تجربة التسارع في النيو أكسنت

[firstknight216]

السادة الزملاء اسعدني ردكم
لكن في مقارنة الريو بالاكسنت اعتقد (لقدر علمي البسيط) انها ح تكون في صالح الاكسنت
الموتور الاكسنت 1600 سي سي الريو 1400
الهورس باور للاكسنت 121 حصان الريو 95
تقنية الموتور في الاكسنت 1600 حصان هي cvvt هذه الميزة رائعة فوق ما حضرتكم تتخيلوا لأنها اقتصادية جدا في الوقود تقنية الموتور في الريو هي dohc
الكماليات في الاكسنت اكتر من الريو بكتير
اما بخصوص الاير باج فمعلوماتي ان كل الكوري في الوقت الحالي نازل من غير المزايا ديه
السعر اقل حوالي 2000 جنيه لصالح الاكسنت
المانيول في الاكسنت 79000 الريو 81900
الاتوماتيك في الاكسنت 85000 الريو 86900
الاهم قطع الغيار حتى لو الهيونداي اغلى من الريو
لكن بالنظر لعدد مراكز الخدمة لكل نوع وانتشار قطع الغيار في السوق
فالبتأكيد لصالح الاكسنت عدد مراكز الخدمة تتفوق بها على اي مركز خدمة اخر وديه ميزة يعني في اي حي او مدينة في مصر اكيد ح تلاقي مركز هيونداي وده غير متوفر لكيا
في حالة انتهاء الضمان او في حالة الاستغناء عن الضمان انتشار قطع الغيار في مصر بالتأكيد وبدون تفكير لصالح الاكسنت
عدد انتشار السيارة الاكسنت في مصر وبدون اي شكوى من السيارة كان اكبر دليل على كده
السيارة في المقام الاول رياضية
ده مرة اخرى من وجهة نظري البسيطة

[firstknight216]

اضافة اخيرة معلش نسيت ان اضيفها
ضمان الاكسنت 3 سنوات وضمان الريو 5 سنوات
لكن في جميع الاحوال انت بتدفع فلوس يعني كلمة ضمان ديه مش بالمفهوم اللي الناس فهما
بمعنى انت لما بتروح صيانة بيقول لحضرتك انت ح تغير سير كتينة هل الضمان معناه انك مش ح تدفع ثمن السير لأ حضرتك ح تدفع بالاضافة لمصاريف التركيب في الموضوع واحد بالنسبة للسيارتين
يعني بعد الضمان لو حضرتك حبيت تكمل عند اي ميكانيكي اعتقد ان الهيونداي افضل
المقارنة اللي حضرتك شايفها مني لأني بالفعل كنت بقارن بين السيارتين قبل الشراء وكانت لصالح الاكسنت
اشكركم

[heshaaam]

بما انك بنت انصحك بالجيتز

انتشار اكتر مفهاش تنطيط قطع غيار ارخص

منتشرة بين البنات ومحدش بيشكى منها

ارخص من الاتنين وممكن فتحة سقف و1600

[histfox_2]

الأستاذ First Night

لو قرأت مشاركتى ، أنا ذكرت إن الريو 2009 نازلة ومعاها إيرباج للسائق سواء مانوال أو أوتوماتيك ، وده كلام أنا متأكد منه.

تانى حاجة نازلة ب أربعة زجاج كهرباء وكاسيت أصلى مدمج فى التابلوه ، مش زى الأكسنت.

حضرتك ذكرت إن الكماليات فى النيو أكسنت أكتر بكتيييير من الريو على حد تعبيرك ، ممكنأعرف إيه الكماليات الزيادة دى ؟

ثالث شيئ ، موضوع الضمان ده مهم لو انت ناوى تتعامل مع التوكيل ، ولو فيه حاجة اتغيرت مثلا مش تبع الصيانة الدورية ولكن لمشكلة فى الصناعة مثلا .. زى مساعدين .. مش هاتدفع عليها فلوس طول فترة الضمان.

