أحسن فرع لعمل سمكرة بالفيرنا (قليوب ولا أبو رواش)؟

[a.fouad]

السلام عليكم،

ممكن حد ينصحني (من واقع تجربة عملية) بأحسن مكان أعمل فيه شغل سمكرة لعربية فيرنا - قليوب ولا أبو رواش ولا فين؟
انا العربية عندي فيها اكصدام أمامي ورفرف يمين وفانوس أمامي يمين هيتغيروا ان شاء الله، والاكصدام الخلفي هيتغير او هيتسمكر، على حسب ما هيحددوا.

ممكن ياريت نصيحتكم عشان زي ما انتو عارفين الواحد ميقدرش يستغنى عن العربية فعايز مكان كويس ويخلص العربية بأسرع وقت ممكن.
أخوكم/ أحمد فؤاد

[Ahmed Anwer]

و لا ده و لا ده

الاتنين عليهم ضغط جامد و هيأخرولك العربية وقت فظيع

اعملها بره احسن عند حد نظيف و اقف علي ايده بنفسك

و الله اعلم

[sasatony]

انا عملت سمكرة عربيتي وغيرتلها كبوت وفانوس امامي شمال في مركز البرقان هو مركز خدمة معتمد المركز ده في شارع العريش في الهرم جنبي لو حبيت تروح عنده قولي وانا اساعدك لو حابب يعني

[a.fouad]

و لا ده و لا ده

الاتنين عليهم ضغط جامد و هيأخرولك العربية وقت فظيع

اعملها بره احسن عند حد نظيف و اقف علي ايده بنفسك

و الله اعلم

شكرا يا أحمد باشا، كالعادة دايما، انت بجد انسان عاشق للمساعدة.

هو انا هعملها مع التأمين (بيت التأمين المصري السعودي) , فلو انت تعرف مكان كويس ياريت تنصحني بيه.

العربية زي ما بقولك عيتغيرلها رفرف يمين واكصدام امامي وفانوس امامي، أنا رحت قليوب وسألتهم تاخد اد ايه قالولي 3 أسابيع شغل و اسبوع انتظار.

أخوك/ أحمد فؤاد

[a.fouad]

انا عملت سمكرة عربيتي وغيرتلها كبوت وفانوس امامي شمال في مركز البرقان هو مركز خدمة معتمد المركز ده في شارع العريش في الهرم جنبي لو حبيت تروح عنده قولي وانا اساعدك لو حابب يعني

ربنا يخليك ياباشا، وألف شكر ليك على المساعدة، ان شاء الله هكلمك لو هروح هناك، معندكش فكرة ممكن تاخد وقت اد ايه؟ تقريبا يعني؟ وبعدين هو المراكز المعتمدة دي أكيد بيستخدموا قطع غيار اصلية؟ وهل اسعار المصنعيات عندهم نفس اسعار التوكيل؟

والف شكر ليك.

أخوك/ أحمد فؤاد

[sasatony]

ربنا يخليك ياباشا، وألف شكر ليك على المساعدة، ان شاء الله هكلمك لو هروح هناك، معندكش فكرة ممكن تاخد وقت اد ايه؟ تقريبا يعني؟ وبعدين هو المراكز المعتمدة دي أكيد بيستخدموا قطع غيار اصلية؟ وهل اسعار المصنعيات عندهم نفس اسعار التوكيل؟

والف شكر ليك.

أخوك/ أحمد فؤاد

انا عربيتي يااحمد غيرتلها كبوت وفانوس امامي شمال ورشيت الاكصدام وسمكرةالباب اليمين الخلفي ووكان فيه خبطة في العتب الكلام ده كله خد اسبوعين بس كان علشان عندهم ضغط شغل والمركز ده مش بيكروت حاجة يعني شغلهم محترم جدا والناس هناك محترمين وبالنسبة للمصنعيات طبعا انت علشان تبع شركة تأمين فهما بيتحاسبو مع بعض او انت بتدفع لمركز الصيانة وبعد كده بتحاسب التأمين (ده في حالة لو التامين مش بيتعامل مع المركز ده يعني) واسعار قطع الغيار هي هي اسعار التوكيل ياباشا (قطع الغيار اصلية طبعا)
واي حاجة انا في الخدمة وده رقم تلفوني
0115760002 اخوك مصطفي توني

[AHMEDCAR]

بصراحه الاتنين شغلهم كويس جدا جدا لكن بيتاخروا جدا على ما يسلموك العربيه فى حدود شهر او شهر و نصف

[Merit]

أنا رايي الشخصي ودا الي أنا عملتو في عربيتي هو إني صلحتها بره التوكيل عند اللي أنا بثق فيه وعملت معاينة ما قبل الإصلاح ودفعت للورشة وبعدين عملت معاينة ما بعد الإصلاح وبعد كده استرديت فلوسي من التأمين مخصوم منها 10 % ض.إستهلاك وحقيقي لم أندم إني عملت كده بالعكس عملت العربية زي الفل ومستحيل كنت هاستلمها كدة من التوكيل الي شفت شغله البشع

[a.fouad]

أنا رايي الشخصي ودا الي أنا عملتو في عربيتي هو إني صلحتها بره التوكيل عند اللي أنا بثق فيه وعملت معاينة ما قبل الإصلاح ودفعت للورشة وبعدين عملت معاينة ما بعد الإصلاح وبعد كده استرديت فلوسي من التأمين مخصوم منها 10 % ض.إستهلاك وحقيقي لم أندم إني عملت كده بالعكس عملت العربية زي الفل ومستحيل كنت هاستلمها كدة من التوكيل الي شفت شغله البشع

شكرا يا باشا على الرد، بس ياريت لو تفيدنا وتقولنا انت عملتها عند مين ومين اللي انت بتثق فيه؟ وربنا يكرمك

أخوكم/ أحمد فؤاد