الحمد لله يا جماعه اخيييرا استلمت امباررح

[cool_modi]

السلام عليكم ورحمه الله وبركاته
اخيرا يا جماعه انا استلمت فيرنا 1500 نص كماليات امبارح بعد تعب كبير اوي علشان كنت عايزها سوده وبعدين التوكيل بقي ينزل 1500 فيفا بس وال 1600 جميع الكماليات المهم ان انا استلمت واحده كحلي بس يسا جماعه محتار فيها اوي والله سواقه مختلفه اوي عن عربيتي القديمه الفليشيا الدبرياج واطي اوي يعني من اقل رفعه بسيطه العربيه بتتحرك جامد بس يا جماعه انا ملاحظ حاجات غريبه اوي علي العربيه اول حاجه التكيف بيأثر جامد اوي علي السحب وكمان صوت العربيه بيعلي لما بشغل التكيف شويه و بعدين العربيه لما بتيجي تطلع بيها بتحس انها عايزه تطير وبعد ما تاخد سرعتك بحس انها بتفقد القوه دي مش زي الطلعه يعني كمان حاجه اخيره بقي الموتور اوقات صوته بيكون كانك دايس علي البنزين مع اني لسا شايل رجلي يعني مبيهداش علي طول اول ما برفع رجلي من علي البنزين كمان يا جماعه انا عارف ان فتره التليين 1000 كيلو بس مش عارف استعمل العربيه ازاي واشغل التكيف ولا لا واسمع ان الفتره دي هي الي بتأثر علي العربيه بعد كده علي طول واجيب بيها سرعات كام حاولت اقرا الدليل بتاعها بس مافهمتش منه اي حيجه خالص :lol:
اسف لالاطاله والسلام عليكم ورحمه الله وبركاته
اخوكم احمد يوسف

[إسلام شاهين]

ألف مبروك وربنا يديلك خيرها ويكفيك شرها

[mido777]

الف مبروك ياباشا وربنا يكفيك شرها ويديك خيرها

[memo_hefnawy]

أحمد باشا ألــــــــف مبروك و ربنا يباركلك فيها و يرزقك بخير منها إن شاء الله :)

شوف يا سيدى:
----

فترة التليين ال 1000 كم الأولى

- إنسى إن عندك تكييف - ممكن تشغل التكييف على الطوالى (يعنى سكة سفر و طريق مفتوح)
- خلى رجلك خفيفة على الغيار يعنى متخليش الموتور صوته يعلى منك أو لو عندك أر بى إم مش تزود عن 2.5 أو 3 آخرك
- لو ماشى طريق سفر غير السرعة ما بين وقت والتانى يعنى إمشى حبة 70 و زود لى 100 و إرجع تانى و هكذا
- السرعة القصوى متزيدش عن 110
- بعد ما تتم ال 1000 رووح غير الزييت فى التوكيل و الفلتر
كل الحاجات دى عشان تحافظ على عمر العربية

و أخيرا من ناحية الدبرياج و الكلام ده يومين 3 بالكثير هاتتعود عليها متقلقش - و حافظ عليها لأن الألوان الكحلى و الإسود الحاجات الغامقة دى بيبان فيها الخرابيش و البهدله بسرعه و ربنا يباركلك فيها إن شاء الله

[معاذ الشرباصى]

الف مبروك

ربنا يباركلك فيها و يحفظهالك

[Abouelela]

الف مبروك وربنا يكفيك شرها .. ويرزقك دايما بخيرها ..
أنا كنت حأفتي وأتكلم .. لكن ميمو قالك تقريبا أغلب الحاجات .. بس أنا معترض علي 110 .. أنا شايف أنك تتحرك مابين 80 و 90
في أول 1000 ك .. وحأقولك خبر مش لذيذ .. بيقولوا أن الموتور بتاع الفيرنا 1500 حساس شوية .. فبالنسة للصوت يا ريت تراجع التوكيل وتا خد بيه ملاحظات ..
والتكييف فعلا أنسي .. لغاية ما تعدى فترة التليين .. بس ما يمنعش أنك تجربه ..
وربنا يباركلك .. فيها وألف مبروك ..

[cool_modi]

يا جماعه طمنتوني وفهمتوني ربنا يبارك فيكم والله بجد شكرا اوي علي اهتمامكم كلكم
اخوكم احمد يوسف

[Nader]

ألــــــــف مبروك و ربنا يباركلك فيها

[bassam nagy]

الف مبروك وربنا يديك خيرها ويبعد عنك شرها

أنك تتحرك مابين 80 و 90
في أول 1000 ك .

حاول ماتشغلش التكييف فى 1000 كيلو فترة التليين

[M_Abdallah]

الف مبروك.وربنا يباركلك فيها.











_____________
محمد عبدالله

[محمد البحيري]

الف مبروك ياباشا ومتشغلش التكييف في فتره التليين ومتزودش عن 90

[مهندس محمد صلاح]

الف مبروك وربنا يعطيك من خيرها ويكفيك شرورها .. كل دى حاجات عادية .. فترة التليين ما تزودش عن 100 .. وياريت ما تستخدمش التكييف الا فى الظروف القصوى جدا لغلية ما تعدى ال1000 كيلو متر .. تغير زيت وفلتر بعد ال 1000 على طول فى التوكيل .. بعد ال 5000 صوتها حينعم ويبقى فله ما تقلقش

[temoo_110]

الف الف الف مبروك وربنا يكفيك شرها ويباركلك فيها
بصراحة انا بردوه كنت زيك فى موضوع الدبرياج بس اتعودت عليه وموضوع صوت الموتور بعد ال5000 هيقل شوية والعربية هتنعم قوى
ومتقلقش كله هيبقى تمام بس انت خد بالك منها

[Hesham A.Megid]

During the First 2,000 Km (1,200 Miles)

No formal "break-in" procedure is required with your new Hyundai. However, you can contribute to the economical operation and durability of your Hyundai by observing the following recommendations during the first 2,000 km (1,200 miles):

* Don't drive faster than 88km/h (55 mph). [This statement is meant to advise against hard revving, not to limit your overdrive crusing speed. Imagine the damage you could do if you tried hitting 88km/h in first or second gear... Confused See the next point.]
* While driving, keep your engine speed (rpm, or revolutions per minute) between 2,000 rpm and 4,000 rpm. [This is the REAL breaking-in limit, not speed.]
* Use moderate acceleration. Don't start, depress the accelerator pedal fully. [Isn't this what the above two points are saying?]
* For the first 300 km (200 miles), try to avoid hard stops. [Your brakes need to be broken-in too.]
* Don't lug the engine (in other words, don't drive so slowly in too high a gear that the engine "bucks." Shift to a lower gear.) [Same point as #1 and #2 again. See how important this is?]
* Whether going fast or slow, vary your speed from time to time. [Meaning, get your engine used to different rev ranges.]
* Don't let the engine idle longer than 3 minutes at one time. [Your engine needs moving air to cool itself most efficiently. Besides, it's a bloody waste of petrol 'cos you're going nowhere.]
* Don't tow a trailer during the first 2,000 km (1,200 miles) of operation. [It puts unnecessary strain on the engine.]

[mtema99]

هو تحديدا عشان متتعبش

اعمل كل اللي انت عايزه بس متزودش عن 3000 rpm و ياريت متشغلش التكييف