وشكرا

[bishoy02010]

هيا الكسنت بعد التخفيضات الأتوماتيك بقت بكام ؟؟؟

[firstknight216]

سعرها زي ما هو 85000 جنيه مصري

[aismail]

سعر الاوتوماتيك 83000 من علي contactcars

[firstknight216]

فعلا سعر العربية نزل ل 83000 بس اعتقد ده لسه من كام يوم بس
المهم انه نزل سعرها

[DRKIVEN]

السلام عليكم ورحمه الله وبركاتة

بالنسبه للمقارنه بينها وبين الريو

وضعيه الركوب في السياره بالنسبه للاكسنت اريح من الريو

العفشه هيا هيا وفي ناس بتقول ان الريو انعم عشان مساعدين غاز على زيت مش زيت بس

قطع الفيار هيا هيا مع العلم ان توكيل هيونداي بيبعها اغلى
تيل نيو اكسنت 330 تقريبا والريو 280
وانا علطول بجيب قطع غيار الريو عشان ارخص وهيا هيا بالضبط

تسارع النيو اكسنت مانول 1.6 من 9 ل 10 ثواني
الريو تقريبا مفيش منها 1.6 دلوقتي

بس النيو اكسنت فعلا عربيه كويسه جدا بالنسبه للعربيات الصغيره وتحط راسها براس عربيات اكبر منها

وثباتها فعلا صحابي راكبين كورولا القديمه ويارس ولانسر والتلالته شهدوا لثبات النيو اكسنت افضل من 3 عربيات دول خصوصا بعد الجنط

استاذى الفاضل محمد بك المصرى والااشكرك على الرسالة التى ارسلتها الى وانا شخصيا استفدت من حضرتك كتير وكمان اسلوبك الرائع وواجب الضيافة ياباشا شكرا لك جدا بس انا مش متعصب للعربية ولا حاجة بس زى ماحضرتك قولت ان النيو اكسنت تقفيل الكاسيت والانذار بس من غبور والفرق كبير بين التقفيل والتركيب فقط !!1 يعنى الكاسيت مش م صرى زى ما ناس قالت ولا الانذار وبعدين مهو احنا بنجيب عدد بيونير امريكى وبنركبها هنا ممكن نقول ان العدة دية مصرى ؟؟ هو دة الاى اثارنى ولكن انا مبسوط جدا لمشاركتى معكم واتمنى نكون اصدقاء بجد على فكرة انا اسمى احمد ابو على ومعايا نيو اكسنت 2009 وبصراحة كان عندى سؤال لوحد ذو خبرة زى حضرتك ياريت تقولى اية احسن مكان اعمل فية صيانة الالف كيلو مع اعتبار انى من سكان القاهرة الجديدة
شكرا لك صديقى العزيز واسف على التطويل عليك
د/ احمد

[حماده المصري]

Drkiven

ربنا يخليك يا باشا على كلام حضرتك الجميل

واحنا هنا كلنا اخوات واصدقاء مع بعض وبنفيد وبنستفاد

النيو اكسنت ياباشا السنتر فعلا بيتقفل في مصر ولكن الله اعلم ايه هو صناعته مهو ممكن برضو يكون صيني هو مش السنتر الاصلي تقريبا
وفي 06 كانو اربع مفاتيح 2 كوري و2 مصري بريموت ومعفنين لدرجه ان واحد فيهم اتكسر والتاني بتعوجه بايدك بالاضافه وبستعملهم فقط في الفتح والغلق عن بعد
وفي ال 09 بقى الريموت منفصل واعتقد حضرتك هيبقى معاك مفتاحين فقط للسياره وليس 4
بالاضافه الى ان الكاسيت كان شرايط في 06 Jcv وبعد كده بقى سي دي نفس الماركه لسه والله شايف من كام يوم ال 09 كانت تقريبا بالسي دي الاصلي الاسود بتاع العربيه
ولعلمك بقى ياباشا ده انا اكتر واحد بيحب ومتعصب للنيو اكسنت ومش هاين عليا ابيعها واركب حاجه تانيه حتى لو هيونداي برضو من كتر ما العربيه دي بحبها وبموت فيها بس الحق برضو بيتقال وكل واحد وليه طلبه وغرضه من العربيه
بالاضافه الى اني مينفعش اقول للناس النيو اكسنت افضل عربيه في الدنيا مع انها في نظري الافضل معلش بقى طولت عليك
مراكز الصيانه بصراحه زي غبور ابو رواش مشفتش خصوصا في ظبط الزوايا لان الجهاز الي عنده تقريبا مفيش زييه في مصر
بس عيبه زحمته المهووله الي احيانا بتخليهم يكروتوا عربيات
في بقى في العبور وهي طبعا مش بعيده من مدينه نصر ولا من مساكن شيراتون
مركزين صيانه وهما ابو غالي وكارتك انا افضل كارتك شغال في سكودا وهيونداي انا روحته مره بصراحه مهندس محترم ومكان مش زحمه ومركز كويس برضو وريسيبشن
المركزين طريقهم واحد وقريبين من بعض اول ما تدخل دخله العبور الي من طريق الاسماعيليه بعد موقف السلام تقريبا بكام كيلو
هتلاقي الاعلانات بتاعه ابو غالي او كارتك هتدلك على الطريق وهو برضو مش بعيد كارتك مش شغال يوم الجمعه فقط
واي حاجه تاني ياباشا انا بجد تحت امرك في اي وقت

[ezzatfox]

الأستاذ First Night

لو قرأت مشاركتى ، أنا ذكرت إن الريو 2009 نازلة ومعاها إيرباج للسائق سواء مانوال أو أوتوماتيك ، وده كلام أنا متأكد منه.

