مهم - الانترا -

[nado]

رد

يا جماعة انا لسة جايبة النترا من شهرين كنت حاجزها من 6 شهور على انها كاملة من غبوربس كل شهر اكلمهم يقولوا لسة و فى الاخر قالولى انهم كانوا بينزلوا الكامل بس اتوقف انتاجه و بقى اعلى حاجة فتحت سقف و تكييف تتش بس

[Dr.Mohamed]

ايوة فعلا يا نادو
انا ماعدتش عارف اختار اجيب الانترا ولا لانسر سوبر اكشن ولا كورلا ولا سيفيك ؟ تهت خلاص

[shalaby2001]

corola , civic , elantra
such cars is very hard to choose between
i appreciate your confusion

[Ahmed Hassan]

)باور الزيت: و ده كان من بدايات الاكتشافات و ده كان برده جيد.... حيث أن الجهد المبذول من جانب حضرتك قل كثيرا عشان فى مكنه بتساعد فى لف الدركسيون.....
مشكلته أنه على طول خفيف .... يعنى فى الركنه زى الفل بس على السرعات خفيف قوى

على فكره... الباور الهيدروليك بيتقل مع السرعه برضو.

[Ahmed Sharaf]

باشا اولا الألنترا مش بتعوووووووووووم خااااااااااااااااااااااااااااالص

و عن تجربة ال I30 ( الى هية تقريبا الانترا هاتشباك مع اختلافات بسيطة ) الثبااااااات ممتاااااااااااااااااااز جدا جدا جدا و ثباتها بصراحة احسن من الميجان ( بشهادتى انا و شهادة الوالد ) و بصراحة العربية غريبة فى الثبات على السرعات ما شاء الله

و سيبك من حكاية الباور دة دة اى كلام يعنى الباور الكهرباء دة موجود فى عربيات كتيييييييييييير اوى اوى و اسعارهم غالية جدا و مفيش اى مشاكل منة طبعا و كل دة كلام فتى الى يقولك الباور مش بيفصل و العربية بتعوم


حقولك على حاجة علشان تريح نفسك 100 % روح اجر العربية يومين كدة و شوف اية اخبارها فى الثبات علشان يمكن متصدقنيش

و ياريت تقولى كان معاك عربية اية قبل كدة ؟ يعنى اكيد لو معاك Bmw الأحساس حيختلف و لكن بالمقارنة بالحاجات الى فى سعرها الألنترا ثابتة جدا

[YaSSerwIN]

انا بردك سألت واحد فى سمير ريان قالى ان الباور الى فى الالنترا مش بيفصل بعد 100 اما فى الالنترا الى فيها تكيف بكر مش تاتش دة الباور بيفصل فيه ...

[ahmedfd]

انا بردك سألت واحد فى سمير ريان قالى ان الباور الى فى الالنترا مش بيفصل بعد 100 اما فى الالنترا الى فيها تكيف بكر مش تاتش دة الباور بيفصل فيه ...

بعد إذنك كلام الراجل بتاع سمير ريان ده طبعاً مش مظبوط خالص.. و على فكرة الباور مفيش حاجة إسمها بيفصل.. دة موتور كهربا التحكم فيه رقمي يعني بتتغير حساسية و قوة دعم الموتور الكهرباء إلكترونياً بصورة مستمرة realtime مع السرعة يعنى الدريكسيون علطول بيلف معاه الموتور الكهرباء بس بقوة مختلفة حسب كل سرعة بالإضافة لحالة الطريق ..
و فيه طبعاً كذا سنسور بيتحكموا في الكلام ده منهم سنسور لزاوية الدركسيون steering angle sensor و سنسور لعزم الدوران torque sensor و غيرهم كتير.

[shalaby2001]

بعد إذنك كلام الراجل بتاع سمير ريان ده طبعاً مش مظبوط خالص.. و على فكرة الباور مفيش حاجة إسمها بيفصل.. دة موتور كهربا التحكم فيه رقمي يعني بتتغير حساسية و قوة دعم الموتور الكهرباء إلكترونياً بصورة مستمرة realtime مع السرعة يعنى الدريكسيون علطول بيلف معاه الموتور الكهرباء بس بقوة مختلفة حسب كل سرعة بالإضافة لحالة الطريق ..
و فيه طبعاً كذا سنسور بيتحكموا في الكلام ده منهم سنسور لزاوية الدركسيون steering angle sensor و سنسور لعزم الدوران torque sensor و غيرهم كتير.

+111111111111111111111111111111111

[elgzar2010]

معلش ياجماعي انا عندي افانتى او الينترا زى متسموها موديل 2001 يا ترى بخصوص الموضوع دة
يا ترى الباور اللى عندى زيت ولا كهرباء
وشكرا علي المساعدة

[Shikaz]

corola , civic , elantra
such cars is very hard to choose between
i appreciate your confusion

انا متحير كنت نفس الحاجه بس وصلت لقرار و هو:
معاك تمن هوندا اعلى فئه طبعا هاتها بدل إلإلنترا , مش معاك ما تركبش هوندا بكماليات ناقصه لإن مش هيبقى فيه متعه و إركب إلنترا اعلى فئه خليجى

ده رأيي و ذوقى و كل واحد حر بس قولت اقوله نساعد بعض و نفكر مع بعض :)

[Dr.Mohamed]

طب بعد نزول السيراتو الجديده يا جماعه
بجد هل السيراتو تكسب واحسن من لانترا ؟

[beshoyemad]

انا معايا النترا خليجي 2009 لسة كنت ماشي علي طريق الكريمات امبارح انا كنت ماشي 220 و العربية ولا الهوا ولا الصوت بيعلي ولا بتتنطط زي اللانسر و الباور بيتقل علي السرعات العاليثة دة عن تجربة بجد العربية مفهاش عيب

[Dr.Mohamed]

منا عارف يا باشا بس انت شايف الاحسن هى ولا السيراتو زى ما كل الناس بتقول ؟

[beshoyemad]

النترا طبعا

[Shikaz]

منا عارف يا باشا بس انت شايف الاحسن هى ولا السيراتو زى ما كل الناس بتقول ؟

انا شايف السيراتو سعرها مبالغ فيه و بيعها اتقل هيبقى إلا لو الوضع إتغير
و انا نش شايف إنه هيتغير لإن لنا الإلنترا الجديده هتنزل السنه الجايه هتقلب الموازين تانى