عيوب الهيونداى i10

[mecho_392]

الف مبروك يا باشا على عربيتك وربنا يباركلك فيها مليون سنة قدام
في الواقع انا محتار بين i10 والاسبيرانزا A113
انا ليا صحابي اشتروا 113 وقالوا انها ممتازة ومش فيها العيوب القديمة بتاعة 2007 انا سوقتها ولقيتها برضه كويسة والكماليات بتاعتها رائعة + ان توكيلها ابو الفتوح وهو عامل عرض حتى 31 مارس ان تأمين اول سنة مجانا يعني هاوفر باكو وشوية :)

اما بالنسبة لل i10 عربية جميلة برضه بس مجربتهاش سمعت من ناس ومنك انها جميلة وفيها مميزات حلوة بس يعيب هيونداي توكيل غبور انا اسمع انه مش كويس

فانا علشان كده محتار ومش عارف اجيب ايه A113 والا I10

شكرا ليك يا باشا و لذوقك,
بصراحه انا عن نفسى جربت الاسبيرانزا فى المعرض و حسيت انها سيئة جدا من ناحية المساحة الداخلية ال i10 واسعة جدا و الاسبرانزا معلش للتعبير اللى صممها حمااااااااار لان مستوى التابلوه عالى و المسافة بين الكرسيين ضيقة جدا يعنى علشان توصل لفرامل اليد لازم تحشر ايدك.... بجد معجبتنيش خالص و صرفت نظر عنها.
ده غير انى لقيت على النت ان تسارعها من 100-0 فى اكتر من 16 ثانيه!!!!!!!!!! و الموتور 1300 سى سى 16 صمام..!!!!!!!!!!
ده ال i10 اكبر و اتقل و موتورها اصغر و بتعملها فى افضل من كده !!!

بصراحه انا مش عايز اشوف وش التوكيل و بفكر معملش عنده صيانه لانه بياخد فلوس على الفاضى و عايز يكسب على قفانا و خلاص.

نصيحتى ال i10 كعربية جامده جدااااااااااااااااااا
لكن الاسبيرانزا تكسب من ناحية الكماليات الكتييييييييييييييييييييييييييييييييييير بس لو قانتها بال i10 اكيد هتلاقيها اسوأ ده رأيي بصراحة.

و خد عندك صور ال i10 دى لسه مصورها امبارح بس اعذرنى حجمها كبير جدااااااااااااااااااا.

[bobo13]

ما شاء الله تابلوه جميل واشيك من بتاع الاسيبرانزا .. بس انا ملاحظ ان مكان الفيتيس قدام شوية بعيد عن متناول الايد يعني لازم اطلع ايدي قدام علشان انقل ومش مناسب للناس اللي متعودين يريحوا اديهم على الفتيس اثناء القيادة .. طبعا انت سقتها كتير فياريت تقولي رأيك

كمان انا لما رحت المعرض قالولي ان ال I10 الهاق اوبشن عجلة القيادة بتاعتها هاف باور يا ترى ده صح فعلا وانت حاسس انها فعلا هاف باور ؟

وبعدين خلي بالك موضوع التوكيل ده مهم يعني العربية وهي لسه زيرو كده لازم تحافظ على صيانتها كويس والتوكيل ممكن يكون غالي فعلا بس امان عن اي حته تاني والا ايه رأيك

[mecho_392]

لاااااااااااأ

ما شاء الله تابلوه جميل واشيك من بتاع الاسيبرانزا .. بس انا ملاحظ ان مكان الفيتيس قدام شوية بعيد عن متناول الايد يعني لازم اطلع ايدي قدام علشان انقل ومش مناسب للناس اللي متعودين يريحوا اديهم على الفتيس اثناء القيادة .. طبعا انت سقتها كتير فياريت تقولي رأيك

كمان انا لما رحت المعرض قالولي ان ال I10 الهاق اوبشن عجلة القيادة بتاعتها هاف باور يا ترى ده صح فعلا وانت حاسس انها فعلا هاف باور ؟