تانى حاجة نازلة ب أربعة زجاج كهرباء وكاسيت أصلى مدمج فى التابلوه ، مش زى الأكسنت.

حضرتك ذكرت إن الكماليات فى النيو أكسنت أكتر بكتيييير من الريو على حد تعبيرك ، ممكنأعرف إيه الكماليات الزيادة دى ؟

ثالث شيئ ، موضوع الضمان ده مهم لو انت ناوى تتعامل مع التوكيل ، ولو فيه حاجة اتغيرت مثلا مش تبع الصيانة الدورية ولكن لمشكلة فى الصناعة مثلا .. زى مساعدين .. مش هاتدفع عليها فلوس طول فترة الضمان.

وشكرا

بالنسبة للكماليات هى مش اكتر بكتير و لا حاجة بس اللى انا فاكرة دلوقتى ان الاكسنت زيادة فيها الانوار الامامية للقراءة بخلاف نور الصالون و جراب النظارة

[ezzatfox]

النيو اكسنت ياباشا السنتر فعلا بيتقفل في مصر ولكن الله اعلم ايه هو صناعته مهو ممكن برضو يكون صيني هو مش السنتر الاصلي تقريبا
وفي 06 كانو اربع مفاتيح 2 كوري و2 مصري بريموت ومعفنين لدرجه ان واحد فيهم اتكسر والتاني بتعوجه بايدك بالاضافه وبستعملهم فقط في الفتح والغلق عن بعد
وفي ال 09 بقى الريموت منفصل واعتقد حضرتك هيبقى معاك مفتاحين فقط للسياره وليس 4
بالاضافه الى ان الكاسيت كان شرايط في 06 Jcv وبعد كده بقى سي دي نفس الماركه لسه والله شايف من كام يوم ال 09 كانت تقريبا بالسي دي الاصلي الاسود بتاع العربيه

بالنسبة لمعلومة ان السنتر بيتقفل فى مصر و صناعتة صينى الكلام دة غيرصحيح تماما ..
السنتر بتاع الاكسنت سنتر اصلى جاى مع العربية و معاة 2 ريموت اصلى محفور عليهم علامة هيونداى .

[حماده المصري]

بالنسبة لمعلومة ان السنتر بيتقفل فى مصر و صناعتة صينى الكلام دة غيرصحيح تماما ..
السنتر بتاع الاكسنت سنتر اصلى جاى مع العربية و معاة 2 ريموت اصلى محفور عليهم علامة هيونداى .

ياباشا ال 2006 جايه ب 4 مفاتيح

اتنين كوري
واتنين مصري بريموت

واتنين بريموت في المفتاح مش منفصل ومش اصلي ده مصري وفعلا مكتوب عليهم هيونداي بس دي مش مفاتح اصلي وكمان جودتها اقل من المفتاحين الي من غير ريموت الكوري الاصلي والكلام ده من التوكيل ياباشا

ال 2009 ده جاي ب 2 مفتاح ومرفق بيهم ريموت لوحدهم

[ezzatfox]

ياباشا ال 2006 جايه ب 4 مفاتيح

اتنين كوري
واتنين مصري بريموت

واتنين بريموت في المفتاح مش منفصل ومش اصلي ده مصري وفعلا مكتوب عليهم هيونداي بس دي مش مفاتح اصلي وكمان جودتها اقل من المفتاحين الي من غير ريموت الكوري الاصلي والكلام ده من التوكيل ياباشا

ال 2009 ده جاي ب 2 مفتاح ومرفق بيهم ريموت لوحدهم

اولا اشكرك على متابعتك و ردودك السريعة
بس بالنسبة لموضوع السنتر احنا مبنتكلمش على الموديلات القديمة احنا بنتكلم عن 2009 .
و السنتر اللى موجود دلوقتى زى ما انت قلت مفتاحين مع كل واحد ريموت منفصل ..و السنتر و الريموت اصليين غبور ملوش دعوة بيهم .

[hishamnasr]

نصيحة بخصوص الريو

انا معايا نيو اكسنت من 2007

انا كنت ناوي اشتري الريو لكن كان هناك مشكلة التوكيل القديمة التي اتحلت

انا راي تخليك في الريو عربيه هايله وتوكيل جيد وشكل احلي من النيوكسنت