خاص بالماتريكس الأوتوماتيك

[thegreatnileman]

فكرت نعمل الموضوع ده لكل اللى عنده ماتريكس اوتوماتيك فقط

واول موضوع باطرحه للمناقشة ان كل واحد يقول رايه فى تسارع السيارة الماتريكس الاوتوماتيك هل هو راضى عنه او لا

انا شخصيا كنت راكب اكسيل 1300 مانيوال كان التسارع بتاعها احسن
وياريت لو حد عنده خبرة سابقة فى قيادة الاوتوماتيك ينصحنا

أحمد

[جندى مجند]

طيب أخبارها ايه لما بتعمل كيك داون؟

[sebai]

عن تجربة
الماتريكس مش اد كدة بالنسبة للتسارع ....بس ثباتها عالى جدا ان جبت بيها 170 و كانت ثابتة و مسكة نفسها :) مع انى كنت خايف شوية علشان دى كانت اول مرة اجرى بيها على السرعة دى و ماحبتش ادوس اكثر من كدة و على فكرة كنت مشغل التكيف على السرعة 2

[thegreatnileman]

السيد جندى مجنـد لما بتعمل كيك داون بدواسة البنزين بتحث ان العربية اتخنقت ةبعدين بتفك لكن لما بتستخدم زرار ال over drive وتكون على سرعة عالية 70 مثلا بيكون الموضوع افضل

[thegreatnileman]

الاستاذ sebai

تسارعها فعلا مش اد كده بس عاوزك تلاحظ انه بيكون احسن لو دورت العربية الصبح وطلعت بيها على طول يعنى تدور وتطلع بيها بعد 3 دقاقئق مثلا حتلاقيها بتجرى بيك جرى وتسارعها ممتاز ولكن لما بتسخن والموتور يوصل لدرجة حرارته العادية بترجع تانى للتسارع الممل بتاعها جرب وقوللى رايك

[ramyfaris]

يا جماعه انتو ليه مش عايزين تفهموا يعني ايه اوتوماتيك.......
انا من الناس اللى اهتميت كتير بالموضوع ده,لأني مقبل على شراء لانسر 1300 اوتوماتيك انشاء الله
لازم نعرف احنا عايزين ايه من عربيتنا......راحه بال ولا تغريز وتشد مع العربيات؟؟؟؟؟؟؟
شوف انت عايز ايه وحدد....رغم انى متأكد ان مدينه زى القاهره مثلا مش عايزه غير اوتوماتيك لأن الطرق دى اصلا مش هتديك فرصه انك تشد عليها الا لو مستغني وعايز تكسر عربيتك.
ده رأيي..

[thegreatnileman]

استاذ / ramyfaris
بالمناسبة ال لانسر 1300 + تكييف + باور مش حتعجبك لان الموتور ال 1300 لما التكييف بيشتغل بيضعفها جدا ومش هى لوحدها ده معظم ال 1300
اشترى حاجة لا تقل عن 1500 ولو 1600 يبقى افضل

[جندى مجند]

السيد جندى مجنـد لما بتعمل كيك داون بدواسة البنزين بتحث ان العربية اتخنقت ةبعدين بتفك لكن لما بتستخدم زرار ال over drive وتكون على سرعة عالية 70 مثلا بيكون الموضوع افضل

الكلام دة بالتكييف ولا بدونه ولا مش فارق؟ كمان أعتقد لو بتعمل تسارع والـ rpm فوق الـ 2500 أو 3000 حيديلك نتيجة أفضل بكتير من لو التسارع تم من عند 2000 أو أقل و مش حتحس ان العربية اتخنقت و فكت

[thegreatnileman]

السيد جندى مجند
كلامك صح بس لما تكون السرعة بطيئه يعنى ماشى 30-40 كم بتعمل كده انما لما تكون ماشى على 80-90 وتدوووووس بتبقى احسن (الفرق مش كبير سواء ب او من غير التكييف لان الموتور 1600)

[sebai]

تسارعها فعلا مش اد كده بس عاوزك تلاحظ انه بيكون احسن لو دورت العربية الصبح وطلعت بيها على طول يعنى تدور وتطلع بيها بعد 3 دقاقئق مثلا حتلاقيها بتجرى بيك جرى وتسارعها ممتاز ولكن لما بتسخن والموتور يوصل لدرجة حرارته العادية بترجع تانى للتسارع الممل بتاعها جرب وقوللى رايك

على فكرة انا فعلا لاحظت الموضوع دة .....كلامك صح فعلا دة سببوا ايية ؟ ماتعرفش ؟؟؟
مع ان المفروض ان العربية بتوصل لاحسن ادائها بعد ما توصل لدرجة الحرارة المناسبة و هى على ما اعتقد ( وسط العداد ) او اقل

[thegreatnileman]

ده كمان ممكن تطلع بيها امريكانى وهى بارده ولما تسخن تتخنق

طيب خلينا كلنا اللى عندهم ماتريكس اوتوماتيك نشوف مقياس زيت الفتيس والموتور هل مضبوط ولا زياده ونقارن مع بعض وياريت لو حد لاحظ الظاهرة دى او معندوش يقولنا

[ahmed karm]

يشرفني أن انضم لأسرة الماتريكس الأتوماتيك
انا معايا ماتريكس 2007 و فعلاً السحب بتاعها في الاول مش جامد وبيبان في الأشارات اما تلتقي العربية اللي جنبك طارت و انت دايس بنزين و مش أقدر تجيبها بس فعلاً التكيف مبتحس ان ليه أي تاثير على الموتور بس بتحس بأستهلاك البنزين و على فكرة ان ركبت تويوتا كورولا 1300 ولانسر 1300 و كان السحب أسوأ. وبالنسبه اموضوع زيت الموتور هو زيادة شوية على المقياس و لو دي مشكلة ياريت حد يفيدنا.
وعايز أسأل هو حد عدى بيها سرعة 150 كم/ساعة؟

[thegreatnileman]

هو حد عدى بيها سرعة 150 كم/ساعة؟

عن نفسى انا مزودتش عن 120 حتى الان انا عامل 3200 كم

[thegreatnileman]

محدش عنده ماتريكس اوتو ماتيك يحكي لنا عن تجربته معاها