انا بقيت فيرناوي

[halawa10001]

هذا هو اول يوم لي مع الجميلة فيرنا حيث انني لسة مشتري عربية فيرنا 1600 النهاردة ولو اني مش غريب على هيونداي لاني قبلها كان عندي اكسنت 1300 من غبور ربضه بس اول فصل من فصول غبور البايخة هي البطارية
تخيلوا ان اول يوم تجيب فيه عربية جديدة ومن التوكيل بتاعها تطلع بطاريها بايظة وتفضل تعمل لها توصيلة في المعرض علشان تشحن وتزق العربية
طبعا منظر غريب ولكن في الاخر غيروا البطارية وجابو لي بطارية بيقولوا انها ماركة هيونداي بس دي مش جافة (تم مليها بالحامض امامي)
وقالوا لي عقبال ما تروح بالعربية تكون البطارية شحنت وبما ناي من سكان مدينة الشيخ زايد
البطارية طبعا ملحقتش شحنت
وللاسف حصل اللي كنت عامل حسابه ومع طلوع العربية اول لاحد المطبات الصناعية العربية بطلت وحاولت تدويرها دون جدوى وفي الاخر طلبت من 2 شباب كانوا ماشيين في الشارع يزققوا العربية معايا وتخيلوا المنظر لعربية زيرو وتتزق في الشارع
ودارت العربية وركنتها عند البيت للصبح يمكن تكون شحنت نفسها
وبغض النظرعن الموضوع ده احب اقول لكل واحد ناوي يشتري عربية تقفيل مصري من غبور يبقى يخلي باله كويس من دهان السيارة لان الدهان كان فيه عيوب وانا قولت لمندوب المبيعات عليها وقال لي دي ممكن نعالجها بكرة في قسم الهياكل لان الساعة كانت وصلت 7 مساء وكان قسم الهياكل مشي

[dr.amr]

الف مبروووووووووووووك
موضوع البطاريه ده بيتهيقلي عادي من التخزين الطويل
بس هي البطاريه مش هتشحن لوحدها لازم تسيبب العربيه دايره شويه

[midoonesaid]

الف مبروك وربنا يكفيك شرها

[AHMEDCAR]

الف مبروك ربنا بعطيك خيرها وتامن شرها و تستخدمها فى الخير دايما

[ahmednabeel]

ياباشا welcome

والف مبروك ربنا يديك خيرها ويكفيك شرها

انت احسنت الاختيار والحمد لله انها جت على قد كده
في غيرك بتيجي في حاجات اكتر من كده

ربنا يبارك لك فيها ياباشا
__________________________________________________ _________________
ادخل واتفرج :

http://www.nilemotors.net/Nile/showthread.php?t=52410

[analyzer]

مبرووووووووووووك

[M.Osman]

الف الف مبروووك اخي العزيز ... ربنا يبارك لك فيها و يكفيك شرها :)

[sasatony]

الف مبروك ياباشا انك بقيت فيرناوي
اما بخصوص البطارية فالحمدلله انها جت علي قد كده

[mohamed_mohsen]

الف مبروك علي الفيرنا
و الحمد لله انها جت علي قد كده

[arch_peter]

الموضوع ده حصل معايا بس بعد ماسبتها حوالى تلات اسابيع فى ورشة الهياكل
ولما استلمتها حصلت مشكلة البطارية بالضبط
بس استلمت واحدة جديدة بدالها بعد طلوع الروح طبعا

[rrrrreee]

يا اخى لية استلمت السيارة وبها عيب فى البطارية او اى شيئ تانى

والله شيئ غريب انت دافع فلوس وبتشترى سيارة زيرو
يعنى تفحص السيارة كاملا قبل الاستلام
وان كان شيئ تالف تطلب ان يستبدلوة

بدل متأخذ السيارة وتقف بها فى الشارع كأنك اشتريت مستعمل عطلالالالالالالالالالالالالالالالان

[rrrrreee]

يا اخى لية استلمت السيارة وبها عيب فى البطارية او اى شيئ تانى

والله شيئ غريب انت دافع فلوس وبتشترى سيارة زيرو
يعنى تفحص السيارة كاملا قبل الاستلام
وان كان شيئ تالف تطلب ان يستبدلوة

بدل متأخذ السيارة وتقف بها فى الشارع كأنك اشتريت مستعمل عطلالالالالالالالالالالالالالالالان

[mecho_392]

الف مبروك يا باشا و ربنا يكفيك شرها.
بس فعلا انت دافع فلوس فى عربية زيرو المفروض تفحصها تمام.. انا عن نفسى و انا بشترى ال i10 لقيت خدش رفيع جدا فى الاكصدام الامامى و مكنش باين اوى لان العربية رمادى و طبعا كل الناس و العمال اللى جايين يغسلوا يقولولى معلش اهى خدت العين و اللى يقولى انا هاداويهالك---> قلتله هو انا هجيب عربية زيرو علشان انت تداويهالى و تعملهالى.. قلت مش عايزها بعد ما كنت اتفقت مع الراجل و هخلص روحت اعتذرتله و نزلت يومها بالليل جبت واحده غيرها زى الفل من معرض تانى.

[halawa10001]

المشكلة يا استاذ ميشو اني استلمت العربية من فرع غبور في ابو رواش يعني الفرع الرئيسي بس الوقت كان متاخر يعني حوالي الساعة 8 بالليل والناس طبعا عايزة تروح ومش فارق معاها حاجة وغير كدة الناس دي مش بتكلف نفسها تغسل العربية للزبون كويس وده بيخليك مش بتشوف العيوب البسيطة في البوية الا بعد ما تاخد العربية وتحميها وتفليها كمان وهو ده اللي حصل معايا

[mecho_392]

المشكلة يا استاذ ميشو اني استلمت العربية من فرع غبور في ابو رواش يعني الفرع الرئيسي بس الوقت كان متاخر يعني حوالي الساعة 8 بالليل والناس طبعا عايزة تروح ومش فارق معاها حاجة وغير كدة الناس دي مش بتكلف نفسها تغسل العربية للزبون كويس وده بيخليك مش بتشوف العيوب البسيطة في البوية الا بعد ما تاخد العربية وتحميها وتفليها كمان وهو ده اللي حصل معايا

اه انت استلمت بالليل و كمان مغسلوهاش كويس بجد عالم معندهاش دم. انا كمان استلمت عربيتى بالليل بس من معرض و كانت فى حته مش منوره اوى بس كنت واخد بالى اوى من كل كبيره و صغيره علشان انا عارف شغل النصب خصوصا ان المعرض نفسه كان جايبها من موزع معتمد.. ولا يهمك يا باشا استمتع بعربيتك و الف مبروك