيه لكن مش اوي بمعنى انت مش هتتأزم من اي ناحيه من النواحي ديه
11- الموتور صوتو هادي ومبتسمعوش بالمره لكن وانت بتشد بتسمع صوت الموتور لكن صوت بيديك حماس مش صوت مزعج
12- العربيه عامله 7000 كم او اكتر او اقل مش فاكر بصراحه
فدي الحاجات اللي لاحظتها في العربيه
13- اقدر اقول ان العربيه بشكل عام جيده وما شاء الله مستحمله مشاوير كتير
دي انطباعاتي الشخصيه اللي حسيت بيها
وتقدر حضرتك تشوف باقي الاعضاء اللي معاهم العربيه هما هيفيدوك اكتر
واي استفسار انا جاهز ان شاء الله
شكرا

[yahiahelaly]

متشكرين جدا

[Hussin]

في صفحة رقم 8هتلاقي دليل شامل لملكي السيارة i10 ياريت تشترك معانا

[mecho_392]

عربيه تحفه

انا كتبت موضوع عنها و بجد عربيه متتوصفش. توكل على الله و هاتها بس انا افضل المانيوال عن الاوتوماتيك لان موتورها صغير الاوتوماتيك سحبه اقل من المانيوال لكن هتكون مريحه. و الله الموفق