فيرنا فيفا أم فيرنا عادية؟؟!!

[padel]

دي أول مرة ليا أشترك في منتدى في كل حياتي.. وأنا بشترك هنا وأنا مبسوط لأن دة غعلاً منتدى في منتهى الإحترام والناس إللي فية ناس مالهومش حلل في خدمتهم ومساعدتهم لبعض كدة لوجه الله.
على العموم أدخل في الموضوع.. أنا بصراحة كدة ناوس آخد قرص من البنك وأشتري عربية (أول عربية في حياتي) وعملت دراسات مستفيضة ولاقيت إن أنسب حاجة تناسب ظروفي وسفري الكتير هي الفيرنا ... وفعلاُ اتفرجت عليها في كذا معرض و قريت عنها كل اللي اتكتب هنا في المنتدى دة وأماكن تانية.. بس إللي مش قادر أعرفه، لية ماحدش خالص بيتكلم عن الفيرنا فيفا... أصلها بصراحة عجباني أكتر من الفيرنا العادية صث خاصة عشان ال RPM دة غير شكلها كمان.
يا ريت لو أسمع نصايحكوا هل اشتري العربية اللي عجباني (فيفا) ولا أمشي ورا كل الشعب وأشتري فيفا عادية؟؟؟
ولكم مني كل الشكر والعرفان بالجميل..

[temoo_110]

السلام عليكم ورحمة الله وبركاتوه
اولا اهلا بيك معنا وتحت امرك فى استفسار
عاوز اقولك انى كنت زيط محتار جدا فى موضوع الاختيار بين الفيرنا العادة والفيفا وبصراحة لقيت اللى نعرفوه احسن من اللى منعرفهوش وثانيا بالنسبة لموضوع الrpmفالفيرنا الككاملة فيها العداد وفيها كل حاجة فانت اتكل على الله وهات فيرنا عادية كاملة وهتعجبك انشاء الله واى استفسار انا تحت امرك

[fahd_628]

السلام عليكم

بص يا باشا انا عاوز اقولك حاجة يمكن حضرتك مخدتش بالك منها

الهيونداى فيرنا و فيرنا فيفا عبارة عن هيونداى اكسنت

بس الفيرنا العادية هى هيونداى اكسنت بس الموديل الى قبل الشكل الحالى ويعنى تقريبا موديل 2005

اما الفيرنا فيفا فا هى الهيونداى الأكسنت الى قبل الفيرنا العادية تقريبا كانت هيونداى اكسنت موديل 2002

فا الفيرنا العادية ( تقفيل مصرى ) هية احدث من الفيرنا الفيفا

دة غير ان كل الشعب اشترى الفيرنا العادية يعنى حتلاقى قطع غيارها موجودة برة التوكيل زى الفوانيس و الزجاج و اكصدامات و كدة لكن الفيفا محدش لسة اشتراها فا قطع غيارها مش موجودة اكيد برة التوكيل

الفيرنا المصرى موتورها 1600 سى سى اما الفيرنا الفيفا 1500 سى سى مع العلم ان الموتور ال 1600 بتاع الفيرنا المصرى تكنولوجيا احدث من موتور الفيرنا الفيفا الى هوة 1500 سى سى

طبعا القوة لصالح المحرك ال 1600 سى سى و هوة نفس محرك الهيونداى ماتريكس و الهيونداى كوبية و الهيونداى جيتز و الهيونداى الانترا بس موديل 2006 مش 2007 لأن موتور الألنترا 2007 احدث

فا انا رأى ان حضرتك تجيب الفيرنا المصرى

و الى تعرفة احسن من الى متعرفوش :)

و على فكرة الفيرنا المصرى ال 1600 فيها عداد Rpm

و ربنا يوفقك

[Nader]

اولاً الفيفا دي احدي مراحل الفيرنا القديمة قبل ما تنزل مصر يعني تصميم قديم. وبالتالي لسة مش هتلاقي قطع غيارها منتشرة "فوانيس وصاج وكدة انما الميكانيكا فهي هي" فبالتالي خليك في الفيرنا العادية المنتشرة افضل.

[Powert]

وخلي بالك ان الفيفا مستورده يعني قطع غيارها هتكون اغلى

وبصراحة شكل فيفا أحلى من برة بس من جوة المصري فيها امكانيات أكتر

[analyzer]

الفيرنا المصرى افضل بكثير

والتعليقات السابقه وافيه

والله الموفق

[bassam nagy]

مقارنة بينهم الفيرنا المصرى اعرض من الفيفا.... الفيرنا بها كاسيت........ الفيفا مافهاش كاسيت..... الفيفا اعلى من الفيرنا............. الفيفا بها rbm وبها استوب فرامل خلفى ولكن الفيرنا افضل من الفيفا

[amr mokhtar]

هم بيستوردوا الفيفا منين ؟

[Powert]

الفيفا من الهند