عملت صيانة الالف فى غبور و دفعت 2 جنية بس

[ezzatfox]

طبعا انتوا فاكرين عرض مستر غبور بتاع الصيانة المجانية حتى 20000 كم و اللى كان منزلة فى فترة معرض الاهرام .
انا اشتريت النيو اكسنت فى هذة الفترة و استفدت من العرض و لكن كنت خايف غبور يقل باصلة و يطلع الموضوع نصباية و لكن اليكم ما حدث .
دخلت التوكيل فى ابو رواش الساعة 10 صباحا استقبلتنى مهندسة اخذت بيانات العربية و سألتنى عن اى ملحوظات عن السيارة و كان فية ملحوظة ان الreverse ساعات مبيجيش من مرة واحدة .
و سيبت العربية و طلعت فوق فى صالة مجهزة بشاشتين عرض و كافتيريا و جانب الصالة من الزجاج و تقدر من خلالة تشوف عربيتك و هما شغالين فيها .
المهم طلبت واحد شاى و دخلت شربت سيجارة فى غرفة مخصصة للتدخين و لقيت واحد جابلى الجرايد قعدت اقراهم و فضلت قاعد 3 ساعات دفعت حساب الشاى ( اللى هما الاتنين جنية) و خدت العربية و مشيت بعد ما غيرت زيت 10000 و فلتر و تظبيط العفشة و حلوا ملحوظة ال reverse
الكلام دة المفروض انة سارى ايضا على صيانة ال 5000 ، 10000 ،15000 ، 20000 شاملة الزيوت و الفلاتر و قطع الغيار و المصنعيات بس مش شامل الشاى .
المشكلة انى خايف ياخدوا بالهم من الموضوع دة و يخلوا الصيانة مجانية و الشاى ب 200 جنية

[YoussefMostafa]

الف مبروووك عليك الصيانة وربنا يباركلك في عربيتك

وكويس ان العرض طلع مجدي في الاخر

[hdabawy]

الحل انك ماتشربش شاى
ربنا يباركلك فيها

[memoo_1st]

طيب والله حاجة كويسة .
وكويس ان غبور مقلش بأصلو وطلع كلامو صح .

[PoweRPassioN]

مبروووووووك
وعلى فكره ف دبي دلوقتي عاملين صيانه مجانيه للbmw الفئه الخامسه حتى 100000 كم(مئه الف كم)
مجاااااااااااااااااانااااااااااااااااا
:b4_388:

[memoo_1st]

مبروووووووك
وعلى فكره ف دبي دلوقتي عاملين صيانه مجانيه للbmw الفئه الخامسه حتى 100000 كم(مئه الف كم)
مجاااااااااااااااااانااااااااااااااااا
:b4_388:

لحد 100.000 اية الجمال دا فعلا التجار حالتهم وحشة قوي المفروض بقا ينزلوا الاسعار .

[mahmoud_magdy]

الله عليك
اهم حاجه يكون الشاي جالك مزبوط وطعمو حلو
ومبروك عالصيانه

[sonson101092]

معلش انا لسة عامل صيانة ال1000 وخدو 126 جننية ثمن الزيت والفلتر

حضرتك دفعت كدة بردو

[ezzatfox]

معلش انا لسة عامل صيانة ال1000 وخدو 126 جننية ثمن الزيت والفلتر

حضرتك دفعت كدة بردو

انت مش واخد بالك و لا اية
انا مدفعتش حاجة اصلا لان العرض كان صيانة مجانية
لكن العادى فى صيانة الالف لو هتحط زيت 5000 هتدفع 140 جنية و هما عاملين خصم 15% يعنى المفروض تدفع 119 جنية بس هما كدة عملولك خصم 10% بس

[amr22_00]

طمنتني والله اصل انا لسه شاري انا كمان و كنت عاوز اطمن على الموضوع ده
بس هو كتالوج الضمان اللي اخدته الموزع مرضيش يختمه و قالي بيملوه و يختموه في صيانة الالف من التوكيل .الكلام ده صح؟
و اسف على الاطالة

[bassam nagy]

الف مبروك وعقبال صيانة 100000
جديدة انهم يجيبوا مهندسة فى الاستقبال

[ezzatfox]

طمنتني والله اصل انا لسه شاري انا كمان و كنت عاوز اطمن على الموضوع ده
بس هو كتالوج الضمان اللي اخدته الموزع مرضيش يختمه و قالي بيملوه و يختموه في صيانة الالف من التوكيل .الكلام ده صح؟
و اسف على الاطالة

انت اشتريت امتى بالظبط
لو اشتريت قبل السعر الجديد يبقى تقريبا انت تستحق عرض الصيانة المجانية ، اما لو اشتريت بالاسعار الجديدة فمش هتستفيد من العرض دة
بالنسبة للضمان لو انت تبع العرض بتاخد ورقة مكتوب عليها اهداء و فيها جدول بالصيانات من 1000 لحد 20000 بيسموها عقد الصيانة لو ماخدتوش كلم الموزع او المعرض عشان يجيبوهولك قبل ما تروح يا اما هيدفعوك حق الصيانة

[amr22_00]

انا اشتريت بالسعر الجديد يوم 14/2 بس في نفس الأسبوع كان الأهرام منزلين فيه اعلان عن العرض ده
انا اشتريت من سمير ريان و قلتلهم فالمندوبه اللي كانت بتخلصلي هناك قالتلي معرفش بس لو فيه حاجه هتبقى من عند التوكيل لما تروحلهم

[BooDElGn]

هو العرض ده على الشارين قريب بس يعنى انا شارى فى شهر سبعة الفات مليش اى عروض:K_crying[1]::K_crying[1]:

[EslaM_NagY]

الف مبررررررروك
حاول تتطلع عين العربية فى الفترة دى مهو ببلاش هههههههههههه