وحدات رفع زجاج النترا 2007 (تركيب غبور)

[amoghazy2]

السلام عليكم
اولا انا معايا النترا 2007 مستلمها من مارس 2007، مش ماشية كتير 4500 كم ومحافظ عليها المهم حصل الاتي:
1ز فجأة الزجاج اللي وارا باب السائق على طول ما بقاش يترفع لما اقفل العربية بالانذار، ازاي؟؟؟ حاجه غريبة جدا عمري ما شفتها الصراحة (مع ان كل اللي كل بركبه قبل كده مستعمل و بركب وحدات الرفع عند كهربائية عاديين) المهم لو زجاج السائق مفتوح لنصه و زجاج الباب اللي وراه علطول مفتوح للاخر هيقفل الزجاج بتاع السائق كلو ويقف خلاص الزجاج اللى وارا وقف عند نصه!!!! بمعن انه معتمد على بتاع السائق و لو الزجتج اللي وارا مفتوح هو بس كلو بيقفل عادي..... دا بيحصل مع الباب اللي وارا السائق بس الباقي شغال عادي
2 انا حاسس ان العربية في اليومين الحر دول ومع تشغيل التكييف (ماكس على 2) العربية سحبها قل وخصوصا على التاني وساعات الموتور يسقف. مع اني بحط بنزين 92 من محطة امارات مصر عشان في طريقى.


ممكن مساعده جزاكم الله خيرا قبل ماروح صيانة ال 5000؟

[Mo3taz Selim]

Re: وحدات رفع زجاج النترا 2007 (تركيب غبور)


و عليكم السلام و رحمة الله و بركاته

بالنسبه لموضوع الزجاج ... شىء بسيط ماتقلقش منه لأنهم بيظبطوا المشاكل دى كلها فى التوكيل لما تروح لهم سواء فى صيانه ال 5000 أو لو ذهبت لهم مخصوص و أيضا يجب أن تخبرهم بملاحظاتك عن ما يحدث فى موتور سيارتك و سيقومون بتظبيطه على الكومبيوتر...

و بالنسبه لموضوع الشد أو سحب العربيه و أنه بيتأثر بسخونه الجو فده موضوع بديهى أن يحدث نظرا لحرارة الجو المرتفعه هذه الأيام

[mido777]

موضوع الزجاج ده لاتقلق منه زى ما أ/ حسام قالك

وحصل معايا قبل كده بس كان بدىر شويه وعملته فى صيانة ال 1000
بس ابقى خلى بالك كويس وأتاكد ان الزجاج كله مغلق

لأن قبل ما أعرف ان الزجاج عندى بايظ قفلت الباب والزجاج اللى جنبى لم يغلق والعربية كانت مركونه فى باركنج كارفور وفى حته بعيده وكان فيها موبيل و6000 جنيه

بس ربنا ستر الحمدلله

[Hossam Mounir]

موضوع الزجاج ده لاتقلق منه زى ما أ/ حسام قالك

صباح الفل ... يا استاذ محمد ... اللى رد هو أستاذ معتز ... مشرفنا المحبوب ... انا لسة هأرد ...

بالنسبة للسائل ... أحب أقوله بالنسبة لوحدات الرفع ...وحدات الرفع الخاصة بالالنترا 2007 هى الشئ الوحيد اللى بيركب فى غبور ... وبالتالي هيا الحاجة الوحيدة المعرضة للبوظان بدري بدري ... المهم ... دى إن شاء الله مشكلة بسيطة ... بيبقى عيب فى دايرة الكهرباء بتاعة وحدة الرفع ... وبيتظبط فى التوكيل ...

أنا اللى الحقيقة ... مستغربة ... موضوع أن السحب بيضعف مع التكييف ... دى بجد أول مرة أسمع الشكوى دى من حد معاه الألنترا ال 2007 ... يعنى لم يسبق أن اشتكى أحد من فرق فى السحب مع تشغيل التكييف ... وبالتالي هل سيادتك جربت كذا مرة ولا ده حصل مرة واحدة عرضية ... طيب سيادتك أنا فهمت أن معاك المانيوال ... فهل سيادتك واخد بالك أن النقل فى غير التوقيت المناسب ... ممكن يخلي السحب يفرق ... قياريت تقولنا الغيار على التاني ... سيادتك بتنقل على سرعة كام ...ال RPM عندك بيقرا كام على السلانسية والتكيييف مطفئ ... وبيقرا كام عند تشغيل التكييف مع العلم أن يجب أن العربية تكون فى ظروف التشغيل العادية يعنى درجة حرارة الموتور تكون فى معدلها السليم ( مؤشر الحرارة قبل المنتصف بشرطة بسيطة أو فى المنتصف) ... ونفس الشئ عند أى سرعة ولتكن 80 كم / ساعة ال RPM بيقرا كام والتكييف مطفى وبيبقى كام والتكييف شغال ...

