استفسار من عضو جديد الي كل المتخصصين في المنتدي

[محمد حسين]

الفيرنا احسن وعموماً الموتور الـ1500 بتاع الاكسنت هو هو بتاع الفرنا والاحسن كمان انك تجيب الـ1600.

ناس كتير قالولي كده بردو ان الفيرنا اخت الاكسنت واعتقد ان موضوع 1500 و 1600 مش هايفرق كتير بل بالعكس ده لصالح الاكسنت في استهلاك البنزين وعموما انا كنت عاوز الفت بردو الانتباه ان العربيه الاكسنت كانت وارده الخارج وصاحبها ماركبهاش كتير يعني كسر زيرو لانها عامله 8000 كم فقط وبعدين انا سمعت ان الاكسنت بتتحمل عن الفيرنا بدليل انهم في بعض المحافظات زي مطروح وغيرها بيعملوها تاكسي وان الاكسنت بترسي علي الارض لما بتتجنط ياريت يا جماعه تفيدوني في الحكايه دي عشان اوصل لقرار ان شاء الله والف شكر علي مروركم وردودكم الجميله

[hazem_khidr]

ناس كتير قالولي كده بردو ان الفيرنا اخت الاكسنت واعتقد ان موضوع 1500 و 1600 مش هايفرق كتير بل بالعكس ده لصالح الاكسنت في استهلاك البنزين وعموما انا كنت عاوز الفت بردو الانتباه ان العربيه الاكسنت كانت وارده الخارج وصاحبها ماركبهاش كتير يعني كسر زيرو لانها عامله 8000 كم فقط وبعدين انا سمعت ان الاكسنت بتتحمل عن الفيرنا بدليل انهم في بعض المحافظات زي مطروح وغيرها بيعملوها تاكسي وان الاكسنت بترسي علي الارض لما بتتجنط ياريت يا جماعه تفيدوني في الحكايه دي عشان اوصل لقرار ان شاء الله والف شكر علي مروركم وردودكم الجميله

خلي بالك انك لما تيجي تبيعها كمان كام سنه مش حتفرق حكايه خليجي و كسر زيرو و حتبيعها برضه بالتمن اللي يقولوا السوق.
خلاصه الكلام لو فرق السعر مناسب 17 الف علي الاقل بين الاكسنت و الفيرنا هات الاكسينت انما لو فرق السعر اقل من كده يبقي اركب جديد احسن ليك يعني الكسينت ما تجيبهاش ازيد من 45 الف نهائي

[PAYOO]

أولا أهلا بيك وسط أخواتك
ثانيا أنا عاوز اقول لحضرتك حاجه مهمه جدا

مستحيل عربيه موديل سنة 2000 يعني ماشيه أكثر من 7 سنين تكون عامله 8000كم فقط

يعني بصراحه حاجه ماتعقلش أبدا أمال صاحبها كان شريها ليه من أصله لما عمل بيها 8000 في أكثر من 7 سنين؟

يا ريت تتأكد من المعلومه دي لانها أكيد معلومه غلط

[محمد حسين]

[quote="hazem_khidr"]

خلي بالك انك لما تيجي تبيعها كمان كام سنه مش حتفرق حكايه خليجي و كسر زيرو و حتبيعها برضه بالتمن اللي يقولوا السوق.
خلاصه الكلام لو فرق السعر مناسب 17 الف علي الاقل بين الاكسنت و الفيرنا هات الاكسينت انما لو فرق السعر اقل من كده يبقي اركب جديد احسن ليك يعني الكسينت ما تجيبهاش ازيد من 45 الف نهائي

المشكله يا حازم اني شفت العربيه بنفسي وسوقتها كمان عربيه تركبها ما تققولش انها مو 2000 في السحب والشد والتجميع وحالة الدنيا من بره وجوه تأكد ده مشكلتها الوحيده انها خفيفه كيك يعني لوانت ماشي 140 كم وجت طوب تافهه تحت العجله اللي قدام العربيه بتمرجح بشكل مخيف يعني محتاج تحملها طوب في الشنطه وتنساها :lol: هههههههههههه ويباشا ما اتحرمش منك يا عم حازم

[محمد حسين]

أولا أهلا بيك وسط أخواتك
ثانيا أنا عاوز اقول لحضرتك حاجه مهمه جدا

مستحيل عربيه موديل سنة 2000 يعني ماشيه أكثر من 7 سنين تكون عامله 8000كم فقط

يعني بصراحه حاجه ماتعقلش أبدا أمال صاحبها كان شريها ليه من أصله لما عمل بيها 8000 في أكثر من 7 سنين؟

