عايز اشتري الانتر...ثبات الانترا إيه اخباروه؟؟؟؟؟

[MimoWissa]

أنا عايز اشتري الانتر٢٠٠٩ يا جماعة بس كنت عايز أعرف عنها كم حاجة


عايز أعرف من الناس العندها الانتر أو ساقوا الانتر قبل كدة ... العربية ثابتة ولا لأ ؟؟؟ ... الفرامل كويسة ولا لأ ؟؟؟؟

[KHALED AYMAN]

أنا عايز اشتري الانتر٢٠٠٩ يا جماعة بس كنت عايز أعرف عنها كم حاجة


عايز أعرف من الناس العندها الانتر أو ساقوا الانتر قبل كدة ... العربية ثابتة ولا لأ ؟؟؟ ... الفرامل كويسة ولا لأ ؟؟؟؟

و انا كمان عايز ابيع عربيتى و بفكر فى عربيات كتيييير من ضمنها الالنترا بس عايز اعرف حاجه :
انا معايا استرا 2006 هل ثبات الالنترا زيها ولا اضعف ؟؟
اسعارها ايه و ايه الموديل الى فيه ABS؟؟
و ايه عيوب العربيه و هل فعلا التوكيل سىء ؟؟
انا بعتذر لصاحب الموضوع بس انا قلت ملوش لزوم اعمل موضوع لوحدى طالما الهدف بتاعنا واحد

[top_10group]

ثبات الانترا فوق الممتاز واعلى كتير من فئات اعلى منها وبالنسبة للفرامل حلوة قوى وحساسة جدا لدرجة انك ممكن تخبط فى الازاز لو مختش بالك.
اما بالنسبة لل abs مفيش غير فى فئة فى الخليجى فقط اما التوكيل مفيش.ودة عن تجربتى الشخصية

[MimoWissa]

و انا كمان عايز ابيع عربيتى و بفكر فى عربيات كتيييير من ضمنها الالنترا بس عايز اعرف حاجه :
انا معايا استرا 2006 هل ثبات الالنترا زيها ولا اضعف ؟؟
اسعارها ايه و ايه الموديل الى فيه ABS؟؟
و ايه عيوب العربيه و هل فعلا التوكيل سىء ؟؟
انا بعتذر لصاحب الموضوع بس انا قلت ملوش لزوم اعمل موضوع لوحدى طالما الهدف بتاعنا واحد

يا باشا الموضوع موضوعك و أي حد عايز يشترك فيه بنرحب بيه :)

[abo samra]

ثبات الانترا فوق الممتاز واعلى كتير من فئات اعلى منها

زى ايه كدا يعنى

[masterzmind]

ثبات الانترا وحشششششششششششششش اوى والله اخر مرة صحابى اتقلبو بيها فى اكتوبر الحى العاشر وهما بيخدو ملف التخبطو من ورة العربية اتقلبت ثبااااااااااااااات زى الزفت فرامل ممتازة وفوق الممتازة كمان سرعة مش عاوز اقولك طيارة تجميع رهيب بتعدى من الابترا سهل اوى على التالت

[Abdo_Eldesokey]

أنا سقتها جوا البلد بس فبالتالي مقدرش أحكم على الثبات

لكن الفرامل جامدة وبتسعف

[أشرف فتحى]

الالنترا عن تجربه سفر العين السخنه رايح جى بالنهار وبالليل وجوه البلد
تحفففففففففففففففففففففففففففففففففففففففه
من كل النواحى ويا سلام لو اتومتك مش هاتحس غير انك فى كابينه طياره
عشان اوضحلك الصوره انا سرحت شويه فى الكلام لاقيتنى عديت ال 160 كم /ساعه ولا حسيت بصوت ولا سرعه ولا الهوا
توكل على الله

[congestal]

انا كان معايا اوبل فيكترا 95
و دلوقتي معايا النترا 2009 اوتوماتيك
اولا رفاهية فوق الوصف
ثبات كويس جدا جدا بس مش ها نقارنها طبعا ب الالماني يعني نقدر نقول مثلا الفيكترا غول علي الطريق عربية متينة مجرد ما تعدي ال 100 تلاقي صوت الموتور اتغير زي التربو
و صاج 10 علي 10 بس ادفع بقي في الاكسسوار
اما الالنترا عربية جميلة جميلة جدا وواسعة جدا و بالنسبة للثبات كويس فوق الممتاز

[Sala7.Bravo]

ممنوع الكتابه بطريقه الفرانكو اراب
يرجي مراجعه قوانين المنتدي
مشرف قسم هيونداي