الحقيقة الأسئلة دى مهمة علشان نعرف نتجاوب معك فى الرد ... وعلى كل الأحوال ... زى ما أستاذ معتز أشار الموتور متصل ... بوحدة كمبيوتر مركزية فى العربية ... وبيتظبط فى التوكيل ... بمنتهى السهولة ... وده إن شاء الله تعملة فى صيانة ال 5000 ...

فى أنتظار أجوبتك ... وللجميع تحياتي ...

م / حسام منير

[mido777]

موضوع الزجاج ده لاتقلق منه زى ما أ/ حسام قالك

صباح الفل ... يا استاذ محمد ... اللى رد هو أستاذ معتز ... مشرفنا المحبوب ... انا لسة هأرد ...

عفواً,عفواً,عفواً.............
بأعتذر للأستاذ معتز ... بس هو يمكن علشان انا واخد انى برد على طول على م/حسام
وبالمناسبه انا اعرفك من ايام كونتاكت وكان ليك انت وم/حسام كان ليكم دور كبير فى انى اشترى الألنترا

معذره مره اخرى

أنا اللى الحقيقة ... مستغربة ... موضوع أن السحب بيضعف مع التكييف ... دى بجد أول مرة أسمع الشكوى دى من حد معاه الألنترا ال 2007 ... يعنى لم يسبق أن اشتكى أحد من فرق فى السحب مع تشغيل التكييف ...

فعلا ان شايف ان تكيف العربية غير مؤثر تماما على السحب لدرجة انى بعتقد ان التكيف له نظام تانى وغير متحمل على الموتور..



م / حسام منير[/color][/size]

[rafik]

اولا شكرا على ردكم السريع على عضو جديد زيي
ردي على استاذ حسام:انا دايما بنقل على 3000 RPM و الحرارة قبل النص بشرطة صغيرة
وده حصل مرة واحدة او مرتين. المهم هجرب لحضرتك باقي الاسئلة و هرد عليك ان شاء الله

[Mo3taz Selim]

عفواً,عفواً,عفواً.............
بأعتذر للأستاذ معتز ... بس هو يمكن علشان انا واخد انى برد على طول على م/حسام
وبالمناسبه انا اعرفك من ايام كونتاكت وكان ليك انت وم/حسام كان ليكم دور كبير فى انى اشترى الألنترا

معذره مره اخرى

يا باشا و لا أعتذار و لا أى شى إحنا كلنا إخوه :D :D

و المهندس حسام بالنسبه لى أكثر من اخ فالعمليه واحد يعنى يا باشا

و ده شرف لى إن سيادتك لسه فاكرنى من أيام كونتاكت

[amoghazy2]

أنا اللى الحقيقة ... مستغربة ... موضوع أن السحب بيضعف مع التكييف ... دى بجد أول مرة أسمع الشكوى دى من حد معاه الألنترا ال 2007 ... يعنى لم يسبق أن اشتكى أحد من فرق فى السحب مع تشغيل التكييف ... وبالتالي هل سيادتك جربت كذا مرة ولا ده حصل مرة واحدة عرضية ... طيب سيادتك أنا فهمت أن معاك المانيوال ... فهل سيادتك واخد بالك أن النقل فى غير التوقيت المناسب ... ممكن يخلي السحب يفرق ... قياريت تقولنا الغيار على التاني ... سيادتك بتنقل على سرعة كام ...ال RPM عندك بيقرا كام على السلانسية والتكيييف مطفئ ... وبيقرا كام عند تشغيل التكييف مع العلم أن يجب أن العربية تكون فى ظروف التشغيل العادية يعنى درجة حرارة الموتور تكون فى معدلها السليم ( مؤشر الحرارة قبل المنتصف بشرطة بسيطة أو فى المنتصف) ... ونفس الشئ عند أى سرعة ولتكن 80 كم / ساعة ال RPM بيقرا كام والتكييف مطفى وبيبقى كام والتكييف شغال ...

