حد يعرف ما هى مواصفات الالنترا اللى ب 99000جم (فيها abs واير باج ) أم لا

[semsem8100]

ياريت ياجماعه حد يكون سأل فى التوكيل أو شاف بنفسه يفدنا فى هذا الموضوع هل الاوتوماتيك الى ب99000جم فيها abs وأيرباج وعدده وأيه الاوبشن التانيه اللى موجوده فى السعر ده علشان أنا شايف الصنى الجديده بقى فيها أوبشن حلوه ( abs+ايرباج+ عفشه معدله + مخرج أىبود + عداد رحلات ) أى نعم تقفيل مصر بس يابانى وكل مكوناتها يابانى بصراحه بحس انها دبابه ماشيه على الارض وب96000جم أى نعم الالنترا تتفوق فى الشكل بس خلينا عمليين ونقارن من حيث الاعتماديه والقوه علشان نوصل لقرار سليم علشان الواحد مش بيشترى عربيه كل يوم

[akrameladl]

الالنترا اللى 99 الف مفيهاش ولا ايرباج و لا abs

[osman hisham]

مفيهاش حاجه غير مكنة رفع زجاج

[HamadaMOMO]

بص ياباشا المزايا الى بتسئل عنها مش موجودة زى ما الرجالة ردو عليك
بس نصيحة منى النيسان بكل انواعها سوقها تقيل يعنى ساعة لما تحب تبيع حتطول شوية كتير .
ثانيا : اسعار قطع الغيار للنيسان ضعف سعر الالنترا
دا رائى الشخصى ولحضرتك كل الاختيار

[Kareem Khattab]

العربيتين كويسين شوف انت مستريح لمين و توكل علي الله

[ahmed_elmasri91]

السلام عليكم وحمة الله وبركاته
طيب لو سمحتو لي انا عندي سؤال !
الإلنترا اوتوماتيك ولا مانيوال احسن من حيث السحب والسرعه
وفي فرق بين الاتوماتيك والمنيوال انو auto4 gears والmaniual 5 gears مش اكيد دا بياثر على استهلاك الوقود والسرعه
ممكن سؤال كمان ؟
الموديل اللي فيه فتحة سقف المانيوال الكاسيت فيه بيكون سي دي الاصلي ولا العادي شرايط وهل لو العادي الساعه اللي فوقه هي نفسها اللي في الموديل اللي فيه الكاسيت السي دي اقصد نفس الشكل ولونها ازرق بصراحه شكل التابلوه من غير الساعه والكاسيت السي دي مش لذيذ الرجاء الافاده انا بجد ناوي اشتري لما الاسعار تنزل كمان شويه او بعد الصيف مع العلم اني معتمد على كل الكلام دا من الصور اللي شفتها في الموقع
sorry طولت عليكم الرجاء ممن لديه معلومه افادتنا و ساكون شاكرا له وللجميع

[Amrrr]

هو اصلا بيتهيألي مافيهاش فتحة سقف
وسيبك من اللي بتشوفه على النت عشان المواصفات اللي بتيجي مصر مختلفة
فتحة السقف هنا موجودة في الخليجي بس

[HamadaMOMO]

فتحة السقف برضو موجودة فى بتاعة غبور بس 3000 جنية

[outosend]

اعتقد ان فى 2009 زودوا فتحه السقف 4000 (معلومه من صديق مش متأكد منها تماما)

[ahmed_elmasri91]

يا معالي الوزير ادل على contactcar وهتلاقي ان في sun roof و
عامله 95000 مانيوال الفرق 3000 بس

[gase]

افيدونى يا جماعه دى اخر اسعار الالنترا من كونتكت كار بس مش عارفه ايه الفرق بين الى سعرها 109 والى سعرها 112 ممكن حد يقولى وفين الى فيها اى بى اس الى كانت عند غبور 122 قبل التخفيض.

الانترا 1.6 M/t 2009 92000
الانترا 1.6 M/t S/r 2009 95000
الانترا 1.6 A/t 2009 99000
الانترا 1.6 A/t S/r 2009 102000
الانترا 1.6 F/o A/t 2009 109000
الانترا 1.6 F/o A/t S/r 2009 112000

[moshax]

الانترا 1.6 M/t 2009 92000 دى الاستاندرد مانيوال
الانترا 1.6 M/t S/r 2009 95000 ستاندرد مانيوال + فتحة سقف
الانترا 1.6 A/t 2009 99000 اتوماتيك
الانترا 1.6 A/t S/r 2009 102000 اتوماتيك + فتحة سقف
الانترا 1.6 F/o A/t 2009 109000 اتوماتيك جميع االكماليات
الانترا 1.6 F/o A/t S/r 2009 112000 اتوماتيك جميع الكماليات + فتحة سقف

[HamadaMOMO]

افيدونى يا جماعه دى اخر اسعار الالنترا من كونتكت كار بس مش عارفه ايه الفرق بين الى سعرها 109 والى سعرها 112 ممكن حد يقولى وفين الى فيها اى بى اس الى كانت عند غبور 122 قبل التخفيض.

الانترا 1.6 M/t 2009 92000
الانترا 1.6 M/t S/r 2009 95000
الانترا 1.6 A/t 2009 99000
الانترا 1.6 A/t S/r 2009 102000
الانترا 1.6 F/o A/t 2009 109000
الانترا 1.6 F/o A/t S/r 2009 112000

الى فيها ABS مبيجبهاش غبور من السنة الى فاتت بس موجودة خليجى عند سمير ريان

[gase]

الى فيها Abs مبيجبهاش غبور من السنة الى فاتت بس موجودة خليجى عند سمير ريان
__________________

طيب سعر الخليجى عند سمير ريان بكام ويكون فيها ( اى بى اس + فتحه سقف + تكييف تاتش + طاره مالتى فنكشن + جنوط )