ضروري لاصحاب النيو اكسنت والهيونداي التجربه

[حماده المصري]

يا جماعه النهارده بقلب في كتالوج العربيه

لقيت الضغط الامثل للاطارات

وهو 30 قدام و 33 ورا وده للجنط ال 14 و15 كمان

والكلام ده برضو مكتوب على استيكر موجود تحت باب السائق لما تفتحه هتشوفه

انا كنت بزبطه يا كله 28 يا 30

انا بقى رحت مجرب امشيها زي ما الشركه بتوصى
وبصراحه يا جماعه في فرق محترم في الفرامل والثبات والعفشه الخلفيه بقت بتتعامل مع المطبات احسن



ف ياريت من اصحاب النيو اكسنت تجربه الموضوع ده ويقولوا راييهم في الصفحه دي

وعلى فكره من فتره برضو شوفت توبيك في المنتدى عن الهوندا سيتي برضو واحد ضبط الهوا زي ما بالشركه بتوصى وخلت العربيه زي الفل
حتى كان عنوان التوبيك الوصفه السحريه الي تخليك تقفل العداد

وعامه ارجو برضو من اصحاب كل الهيونداي يشوفوا في الكتالوج وتحت باب السائق ايه الضغط الامثل للاطارات ويعملوه ويقولوا النتيجه

ويارب تكون النتيجه مفرحه

[حماده المصري]

يعني ولا حد جرب ولا حد رد في الموضوع وقال النتيجه

3 شكرا كتر الف خيرهم والله

انا كل الي نفسي فيه ان الناس تجرب وتستفيد عشان يحافظوا على عربياتهم

[M.Osman]

شكرا اخي العزيز على نقل تجربتك ... و فعلا احسن حاجة ان الواحد يلتزم بدليل العربية.. اكيد في فرق .

[أشرف فتحى]

يعني ولا حد جرب ولا حد رد في الموضوع وقال النتيجه

3 شكرا كتر الف خيرهم والله

انا كل الي نفسي فيه ان الناس تجرب وتستفيد عشان يحافظوا على عربياتهم

ايه بس يا حماده باشا
زعلت ليه
يا سيدى انا اول مره اشوف الموضوع اهه وهارد
انا بضبط الكاوتش زى الكتالوج وحاطط نيتروجين وبحس بالفرق لو العداد بتاع بتاع الكاوتش بايظ فى السحب واستهلاك البنزين

[BooDElGn]

يا أستاذ حمادة فين فى الكاتلوج بالضبط انا معايا نيو اكسنت 2008 و بصيت فى الكاتلوج لقيت كاتب قدام وورا 30 لو العربية بها شخصين على الاقل و 33 قدام وورا لو محملة اقصى الحمولة

[حماده المصري]

يا أستاذ حمادة فين فى الكاتلوج بالضبط انا معايا نيو اكسنت 2008 و بصيت فى الكاتلوج لقيت كاتب قدام وورا 30 لو العربية بها شخصين على الاقل و 33 قدام وورا لو محملة اقصى الحمولة

تصدق بقى ياباشا فعلا كلامك صح

هو مكتوب في الكتالوج وكمان لما تفتح باب السواق هتلاقيها مكتوبه على العربيه نفس الاستيكر الي باين شكله في الكتالوج هتلاقيه

دي سهوه مني فعلا قدام ووا 30 لو فردين
و 33 لو اكتر من كده

بس انا عملتها 30 و 33 وفعلا كنت لما بركب ناس ورا على 30 بحسها مش مزبطوه

دلوقتي 33 ورا مع ركوب الناس بقت مزبوطه

معلش يا جماعه انا اسف

[حماده المصري]

ايه بس يا حماده باشا
زعلت ليه
يا سيدى انا اول مره اشوف الموضوع اهه وهارد
انا بضبط الكاوتش زى الكتالوج وحاطط نيتروجين وبحس بالفرق لو العداد بتاع بتاع الكاوتش بايظ فى السحب واستهلاك البنزين

والله ياباشا انا مقدرش ازعل منكم ده انتوا حبايبي

انا كل الي نفسي فيه يحصل تفاعل عشان يبقى في استفاده

تحياتي ليك ياباشا انا مقدرش ازعل منكم مينفعش