الحقيقة الأسئلة دى مهمة علشان نعرف نتجاوب معك فى الرد ... وعلى كل الأحوال ... زى ما أستاذ معتز أشار الموتور متصل ... بوحدة كمبيوتر مركزية فى العربية ... وبيتظبط فى التوكيل ... بمنتهى السهولة ... وده إن شاء الله تعملة فى صيانة ال 5000 ...

فى أنتظار أجوبتك ... وللجميع تحياتي ...

م / حسام منير

1. انا بنقل عند 2-2.5 RPM في الاولاني و 3 في التاني و 3.5-4 في التالت و 3.5 في الرابع.
2.RPM في السلانسية فوق النص بشرطة و التكييف شغال و نفس القرايه و التكييف مش شغال
3. RPM عند سرعة 70 و الغيار ع الرابع 2500 و التكييف شغال و نفس القراية و التكييف مش شغال.

[Salah_sr]

شكوي غريبة بالنسبة للتكييف أنا مشيت في مصر 6500 كيلو في شهرين و لم أشعر بالموضوع ده أعتقد إنك محتاج ضبط علي الكمبيوتر و ده ممكن عملة في كارتك العبور لو كان قريب منك و تترحم من أبو رواش

[Hossam Mounir]

سيدى الفاضل ... amoghazy2

انا بنقل عند 2-2.5 RPM في الاولاني و 3 في التاني و 3.5-4 في التالت و 3.5 في الرابع.

بالنسبة للنقلات كما جاء بمشاركتك ...ودى وجهة نظري ... أنا شايف أن النقلات عندك متأخرة شوية ما عدا الرابع ... وأن كان أستاذ معتز ... ممكن يفيدنا فى الموضوع ده أكثر علشان معاه المانيوال ...

2.RPM في السلانسية فوق النص بشرطة و التكييف شغال و نفس القرايه و التكييف مش شغال

سيادتك انا بتكلم عن مؤشر الحرارة ... مش ال RPM ... يا أما أنا مش فاهم رد سيادتك ... وبعدين سيادتك بتقول ... ونفس القراية والتكييف مش شغال ... طيب يبقى فين المشكلة ... يعنى ال RPM .. سرعة دوران المحرك ثابته ... يبقى التكيف لايؤثر على الموتور ...

3. RPM عند سرعة 70 و الغيار ع الرابع 2500 و التكييف شغال و نفس القراية و التكييف مش شغال.

هايل العربية وهيا على سرعة 70 كم / ساعة ... الRPM 2.5 ... طيب وبردة نفس القراية والتكييف مش شغال ... طيب برضة أزاى العربية سحبها بيختلف ... وال RPM ... ثابت فى الحالتين ...

اعتقد أن السحب لو اختلف قراية ال RPM ... هتختلف ... يعنى أشرحهالك ببساطة ... السحب له علاقة طردية مع RPM ... فكلما زودنا السرعة ال RPM ... المفروض بيزيد ... بدون الدخول فى تفاصيل المعادلات الرياضية ... لأن له علاقة أيضاَ بنسبة الترس اللى عليه النقلة ... ما علينا ... لو الموتور Loaded ... بحاجة زى التكييف ... هتلاقى على سرعة 70 كم / ساعة ال RPM ... بدل ما بيقرا 2.5 ... هتلاقيه بيقرا 2.7 مثلاً ... فتشعر أن السحب ضعيف ... وهو ما نفيته سيادتك ... بأن القرايات ثابته ... مع التكييف وبدونه ... وما أكدته لسيادتك بتجربتي للعربية ... وما اكده جميع ملاك العربية ... ومستخدميها ... يبقى المشكلة فين ؟؟؟... أنا أعتقد والله أعلم ... أنها فى دواسة البنزين نفسها ... ممكن تكون فى حاجة معلقه فيها تشعرك ... أن السحب أحياناً بيبقى ضعيف ... وممكن أيضاً تغيير وضعية القيادة ... بيعطيك احساس احياناً ... بأن السحب ضعيف ... وده حصل معايا انا شخصياً ... أو كما قال معتز من البداية أن الموتور محتاج يوضع على جهاز الضبط فى مركز الصيانة ... ويتم الكشف عليه والتأكد من نسب الأنضغاط ... وتظبيطه ...