وبعدين خلي بالك موضوع التوكيل ده مهم يعني العربية وهي لسه زيرو كده لازم تحافظ على صيانتها كويس والتوكيل ممكن يكون غالي فعلا بس امان عن اي حته تاني والا ايه رأيك

لأ يا باشا وضعية الفتيس دى مريحة جدا حتى لو متعود على العادى, و انا بصراحه استريحت اوى فيها لان الماتريكس وضعية الفتيس زيها و على فكره مكان الفتيس ده ميزته انه يريحك انت و اللى قاعد جنبك علشان لو كان من النوع العادى اللى هو بين الكرسيين زى البيكانتو مثلا هتلاقيه بيضايقك و ايدك تخبط فى اللى قاعد جنبك احيانا زى الصورة دى كده شوف الفتيس فين:



لكن فى ال i10 المسافة بين الكرسيين فاضيه شوف كده دى صوره من عربيتى:






بالنسبة للهاف اوبشن هى EPS و هتلاقيها منوره فى التابلوه عندى و معناها Electric Power Steering يعنى باور كهرباء مش هيدروليك زى معظم العربيات و الباور ده شغال على موتور كهربى MDPS اختصار Motor Driven Power Steering و اللى يقولك هاف باور ده للاسف حماااااااااااااار. و خليه يفهمك ازاى هاف باور و نصيحتى متسمعش كلام حد بتوع المعرض دول بيبقوا مش عارفين اى حاجه عن تجربيه دول ما بيصدقوا يشتغلوا.. العربية الباور بتاعها تحفه و ملوش حل, انا عندى ماتريكس بحس ان مفيهاش باور بعد ما ركبت ال i10 مفيش غير الالنترا الجديدة اللى الباور فيها خفيف زى ال i10 علشان نوعه كهرباء.
كمان الباور بيتقل مع السرعة و لو سيبت الدريكسيون و عدلته بشكل معين بتلاقيه ماسك نفسه و مش بيحدف كمان على السرعات البطيئة ممتع و هتحس بمتعه فى السواقة.. و ابن عمى لسه مجرب العربية يوم الخميس لما قلتله ايه رأيك فى الباور قالى انا محستش انى عملت اى مجهود لان.. الفتيس ناعم جدااااا و الدريكسيون بتلمسه يتحرك و العربية عجبته جدا..

انا مش فارق معايا موضوع الصيانة ده لان الماتريكس عملت 56500 كم بدون صيانات غير الحاجات الاساسية و بعملها بره, و حرام اروح اعمل صيانة اسوق 4 ساعات و اقضى معاهم اليوم كمان دى حاجه تقرف بجد.

و ممكن تشوف الموضوع ده كنت عملته عن العربية يمكن يفيدك:

http://www.nilemotors.net/Nile/showthread.php?t=59729

و ربنا يوفقك فى الاختيار..

[mecho_392]

صور عربيتى

انا عملت موضوع فيه صور العربية ممكن تشوفوه من هنا:

http://www.nilemotors.net/Nile/showthread.php?t=66214

[haany_ghazy]

انا سالت عن بعض قطع الغيار فى التوكيل
وكانت مفاجاءة خالتنى اتراجع عن شراها
مثل ثمن المرايا كان 1000 جنية
فانوس امامى 1100
اكصدام امامى 725

[smily]

هاى يا شباب ,انا اشتريت ال i10 إن شاء الله هستلمها بكره ....بس ممكن تفيدونى ايه الأشياء اللى هستلمها معاها؟

[mecho_392]

هاى يا شباب ,انا اشتريت ال i10 إن شاء الله هستلمها بكره ....بس ممكن تفيدونى ايه الأشياء اللى هستلمها معاها؟

مبروك يا باشا و ان شاء الله هتعجبك جدا و نحب نسمع رأيك فى العربية.. و ربنا يباركلك فيها

مع العربية هتستلم..
الكاسيت و علبتة
الاريال
جراب فيه العدة
طفاية السجاير
الكتالوج
كتيب الضمان
ضمان الكاسيت
اتأكد من الاستبن و الكوريك
هتاخد الشداد زى مسمار حديد اسود فيه حلقة و قلاوظ و ده اللى بتتشد بيه العربية من قدام لو عطلت.
و مفتاحين للعربية و معاهم الكود بتاعهم.

