الباور الكهرباء فصل في النيو اكسنت

[amir]

+100000000
الموضوع ده معروف جدا فى النيو اكسنت
وحصل مشاكل منه فى مصر وفى دول عربيه كتيره
عشان كده نزل فى الموديلات الجديده هيدرولك


ثالثا العيب ده معروف
وعشان تصلحه (مؤقتا) بتطفى العربيه وتدورها تانى
هتلاقى الباور اشتغل

العيب ده معروف عن النيو اكسنت؟!!!!
طب و الواحد لما يتعرف علي العيب ده ينفع يرجعلنا و يقولنا ولا ايه بقي؟
دي حاجه تخلي الواحد يستبعد العربيات بور كهربا من اساسه

[firstknight216]

اخويا كان ماشي بعربيته (نيو اكسنت 2006 ) على كوبري ترسا في الهرم ...وكانت الدنيا بتمطر جامد وفاجاه اخويا كان بيتفادا موتسيكل اتزحلق امامه ولما حود الدركسيون الباور فصل وفضل الدركسيون محوود على اتجاه سور الكوبري لحد ماخبط في السور والعربيه وقفت ...ولولا فضل الله سبحانه وتعالى ..ثم ان اخي كان على سرعه 40 كم لكان حدث مالا يحمد عقباه ...والحمد لله كانت الخسائر بسيطه (المقص اتعوج +الاكصدام اتبهدل ) ومن ساعتها وانا واخويا مرعوبين من العربيه وخايفين ليفصل تاني وخصوصا ان مافيش اي سبب لحدوث ذلك ...مع العلم ان العربيه بيبتعملها صيانه دوريه في غبور من الزيرو الى الان (58 الف كم ) ...وربنا يحمي الجميع

ياجميل في داهية اي حاجة المهم ان انتم بخير وحمدلله على سلامتك
ومتهيألي هيونداي كانت عرفة المشكلة ديه علشان كده تفادتها في موديل 2009
وحمد لله على سلامتكم وقدر الله وما شاء فعل

[firstknight216]

العيب ده معروف عن النيو اكسنت؟!!!!
طب و الواحد لما يتعرف علي العيب ده ينفع يرجعلنا و يقولنا ولا ايه بقي؟
دي حاجه تخلي الواحد يستبعد العربيات بور كهربا من اساسه

ازيك يادكتور
هو بالفعل تم تلافي العيب ده في موديل 2009 الباور فيه زيت مش كهرباء

[حماده المصري]

الحمد لله انها جت على اد كده

والحمد لله ان اخوك كويس ومحصلوش حاجه

والله المشكله حصلت في عربيتي بالضبط وبرضو 2006

وحصلت كتير معايا بس انا نفضت ومفكرتش اعرف الحل ايه

بس عامه انت تروح التوكيل وتبقى على الضمان وبسرعه قبل ما تتم 60 الف

عامه اول ما بتحصل المشكله بطل العربيه ودورها تاني حتى وهي ماشيه هتدور وهيشتغل الباور

في صديق ليا معاه النترا قالي انه غير فيوز او كتاوت في العلبه الفيوزات الي قدام واتحلت المشكله انا لما بصيت في عربيتي بصراحه معرفتش ايه الفيوز او الكتاوت المختص بالموضوع ده بالاضافه الى اني ملقتش كلمه eps

عامه المشكله دي بتحصل في الصيف معايا وكتير

ياريت لو حليت المشكله في التوكيل او برا تقولي عملت ايه

وامشى بالعربيه عادي بس اعمل حسابك ان لو فصل الباور وقتي وبدون ما تتخض تبطل وتدور تاني وهي ماشيه

[حماده المصري]

لما الباور بيفصل الخضه في انك فعلا بتحس ان العربيه اطفت

بس هي بتبقى دايره ولمبه الباور بتفضل منوره علطول

وفعلا لما بيفصل الباور الدركسيون بيبقى تقييل جدا جدا جدا وصعب تحريكه الا لاصحاب العضلات

عامه انت تروح التوكيل دلوقتي من غير اي حاجه وتدخل العربيه وتبقى قافش حتى على الراجل الي على البوابه وتدخل على مديير الصيانه علطول من سنتين كان اسمه ياسر مناع هو كان كويس معايا الراجل ده
انت تدخله علطول وتتكلم معاه وتقوله ان العيب مشهور وتتفاهموا على اصلاح العربيه هيبقى ازاي

وعموما المشكله بتاعه الباور شكلها هتتحل ب فيوز جديد وخلاص

[moudy88]

برده الهيدرولك بيتقل على السرعه
بس ميزة الكهربا انه خفيف جدا وانت واقف لكن الهيدرولك تقيل شويه والعربيه واقفه

للاسف مش كل الباور الهيدروليك بيتقل على السرعات ..انا عندي النوبيرا الباور خفيف وناعم ..وبيبقى على سرعة 20 كم زي 200 كم

[moudy88]

ياجميل في داهية اي حاجة المهم ان انتم بخير وحمدلله على سلامتك
ومتهيألي هيونداي كانت عرفة المشكلة ديه علشان كده تفادتها في موديل 2009
وحمد لله على سلامتكم وقدر الله وما شاء فعل

شكرا لحضرتك ...وربنا يحمي الجميع ..بس بصراحه الباور الكهرباء متعه بس محتاجه صيانه في توكيل محترم غير اللي في مصر

[moudy88]

