رابطه الفيرناويه غير الفيرناويه يمتنعون

[ELGASERCBR]

هاتستلم النهاردة ان شاء الله ... ربنا يكفيك شرها و شر الطريق و يديك خيرها يا رب ...

اسمحولى انضم معاكو .. انا خالد و معايا فيرنا 2011 كاملة مانيوال ... 6200 كم و عدى مشكلة فى التكييف و مشاكل بقى فى التقفيل .... بس بردو بحبها .. عربية إعتمادية و رائعة بسم الله ما شاء الله

شكرا لذوقك واسمحلي بقي اسئلك اخبار الاتوماتيك ايه معاك

[Nile_Storm]

مساء الخير علي كل الفيرناويه
وحشتووووووووني جدا :)

[sasanew1]

انا عايز اشتري فرنا اوتوماتيك اية رايكم ارجوا الافادة في ناس كتيرة قالت ليا الاوتوماتيك وحش صحيح الكلام دة وارجو الافادة

[Ashraf_Ibrahim]

كلام خاطيء تماما
الاوتوماتيك بتاع الفيرنا رائع جدا وجميل ويكاد يخلو من المشاكل تقريبا
حضرتك ناوي تشتري عربية في حدود كام عشان نساعدك بشكل أفضل؟!

[AHMEDCAR]

مساء الخير علي كل الفيرناويه
وحشتووووووووني جدا :)

ازيك يا معلم انت فين يعم واحشنى جدا

[world_of_kill]

يا رجاله يا ريت تفيدوني بخبرتكم

انا عاوز اجيب فيرنا و في واحده قدامي 2007 عداد 66 الف كيلو كامله 1600 سي سي
العربيه فبريكه دواخل و كانت بترش بره قدامي حترش كلو عشان ابن عمي بتاع دوكو
الخبطات كلها بسيطه في باب و رفرف و عتبه اتعملو سمكره و حترش و عامتا انا مش حجيبها و ابيع قريب مش حبيع قبل 10 - 15 سنه عشان حعملها تاكسي

العربيه دي تعمل كام تقريبا علي اسعار الومين دول مع العلم انا حستلم منو العربيه بعد الدوكو

[virus2007]

الفكره ببساطه اننا (الفيرناويه ) ماشاء الله اغلبيه فى المنتدى ويتهيألى لازم نعمل رابطه الفكره مش جديده لكن اعتقد ده وقتها .
يا فيرناويه المنتدى اتحدوا
اتحدوا لنصبح قوه ضاربه فى وجه المشككين فى حبيبه قلبنا الفيرنا
اتحدوا لنأخذ حقوقنا المسلوبه لدى وكيل (حسبى الله ونعم الوكيل)
اتحدوا ضد اشتغالات مراكز الخدمه وافتكاسات الميكانيكيه والصنايعيه عموما
اتحدوا لنتبادل الخبرات والتجارب فى مجتمنا الفيرنوى
اتحدوا لنحتضن العناصر الجديده الضائعه بين عيوب التصنيع والكارتيره اللى بتنقط كهربا.
معا نحو مجتمع فيرنوى جديد
ابدأ بنفسى

اشرف فتحى
فيرنا 2007
1500سىسى
66000كم بدون شكوى واحده

تقريبا احنا معانا نفس العربية

انا كريم
2007
1500
عاملة 8150 كم

مفيش شكاوى غير انها واطية شوية بس مجملا انا شايف انها الافضل فى فئتها بدون اى كلام

[moneer_marco]

الى جميع الاخوة الفرناوية حد يعرف منكم حاجة عن رولمان بلي العجل بتاع الفيرنا هل بيتشحم ام لا

[mohamed5aled]

محمد خالد
فيرنا 1600 موديل 2011
39000 كم

[كريم kok]