[smily]

شكرا" يا باشا

[M5las]

كلام جميل من شاب جميل
تسلم يا برنس

[mecho_392]

كلام جميل من شاب جميل
تسلم يا برنس

ربنا يخليك يا باشا و شكرا لذوقك يا كبييييييييييييييييييير

[amirhamed]

معلومات جميله وشكرا على المجهود

[mecho_392]

معلومات جميله وشكرا على المجهود

ربنا يخليك يا باشا و متشكر لذوقك.

[YoussefMostafa]

و مفتاحين للعربية و معاهم الكود بتاعهم.

ميشو باشا ايه الكود ده هيه ال i10 فيها immobliser

[mecho_392]

يا جماعة انا اختبرت العربية اكتر من مرة اليومين اللى فاتوا و طلعت بالنتيجة دى:

ثبات هايل على 100 كم/س و الدريكسيون بيتقل اكتر مع السرعة. و بمشى معظم الاوقات على 100 و مريحة جدا و استجابتها حلوه لان اقصى عزم عند 2800 rpm على سرعة 90 كم/س و بالتالى سحب العربية بيكون هايل نظرا لمرونة المحرك.

جربت لحد 120 كم/س او اكتر حاجه بسيطة على طرق مكسره و غير مستويه و فيها بلاعات و كل ما لا تتمنى ان تراه فى شوارعنا الحلوه (على طرق الماظه عند السوبر جت) و كانت زى الفل بس مع الحذر شويه و بدون غشوميه.

الفرامل مدهشة و بتسعفك دايما و بتفرمل بسهولة من سرعة 90 و 100.

التكييف كويس جدا و منتظر شهور الحر علشان اتأكد من فاعليته. و سحب العربية كويس جدا على الطريق السريع و بتجيب 100 مستريح و معايا شخص واحد.

السحب كويس حتى مع وجود 4 اشخاص. (الاربعة بيقعدوا مرتاحين جدا)

بتسحب من سرعة 30 كم/س و اقل على التالت.

الموتور مازال هادىء و بدون اهتزازات الحمد لله.

المفاجأة الكبيره بقى انى جربت التسارع انهارده و لقيته ممتااااااااااااااااااااااااااااااااااااااااااااااا اااااااااااااااااااااااااااز,,,
100-0 فى 13.9 ثانية و كان معايا واحد كمااااااااااااااان انا كنت حاسس انها هتطلع 17 ثانية لكن لما قالى الرقم فضلت متنح. و ممكن نقول 14 ثانية علما بأنى فصلت قبل الميه بشىء بسيط يعنى حوالى 97 كم/س.
النقلات كالآتى:
الاول حتى 35 كم/س
التانى حتى 65 كم/س
التالت لبعد ال 100 كم/س
و العربية فركت فى النقلة بين الاول و التانى.

اخيرا استهلاك البنزين:
لسه كويس بس قل المرة دى علشان استخدام التكييف و كمان جريت على 100 و 120 و كانت النتيجة:
525.3 كم ب 31.9 لتر يعنى حوالى 330 كم/الصفيحة.

فى المجمل اشكر الله,, العربية مازالت ممتازه فى نظرى و بالعكس حبيتها اكتر.

[mecho_392]

ميشو باشا ايه الكود ده هيه ال i10 فيها immobliser

انا اسف يا باشا مشوفتش ردك الا دلوقتى.. الكود ده خاص بمفاتيح العربية (الكالون) علشان لو المفاتيح ضاعوا مثلا تقدر تطلع برقمهم. لكن مفيش immobilizer لان المفاتيح طلعت عليهم للريموت بقى معايا 4
2 ريموت
2 عادى