الباور الكهرباء فصل في النيو اكسنت

[ahmed_bq]

بعد اذنك الكلام ده غير صحيح

الباور لما بيفصل الدركسيون شغال بس تقيل جدا جدا لان علبه الدركسيون بتبقى علبه عاديه بدون لا سير ولا زيت ف بيبقى كانك بتلف دركسيون 128 وهي واقفه

انما هو بيتحرك وبيستجيب لاي تغير في اتجاه الدركسيون

الكلام الي ساعدتك بتقوله بيحصل لما مثلا بيضه دركسيون تتخلع ساعتها العربيه بتفضل مكمله في اتجاها

انما النيو اكسنت لو الباور فصل العربيه بتستجيب بس بتبقى فعلا اتقل من العربيات الي اساسا مفيهاش باور

اومال الحوادث دي بتحصل ليه؟
كده كده العربية وهيا ماشية دركسيونها بيخف لو مش باور وبيخف اكتر لو بور
يبقى ازاي العربية ماشيه والدركسيون مكلبش وتقيل ؟

على فكرة انا الموضوع اللي قولتو كنت قاريه هنا في المنتدى بس من زمان.. بس بردو احب استفيد منك واقتنع

[حماده المصري]

هو من الناحيه الهندسه انا مقدرش اشرحلك لاني اساسا مش فاهم ليه لما الباور بيفصل والعربيه ماشيه فعلا بيبقى تقيل جدا جدا مع ان العربيات الي مفيهاش باور من اساسه بتخف بعد 30 او 40

بس فعلا لما الباور بيفصل بيبقى التعامل مع الدركسيون اشبه كانه بتحاول تلف دركسيون عربيه مفيهاش باور وهي واقفه

بس من ناحيه انه مفيش استجابه لا هو في استجابه وممكن تحركه يمين وشمال بس مثلا لو عايز تلف لفه لازم ومؤكد تستخدم ايديك الاتنين

لما بيحصل ان الباور يفصل والعربيه ماشيه الموضوع لوحده بيخض خصوصا ان الدركسيون فجاه تحس انه فصل ولمبه الباور بتفضل منوره( طبعا الدركسيون مش بيبقى فصل بس الباور بيبقى فصل وبيبقى غريب جدا على معظم السواقين الحوار ده وبفتكروا ان العربيه كده مفيهاش دركسيون)

انا عامه حصلت معايا كزا مره
اول مره في البطل احمد عبد العزيز وكنت ماشي تقريبا 100 والباور فصل هديت وركنت على اليمين عادي جدا
ومره تانيه في لفه وخلاص العربيه بتلف وصاحبك فصل بس كنت اتعود قفلت العربيه ورجعت شغلتها تاني وهي ماشيه والباور اشتغل ومشيت
وعامه مش محتاج انك تلف المفتاح لاخره وانت ماشي مجرد انك تقفل وترجع تدي المفتاح التكه الاولانيه العربيه بتشتغل مادام معقشه

ممكن بقى الراي ده بس هو هجص الى حد ما ان يكون علبه الدركسيون متصممه بطريقه معينه انها تكون تقيله والباور هو الي يخفها
عشان مينفعش تكون العلبه خفيفه مثلا في الرجلاش والباور يخفها اكتر كده العربيه هتبقى في الطراوه
عامه انا عربيتي موجوده في الهرم ولو حضرتك عايز تتاكد بنفسك انا معنديش مانع خالص والعربيه وهي واقفه نص تكه للمفتاح وهلف الدركسيون عادي جدا

الخلاص ان لو واحد فاهم عربيتي وعندوا سنس انوا مش بتخض في حدوث اي حاجه سواء حادثه او باور فصل او حتى كاوتش طار من العربيه بيبقى ممكن الي حد ما يتفادي حدوث اي حادثه
مع ان الموضوع ده في الاول او الاخر قضاء وقدر

[amir]

مع احترامي لكلامك يا حماده
بس مازلت مش قادر اتخيل الموقف و الدركسيون بيعمل كده
العربيه لازم تتسحب عن طريق الوكيل و يتم تغيير الدركسيون باور الكهربا ده بالعادي
انما كده ده يعتبر نوع من اقصي انواع التهريج و الاستهتار بحياه الناس
لأني مظنش ان القاضي -لا قدر الله- هيراعي النقطه دي في صالح مالك العربيه لو كانت تسببت في حادث لا قدر الله