الفكره ببساطه اننا (الفيرناويه ) ماشاء الله اغلبيه فى المنتدى ويتهيألى لازم نعمل رابطه الفكره مش جديده لكن اعتقد ده وقتها .
يا فيرناويه المنتدى اتحدوا
اتحدوا لنصبح قوه ضاربه فى وجه المشككين فى حبيبه قلبنا الفيرنا
اتحدوا لنأخذ حقوقنا المسلوبه لدى وكيل (حسبى الله ونعم الوكيل)
اتحدوا ضد اشتغالات مراكز الخدمه وافتكاسات الميكانيكيه والصنايعيه عموما
اتحدوا لنتبادل الخبرات والتجارب فى مجتمنا الفيرنوى
اتحدوا لنحتضن العناصر الجديده الضائعه بين عيوب التصنيع والكارتيره اللى بتنقط كهربا.
معا نحو مجتمع فيرنوى جديد
ابدأ بنفسى

اشرف فتحى
فيرنا 2007
1500سىسى
66000كم بدون شكوى واحده

انا معاكم انشاء الله واقترح انو يكون في قسم لملاك الفيرنا في المنتدي اغلبيه يعني انا معاكم

مهندس /كريم
فيرنا 2008
1600 سي سي
75000 كم

[tameem2010]

ياسيدي الفيرناويه في مصر اكتر من الاهلاويه مش محتاجه كلام احنا الاغلبيه مهما الناس قالوا

[كريم kok]

ممكن من كل الفيرناويه يكتبو الار بي ام عند 100 كم بيكون كم بالضبط وعندك 120كم كم بالضبط منتظر ردودكم

[osama gad]

معايا فيرنا 2007
1500سى سى ممكن ابقى معاكو ودى مشكلتى معاها هى عامله 170000
السلام عليكم ورحمه الله وبركاته
انا معايا فيرنا 2007 وكنت راجع من القاهره وفضلى 40 كليو على الاسكندريه والعربيه بطلت وانا جاييب التانى وباخد مطب جيت ادور مدرتش وطلعت دخان ابيض فيه ريحه شياط قولت سير الكتينه ولما دورت جابت وش سلندر كل ده انا بتخيل المهم اتصرفت فى ميكانيكى على الطريق ولقى السير سليم و لما بصيت على المؤشر وانا بدى نص دواره لقيته على الاحمر وطبعا الريداتير فاضى والاربه كمان المهم مش هطول نص نقل قطرتنى لحد الاسكندريه وشفت ميكانيكى المهم زودناها ميه ودارت وبتاع الزيت كشف عليه وقلى كويس بس الريداتير لقيته بجيب ميه من الجزء البلاستك الى فوق المهم جبت ريداتير جديد والميكانيكى قلى ان الثرموستات هى الى عملت كده المهم قعدنا نحرق على العربيه لقينا التبريد مظبوط عند النص وكل شويه يفتح غطاء المتور عشا يشوفها طحنت ولا لا يلاقى الزيت كويس المهم روحت بيها الشغل تانى يوم بس زودتها كوبايه ميه كده تقريبا والريداتير بيطلع فقاقيع هواءولما رجعت من الشغل لقت جوان غطاء التكيات جايب زيت ولما بفتح الريداتير وهى دايره بتفور فاعرفت انه وش سلندر فا ودتها لميكانيكى تانى

العربيه جابت وش سلندر من ناحيه المياه مع العلم ان الزيت مش مطحن
وايه الى خلى الريداتير يضرب هل هو عمره الافتراضى ؟
والميكانيكى اختبرلى البساتم وقلى كده عيزين نغير طقم شنابر
وعايز اعرف هى عملت معايا كده ليه عشان متعملش معايا كده تانى مع العلم انى لسه شريها مكملتش شهر فاعايز اعرف تكلفه الجونات الاصلى بكام وتكلفه طقم الشنابر ومصنعيه الميكانيكى عشان ميضحكش عليا
ا رجو الرد وشكراً

[خالد السويفى]

ان شاء الله انا عضو جديد معاكم وبالتوفيق
خالد السويفى
فيرنا 2014 كاملة مانيوال

[alaaamro]

هو ايه ال بيحصل في صيانه ال 15000 كم والتكلفه