لما الباور بيفصل الخضه في انك فعلا بتحس ان العربيه اطفت

بس هي بتبقى دايره ولمبه الباور بتفضل منوره علطول

وفعلا لما بيفصل الباور الدركسيون بيبقى تقييل جدا جدا جدا وصعب تحريكه الا لاصحاب العضلات

عامه انت تروح التوكيل دلوقتي من غير اي حاجه وتدخل العربيه وتبقى قافش حتى على الراجل الي على البوابه وتدخل على مديير الصيانه علطول من سنتين كان اسمه ياسر مناع هو كان كويس معايا الراجل ده
انت تدخله علطول وتتكلم معاه وتقوله ان العيب مشهور وتتفاهموا على اصلاح العربيه هيبقى ازاي

وعموما المشكله بتاعه الباور شكلها هتتحل ب فيوز جديد وخلاص

إن شاء الله هوديها للصيانه للكشف عليها وخاصه الموضوع ده ..وربنا يقدم اللي فيه الخير

[BooDElGn]

يا جماعة انا عندى نيو اكسنت 2008 و الباور بتاعها زيت مش كهربا زى ما بعض الاخوة ذكروا

[M.Mokhtar]

العيب ده معروف عن النيو اكسنت؟!!!!
طب و الواحد لما يتعرف علي العيب ده ينفع يرجعلنا و يقولنا ولا ايه بقي؟
دي حاجه تخلي الواحد يستبعد العربيات بور كهربا من اساسه

مش فاهم يعنى ايه يرجعلنا ويقولنا؟؟؟
مين انتوا

بس المشكله دى مش فى كل الباور الكهربا
فى عربيات كتير فى السوق وخصوصا هيونداى فيها باور كهربا بس مش فيه العيب ده

[amir]

مش فاهم يعنى ايه يرجعلنا ويقولنا؟؟؟
مين انتوا

يرجعلنا من الاخره
و قصدي باحنا المنتدي هنا
:k38:

[M.Mokhtar]

يرجعلنا من الاخره
و قصدي باحنا المنتدي هنا
:k38:

[ahmed_bq]

انا اعرف من زمان ان دي مشكلة الاكسنت اللي هوا الباور الكهرباء اللي بيعلق ده
وبالنسبه للاخ اللي سأل طب لما البور يفصل مش الدركسيون يشتغل بردو بس عادي من غير باور الاجابه هيا كالتالي
الباور ده عبارة عن مجموعة كهربائية بتزود عزم اللفة بتاع العجلات لما بتحود بحيث انه يحود بسهولة ... لما بيعلق وانتا كاسر يمين مثلا بيفضل مكمل يمين لحد الاخر ومش بيستجيب لأي تحويدات من الدركسيون زي متقدر تقول بيهنج
لازم تفصل العربية وتشغلها تاني عشان يتظبط... وللاسف مش هتقدر تثبت ان سبب الحادثه الباور وخصوصا مع غبور باشا

والمضمون اللي هوا الزيت عشان ممكن تستغنى عن نعومة الدركسيون اوي احسن متبقى ماشي سريع وتلف والافندي الباور يلبسك في حيطه ولا عربية في الطريق

[saiedsm]

الله يسلمك و شكرا على الرد ..وربنا يحمينا من شر العربيات ...ولكن العربيه ماتزحلقتش الدركسيون بس هو اللي كلبش علشان الباور فصل وبقى زي ماتكون العربيه بطلت

الحمد لله بس ده حاجه تقلق ان الواحد يفقد توجيه العربيه و خصوصا لو على سرعه بس يا ريت تقولنا رأي التوكيل في الموضوع ده

[حماده المصري]

انا اعرف من زمان ان دي مشكلة الاكسنت اللي هوا الباور الكهرباء اللي بيعلق ده
وبالنسبه للاخ اللي سأل طب لما البور يفصل مش الدركسيون يشتغل بردو بس عادي من غير باور الاجابه هيا كالتالي
الباور ده عبارة عن مجموعة كهربائية بتزود عزم اللفة بتاع العجلات لما بتحود بحيث انه يحود بسهولة ... لما بيعلق وانتا كاسر يمين مثلا بيفضل مكمل يمين لحد الاخر ومش بيستجيب لأي تحويدات من الدركسيون زي متقدر تقول بيهنج
لازم تفصل العربية وتشغلها تاني عشان يتظبط... وللاسف مش هتقدر تثبت ان سبب الحادثه الباور وخصوصا مع غبور باشا

والمضمون اللي هوا الزيت عشان ممكن تستغنى عن نعومة الدركسيون اوي احسن متبقى ماشي سريع وتلف والافندي الباور يلبسك في حيطه ولا عربية في الطريق

بعد اذنك الكلام ده غير صحيح

الباور لما بيفصل الدركسيون شغال بس تقيل جدا جدا لان علبه الدركسيون بتبقى علبه عاديه بدون لا سير ولا زيت ف بيبقى كانك بتلف دركسيون 128 وهي واقفه

انما هو بيتحرك وبيستجيب لاي تغير في اتجاه الدركسيون

الكلام الي ساعدتك بتقوله بيحصل لما مثلا بيضه دركسيون تتخلع ساعتها العربيه بتفضل مكمله في اتجاها

انما النيو اكسنت لو الباور فصل العربيه بتستجيب بس بتبقى فعلا اتقل من العربيات الي اساسا مفيهاش باور