يا ريت تتأكد من المعلومه دي لانها أكيد معلومه غلط

أولا يا عم PAYOO أنا كفايه عليا ردك ومرورك يا باشا اما عن موضوع العربيه فزي ما قولت لحازم كده انا عاينت والعربيه خليجي زي ما ذكرت وصاحبها ماكنش بيركبها لسبب بسيط انا كان بيسافر ويسيب البلد بالسنتين والتلاته وكمان انا ممكن اخلص فيها 44 الف واعتقد كده توفير اما فرق السعر بينها وبين الفيرنا ده ممكن يبقي لصالح العربيه تظبيط يعني جنوط وكاسيت نضيف وحتي ممكن تضبيط وتعديل للفرامل وغيره ولا انتو شايفيين ايه يا جماعه وكنت عاوز اسأل عن خفة وزن الاكسنت والفيرنا والموضوع ده ممكن يتعوض بالتجنيط ولا مفيش حاجه من دي؟؟؟؟؟
واخيرا طبعا يارجاله انا سعيد اني معاكم وبصراحه بصراحه انا ماكنتش متوقع ان حد يعبرني اساسا لكن ربنا خلف ظني وطلعتو اجدع شباب يا شباب

[Nader]

ناس كتير قالولي كده بردو ان الفيرنا اخت الاكسنت واعتقد ان موضوع 1500 و 1600 مش هايفرق كتير بل بالعكس ده لصالح الاكسنت في استهلاك البنزين

لأ في فرق كبير جداً لان الموتور الـ1500 اللي راكب في الاكسنت والفرنا قديم جداُ مقارناُ بالموتور الـ1600 اللي راكب على الفيرنا "والماتريكس برضة". اما بخصوص الثبات فالفرنا اثبت من الاكسنت حتى من غير جنوط. وعموما العربية الزيرو مفيش احسن منها يعني مش هتحط ايدك فيها قبل 3 ولا 4 سنين.

[محمد ابراهيم 1]

هات الفيرنا 1500 بتوفر بنزين جامد عن 1600 والآداء بتاعها مش وحش

[hazem_khidr]

هو 44 الف و الحاله اللي بتقول عليها دي يبقي تمام اوي بس يا ريت تنزل معاه الف و لا اتنين و بلاش تصرف كتير يعني يدوب الفين جنيه طقم جنوط و كاسيت و خلاص
و بقولك حاجه حلوه استخير ربنا و اعمل استخاره و ان شاء الله ربنا حيوضحلك لو خير حتخلص فيها ولو شر حتلاقي نفسك بتكرهها

[محمد حسين]

شكر خاص الي كل من ساهم وردعلي موضوعي وانا الحمد لله وصلت لقرار الزيرو والحمد لله بس الفلوس الي حد ما مقصره شويه فقررت بردو اني اجيب حاجه تقسيط فما دام كده بقا يبقي انا هدفع مقدم محترم وبراحتي فيا جماعه مسلعده اخير اجيب ايه زيرو مادام تقسيط والتساهيل علي الله ( فيرنا ولا ماتركس ولا النترا ) وايهما هايبقي اسهل في التقسيط
وشكرا يا كل عضو محترم عدي علي موضوعي ورد عليا وحاول يساعدني

[bassam nagy]

الاسهل فى القسط الفيرنا ثم الماتريكس ثم الانترا اما الاحسن طبعا الانترا ثم الماتريكس ثم الفيرنا

[hazem_khidr]

لو الالنترا مش حتزنقك في الاقساط يبقي الالنترا او فيه احتيار تاني طالما دخلنا في شريحه عاليه و هو الكورولا

[محمد حسين]

طبعا يا بسام الترتيب ده معروف ومنطقي بالتأكيد لأن كل واحده من التلاته فئه سعريه مختلفه عن اختها ومدام تقسيط بتقسيط
يبقي الالنترا ان شاء الله واظن يا حازم ان مواتير هيونداي اصبح منافسه لتيوتا وده طبعا مش تحيز لهيونداي لأن فعلا هيونداي رعب بيكبر كل يوم وكمان قطع الغيار اكيد ارخص من تويوتا بس من ناحية الوكيل والصيانه زفت زفت اللهم الا (كارتك )
أما تويوتا فقطع غيار حراقه وتوكيل محترم والسؤال هنا عاوز اعرف معرض يكون سمعته محترمه ونظام التقسيط مريح
وشكرا

[Ahmed Anwer]

لو الأكسنت تخلص ب 44000 و أنتا بتثق في صاحبها يبقي مفيش مشكلة لأن ده سعرها في السوق مبتقلش كتير عن كده ، بس برده حكاية 8000 كم دي مريبة ، ده لو ركبها شهر كل سنة هتعمل اكتر من كده
و خالي بالك العربيات المرفوعة دي بيبقي برده فيها مصاريف نتيجة للركنة سيور و بوجيهات و حاجات زي كده