أتمنى اني أكون عرفت أشرح الموضوع كويس ...

شكوي غريبة بالنسبة للتكييف أنا مشيت في مصر 6500 كيلو في شهرين و لم أشعر بالموضوع ده أعتقد إنك محتاج ضبط علي الكمبيوتر و ده ممكن عملة في كارتك العبور لو كان قريب منك و تترحم من أبو رواش

أستاذ صلاح حمداً لله على سلامة وصولك ... وخليك كدة دايماً متابعنا ... ومستنينك إن شاء الله الأجازة اللى جاية ...

تحياتى للجميع ...

م / حسام منير

[amoghazy2]

سيدى الفاضل ... amoghazy2

... أنا أعتقد والله أعلم ... أنها فى دواسة البنزين نفسها ... ممكن تكون فى حاجة معلقه فيها تشعرك ... أن السحب أحياناً بيبقى ضعيف ... وممكن أيضاً تغيير وضعية القيادة ... بيعطيك احساس احياناً ... بأن السحب ضعيف ... وده حصل معايا انا شخصياً ... أو كما قال معتز من البداية أن الموتور محتاج يوضع على جهاز الضبط فى مركز الصيانة ... ويتم الكشف عليه والتأكد من نسب الأنضغاط ... وتظبيطه ...

أشكرك جدا ياأستاذ حسام انا غيرت وضعية القياده و فعلا فيه فرق كبير حصل، شكرا جدا.
بالنسبة للحراره هي دايما قبل النص بشرطة مابتعلاش عن كده.

سؤال اخير: انا نويت اروح اعمل صيانة ال 5000 في كارتك هل هي نفس تكلفة الصيانة في غبور؟؟؟ وهل هيعملو موضوع وحدة رفع الزجاج دي تبع الضمان والا ايه؟؟؟؟!


أحمد المغازي
IT Project Manager

[Hossam Mounir]

بص يا أستاذ ... أحمد ... الحمد لله أن العربية بدأت تظبط معاك ...

ثانياً ... وده رأي شخصي ... غير ملزم لأحد ... يعبر فقط عن أنطباعي الشخصي ....

أن كارتك ... شاطرين ومعاملتهم نضيفة حسب ما جاء بمشاركة الأعضاء اللى راحوا هناك ... واللى معظمهم شكر فيهم ... يعنى المكان نضيف الأستقبال جيد ... وأعمال الصيانة بتتعمل بكفائه ... ما فيش اللطعة بتاعة المراكز الغبورية الرئيسيه ... ولكن عندما يتعلق الأمر بمشكلة فى العربية ... أنا أفضل الذهاب إلى أبو رواش ... أه زحمة ... ومملين فى الشغل ... وعندهم برود أعصاب ... بس شاطريين قوى فى العربيات بتاعتهم فاهميين العربيات قوى قوى ... وعندهم حلول لكل المشاكل ...

الخلاصة :
- لو رايح تعمل صيانة ثابته فقط (5,000 أو 10,000 أو ...) يعنى العربية ما فيهاش مشاكل ... تروح كارتك ...
- لو العربية فيها مشكلة محدده ... وانت نحتاج رأى فيها ويكون رأى صح ... أحجز فى أبورواش وروح أعمل الصيانة هناك ... وإن شاء الله مشكلتك هتتحل ...

ده اللى انا ناوى أطبقه إن شاء الله ... مع عربيتى ...
على فكرة المفروض ... أن الأسعار فى كارتك ... نفس الأسعار اللى فى مراكز غبور الرئيسية ...

تحياتى للجميع ...

م / حسام منير

[Mo3taz Selim]

على فكرة المفروض ... أن الأسعار فى كارتك ... نفس الأسعار اللى فى مراكز غبور الرئيسية ...

فعلا يا باشمهندس حسام كلامك مظبوط .... الأسعار كلها موحده عند كل مراكز هيونداى سواء المراكز الرئيسيه مثل أبو رواش و قليوب أو المراكز المعتمده مثل كارتك و غيره

على فكره أنا لسه راجع حالا من كارتك و جدول الأسعار المعلق عندهم هو بالظبط نفس الجدول الموجود فى أبو رواش