[حماده المصري]

انا معاك طبعا في كل كلمه قلتها

ده انا كل ما بفكر اني ممكن يفصل معايا الباور وانا على سرعه او باخد غرزه او او بيجيلي انهيار عصبي

بس الي مخليني معدي الموضوع انه بيحصل فقط معايا في الصيف ممكن يكون موتور الباور بيفصل نظرا للسخونه الشديده

بالاضافه الى ان العيب المفروض انه الفيوز المسؤول عن الباور هو الي بيفصل وبيرجع يشتغل تاني والمفروض الفيوز ده يتغير وشكرا كده المشكله انتهت تماما

بس الفكره ومعلش لو كنت هطول شويه
في النيو النترا حصلت كزا حاله في الموضوع ده بس صاحب العربيه قالي الباور بيفصل ومش بيرجع يشتغل تاني بتروح مغير الفيوز او تقريبا هو كتاوت وشكرا وبيكون موجود في علبه الفيوزات

في النيو اكسنت بيفصل ولما تشغل تاني بيرجع زي الاول
بصيت في علبه الفيوزات في الكبوت وكمان العلبه الي تحت الدركسيون ملقتش اي كلمه مثلا مكتوب فيها باور او حتى eps عشان اعرف انه المسؤول عن الباور ومن ساعتها مشوفتش صاحب العربيه عشان اعرف حتى الفيوز او الكتاوت الي غيره مكتوب عليه ايه بس هو عامه 20 امبير تقريبا
عشان كده ماخدتش اي اجراء ضد الموضوع ده واول مره حصلت معايا كانت العربيه طلعت برا الضمان

وعامه اي عربيه باورها كهربا مش هيونداي بس لو باز هحتصل فيه نفس الي بيحصل في العربيه دي وعلى فكره الموضوع ده حصل في عربيه واحد صحبي استرا 2001 هي باور كهربا بس ليها زيت باور برضو وطرمبه باور وغيرهم ورجع باز تاني برضو
ف الموضوع ده وارد انه يحصل في كل العربيات في العالم الي باورها كهربا بس هو غريب شويه في الهيونداي عشان جديده بس هو نتيجه الفيوز الي محتاج يتغير وشكرا كده المشكله انتهت

مع العلم ان العربيات الي باورها هيدروليك برضو ممكت تحصل حالات ان سير الباور يقطع وساعتها برضو الباور بيفصل

[محمد ابراهيم 1]

أعتقد إن أول عربية باور كهربا هى الأوبل كورسا 98 إلى 2000

[wet7014]

حمدلله علي سلامه اخو حضرتك
و بجد رأي ان اللي حصل ده تهريج
و المفروض انك متسكتش و ابعت شكوه للشركه الام
لان كده دي حاجه مش مطمئنه

[blazer]

انت المفروض متسكتش على اللى حصل لان دا استهبال رسمى
ممكن حياه ناس تضييع بسبب الموقف دا يعنى افرض ان كان فى بنى ادم واقف على الرصيف التانى
المفروض تعمل شكوى او اى شىء مماثل ضد غبور وتاخد تعويض عن الخساير فى العربيه

[aratux]

طب نزلوا النيو أكسنت هيدروليك بس؟
و الإلنترا؟؟
زى ما هية كهرباء؟
فيها مشاكل؟

[AHMEDCAR]

الالينتر وحتى الان الحمد لله لم تصدر منها اى شكاوى

[casper_hoss]

حل مشكلة بارو الكهرباء

انا دورت كتير ولقيت الحل
المشكلة في سنسور العزم جوه علبة الدريكسيون
مع تغيير السينسور ده المشكلة بتتحل
الفيديوهات دى بتوضح شكلة وسبب المشكلة وطريقة تغييره
انا متاسف ان الفيديوهات بلغه غريبة تقريبا ايطالى بس المصطلحات مفهومة

https://www.youtube.com/watch?v=i_5q0-4uCbA

https://www.youtube.com/watch?v=voENTKpCsWQ&ebc=ANyPxKqkmZlCdIX-lwDkp48mlLi3Na3u95YqV9xLgvLgkDYnv01DUajxal6bz_YESz0MoUvaywLA&nohtml5=False