$$$$ رابطة الالنتراويه $$$$

[dr.amr]

السلام عليكم يا جماعه
احنا عاوزين نعمل رابطه لمالكي الالنترا بحيث اي حد عاوز اي استفسار خاص بالعربيه او مشاكلها او عيوبها نحاول نساعده

[kliken]

كلام جميل طبعا يا باشا

[midnightman_74]

السلام عليكم يا جماعه
احنا عاوزين نعمل رابطه لمالكي الالنترا بحيث اي حد عاوز اي استفسار خاص بالعربيه او مشاكلها او عيوبها نحاول نساعده

فكرة ممتازة

[tefeamer]

كلام جميل
وبداية استفتاحية انا عندى استفسار انا عندى النترا مانيوال 2008 استلام 12/2008 وهى عاملة 1600 ك عندى مشكلة ان المارشدين بيصد ولازم ارفع رجلى من الدبرياج وادوس مرة اخرى حتى يتم الغيار وعند صيانة ال 1000 المهندس قال مافيهوش حاجة ودخل الغيار جامد شوية قلتله ما الغيار الاول والثانى وباقى الغيارات بتم بسهولة اشمعنى المارشدين قال ده طبيعى ومفهوش حاجة ، المهم اخذت العربية ولازالت المشكلة موجوده وده طبعاً ساعات الواحد فى بعض المواقف بيبقى عايز يرجع لاى سبب بسرعة مش تحاول تحاول وبعدين تشيل رجلك وترجع تدوس بيبقى الموقف رخم ولو عربية مستنياك ترجع بيفتكر انى مش عارف اسوق .
اسف على التطويل السؤال لو حد عنده المانيوال ده طبيعى والا ايه علشان انا ناوى فى صيانة ال 5000 اكلمهم بشدة شوية برجاء مساعدتى فى الرد . مع الشكر

[dr.amr]

نورتنا يا باشا
اولا هو طبيعي ان المارشدين بيكون اتقل من الغيارات العاديه
بس مش تقيل قوي
انا برضه ساعات بيصد معايا بس كل فين وفين
بس لو صد معاك حاول ماتتعافاش عليه
بس حاول حضرتك ماتاخدوش بسرعه او جامد وجرب تاني وقولنا النتيجه

[akrameladl]

السلام عليكم يا جماعه
احنا عاوزين نعمل رابطه لمالكي الالنترا بحيث اي حد عاوز اي استفسار خاص بالعربيه او مشاكلها او عيوبها نحاول نساعده

100 100 فكرة فى الجون

[red_elantra]

انا فى معاكووووووووووووووووووووووووووووو

[sameh.acc]

نفس المشكلة لحد مالقيت الحل النهائى ليها D: المارشدير فى العربية دية لازم يجى على مرحلتين بمعنى ان وعصاية الفتيس فى مكانها بدون ماتحركها خالص ( فى وضع المور) ترفع السستة للاخر بعدين تجيب الغيار مع ملاحظه عدم رفع السستة بعد تحريك عصاية الفتيس حتى ولو سم واحد لانها مش هتعشق صح وهتسمع صوت التروس .... الواحد لازم يظبط سرعة ايدة كمان علشان المارشدير دايما عايز صبر شوية يعنى يفضل العربية سرعتها تهدى او تقف تماما بعدين تجيب المارشدير دة حل المشكلة اللى مشيت عليه والحمدلله كلو تمام وياريت تقبلونى معاكم اخ وعضو فى رابطة الالنتراوية

[dr.amr]

نفس المشكلة لحد مالقيت الحل النهائى ليها D: المارشدير فى العربية دية لازم يجى على مرحلتين بمعنى ان وعصاية الفتيس فى مكانها بدون ماتحركها خالص ( فى وضع المور) ترفع السستة للاخر بعدين تجيب الغيار مع ملاحظه عدم رفع السستة بعد تحريك عصاية الفتيس حتى ولو سم واحد لانها مش هتعشق صح وهتسمع صوت التروس .... الواحد لازم يظبط سرعة ايدة كمان علشان المارشدير دايما عايز صبر شوية يعنى يفضل العربية سرعتها تهدى او تقف تماما بعدين تجيب المارشدير دة حل المشكلة اللى مشيت عليه والحمدلله كلو تمام وياريت تقبلونى معاكم اخ وعضو فى رابطة الالنتراوية

ماهو ده نفس الكلام اللي بقوله للاستاذ اللي سال
انه ياخد المرشدين براحه وهو شويه وهيتعود عليه
طبعا يا باشا اهلا بيك
بس هي لسه تحت الانشاء ان شاء الله يكمل

[tefeamer]

استاذ dr.amr ، استاذ sameh
اشكركم على ارائكم بس انا فعلا زى ما الاستاذ سامح قال برفع السوسته للأخر وبعدين بجيب الغيار لكن بلاقيه يصد المشكلة انها مش نادرة لكنها بتتكرر بنسبة مش اقل من 50 % من استعمال المارشدين .
عموما انا هجرب تانى وان شاء الله تتكون رابطة الالنتراوية وانا معاكم

[mohbasyouni]

ممكن تكون الدواسة سميكة شوية المارشدير لازم تدوس دبرياج للاخر و تكون العربية متوقفة تماما علشان تتاكد شيل الدواسة خالص و جرب

[HamadaMOMO]

السلام عليكم يا جماعه
احنا عاوزين نعمل رابطه لمالكي الالنترا بحيث اي حد عاوز اي استفسار خاص بالعربيه او مشاكلها او عيوبها نحاول نساعده

معاكووو يا جماعة........................

[tefeamer]

استاذ mohbasyouni
اشكرك على الرد وانا هجرب فكرتك وياريت يكون هو السبب واهلا برابطة الالنتراوية

[amr22_00]

فعلا يا جماعة انا الموضوع ده حصلي مرتين او تلاته من ساعة ما جبتها بس لاني بتسرع شويه لكن لما بعمله بهدوء و ارفع السوسته كويس بيبقى تمام
طبعا ان معاكو ان شاء الله انا معايا النترا 2009 مانيوال فيراني
ويا رب الرابطة تكبر قوي ان شاء الله

[top_10group]

فكرة كويسة موضوع الرابطة دى ( الفيرناوية والاكسلوية مش احسن مننا )
انا معايا النترا 2009 مانوال غبور عاملة 500 كيلو وعندى بردو مشكلة المارشدير دى بس مش كتير احيانا ممكن اسمع صوت التروس بس دلوقتى بدوس دبرياج مرتين قبل المارشدير انا حاسس ان الموضوع كدة اتظبط بنسبة كبيرة . فى ناس بتقول بتبقى كدة فى الاول وبعد كدة هتتظبط. يا ريت الافادة فى الموضوع ده من كل اللى مجربين العربية دى ’ بصراحة العربية جميلة فى كل حاجة