انا عايز اشترى هيونداى i10

[haany_ghazy]

من فضلكم يا جماعة انصحونى اشترى i10 ولا بلاش هل هناك اى مشاكل ظهرت فيها جزاكم الله خير

[mahmoud_magdy]

انا ليا صديق معاه العربيه وركبت معاه كزا مره
هقول انطباعاتي ورأيي الشخصي
1- السياره تكفي خمس اشخاص في الاوزان المتوسطه
2- الشنطه مش كبيره اوي يدوب تكفي شنطتين صغيرين
3-ابعاد السياره سهله جدا وتقدر تشوفها
4- هيكل السياره متوسط ( زي كل الهيونداي)
5- الخامات الداخليه متوسطه والتابلوه بتاعها ناشف
6-العربيه موانيوال والتسارع بتاعها حلو نسبة لموتورها وبتجيب 160
على ما اعتقد
7-مفيش ار بي ام في العربيه
8- بخصوص التكيف انا مجربتوش لكن بيقول انو كويس
9- التقفيل جيد جدا والعزل مناسب مبتسمعش اللي حواليك اوي لكن بيكون في صوت
10- بخصوص العفشه مقدرش احكم عشان خبرتي قليله لكن في المطبات مثلا بتحس بيها لكن بشكل طفيف ولو ماشي على زلط بتحس بيه لكن مش اوي بمعنى انت مش هتتأزم من اي ناحيه من النواحي ديه
11- الموتور صوتو هادي ومبتسمعوش بالمره لكن وانت بتشد بتسمع صوت الموتور لكن صوت بيديك حماس مش صوت مزعج
12- العربيه عامله 7000 كم او اكتر او اقل مش فاكر بصراحه
فدي الحاجات اللي لاحظتها في العربيه
13- اقدر اقول ان العربيه بشكل عام جيده وما شاء الله مستحمله مشاوير كتير
دي انطباعاتي الشخصيه اللي حسيت بيها
وتقدر حضرتك تشوف باقي الاعضاء اللي معاهم العربيه هما هيفيدوك اكتر
واي استفسار انا جاهز ان شاء الله
شكرا

( انا رديت بنفس الكلام على موضوع تاني ونقلتو ليك علشان تستفيد )

[haany_ghazy]

جزاك الله خير و ياريت حد تانى يدنا راى تانى

[Hussin]

في صفحة رقم 8 هتلاقي دليل شامل لملكي السيارة i10 ياريت تشترك معانا