عاجل قدامي فيرانا للبيع

[midoonesaid]

قدامي عربية فيرنا للبيع
مو2005 فابريقة جنوط سبور , انزار , سنتر ، زينون
مطلوب 48500
في جرنان الوسيط وهاشوفها الساعة 6.5 النهاردة
فهل لو حالتها كويسة يبقى السعر دا مناسب ليها
وشكرا في انتظار رد الاخوة الافاضل

[lolita]

ناكويس جدا بس لو العربية 1500 اوعى تشتريها الفيرنا مايتركبش غير 1600 الماتور يفرق كتير انا معايا 1600 موديل 2008 ممتازة

[moh_kamal67]

يعنى لو معاك 48500 كاش يامعلم ، وسعر الفيرنا هاف اوبشن زيرو 1600 64500 كمل الباقى بأى نظام تمويل والزيرو زيرو ياريس
والاسعار هاتنزل اكثر او i10 ب56500 زيرو تقفيل بره ، وعيش يامعلم مع الزيرو اسمع كلامى

[midoonesaid]

انا اتصلت على صاحب العربية قالي انها 1500 ممكن استغل النقطة واحاول انزل السعر شوية

[M.Osman]

بلاش الــ1500 ... كانوا بيقولوا فيها عيوب

(قصدي الـ1500 المصري مش الفيفا )

[analyzer]

الاخوة الافاضل
للعلم مش اكتر انا معايا الفيرنا 1500 سىسى موديل 2007 بقالها معايا سنتين وعامل 133 الف كم والحمد لله مفيش اى مشكله من الى بتشاع عليها والى كلنا سمعنا عنها مجرد اشاعه مشفناش واحد قال انا حصل معايا المشكله دى ( الى هى عيب فى الموتور وبيتغير فى غبور ) بالمناسبه كنت هناك فى غبور فرع قليوب امس مع صديق بيعمل صيانه لعربيته 1600 وجربتها هى موديل 2009 والفرق بينها وبين بتاعتى فرق بسيط جدا جدا فى السحب بس .

[analyzer]

نسيت اقولكم ان 1500 اوفر فى البنزين من 1600 بحوالى 50 كم لكل 20 لتر بنزين

[midoonesaid]

انا الحمد لله انا قابلت الراجل وشوفت العربية والحمد لله حالتها ممتازة وخبطت في السعر وصلت لـ 45000

[midoonesaid]

شكرا جزيلا ياشباب

[kliken]

ربنا يوفقك يا باشا بس اتأكدت اهم حاجه ان العربيه تمام

[EslaM_NagY]

انا الحمد لله انا قابلت الراجل وشوفت العربية والحمد لله حالتها ممتازة وخبطت في السعر وصلت لـ 45000

مبروك مقدما :10D5C8~1107:

[sasatony]

مبروك ياباشا بس انا رائي انك تحط ال45الف في فيرنا جديدة والباقي ممكن تقسطه لان الباقي مش كتير اووي يعني وهتبقي راكب عربية جديدة وموديل السنة وتبقي اول ايد لمستها
انا لو مكانك هعمل كده وانت ليك مضلق الحرية في الاخر

[mohamed_mohsen]

بلاش الــ1500 ... كانوا بيقولوا فيها عيوب

(قصدي الـ1500 المصري مش الفيفا )

انا معايا 1500 موديل 2006 و مافيهاش مشاكل من اللي بنسمع عنها
و الفرق بينها و بين ال1600 في السحب بسيط جدا بشهادة ahmed car

بالنسبه لصاحب الموضوع لو تعرف تجيبها زيرو يبقي احسن برضه

[midoonesaid]

الله يبارك فيكمم
والله العربية حالتها كويسة جدا بشهادة الميكانيكي ووكذا سمكري واظن انا لو دخلت في موضوع القسط هاحس ان العربية غالية على ثمنها واحس اني برمي فلوس كل شهر اللي معايا بحالتها تعتبر قريبة من الزيرو

[أشرف فتحى]

توكل على الله بس اعمل استخاره الاول واكشف عليها فى التوكيل لو تقدر انا معايا 1500 تجميع مصرى والحمد لله ما فيهاش مشاكل