الماتريكس التركى بعد 1000كم

[bishoo33]

أحبائى وأصدقائى رواد المنتدى
سامحونى على التأخير العشر الأيام الماضية ولكن للضرورة أحكام
اليوم أكملت 1000 كم مع توته (الأسم الحركى لمحبوبتى الماتريكس التركى)
الحمد لله السيارة أعطتنى أكثر مما كنت أتوقع بكثير بالنسبه لفئتها السعرية وخصوصا بعدما تعودت عليها وبدأنا أنا وتوته نعرف بعض عرفت أنا الكثير من أمكانياتها وعرفت توته امكانياتى ومتطلباتى منها وأنا عايز ايه منها
ميكانيا :
عفشه ناعمة جدا - باور رائع بيتقل فوق ال120 كم - موتور هادىء قوى لا يتأثر بالتكيف - أتزان رائع فى السرعات العالية - ثبات فى المنحنيات حتى سرعة 60كم - تسارع معقول مع الأخذ فى الأعتبار أننى حتى الأن لم أختبر التسارع والحرق حيث العربيه ما زالت فى التليين .
كماليات :
كل ما تتمناه تجده من مرايات كهربائيه - زجاج كهربى - سنتر - أنذار - أماكن للتخزين عديدة وبكل مكان - اضاءه صالون مبهره ومتنوعة - جراب نظارة - كراسى واسعة ومريحة - دركسيون متحرك.
كهربيا :
راديو كاسيت بنظام سمعى معقول - مخارج كهرباء عديدة - اضاءة السيارة مبهره جدا ليلا .
أضافات :
عملت للسيارة كسوة جلد للكراسى (جلد امريكى) وكسوه للأرضيه والشنطة ودواسات (1000 جنيه)
وايضا غطاء خارجى للسيارة وتر بروف (150 جنيه) - طقم ديفندرات صينى كامل (1700)
وبصورة عامة الماتريكس التركى بعد المقارنة مع الماتريكس الكورى مع أصدقائى لا تنقص شىء وان كانت تزيد بعض الشىء وتعتبر best value للعائلة ككل
واخيرا ولس بيننا أخر كل من يريد أن يعرف شىء عن توته يسأل وانا فى الخدمة وبأذن الله سوف اوافيكم بتجربتى مع غبور أسكندريه فى خلال هذا الأسبوع مع صيانة 1000 كم أدعولى كلكم ربنا يباركلى فى توته وعقبالكم جميعا

[معاذ الشرباصى]

ربنا يباركلك فيها و يحفظهالك من كل سوء

[Abohmaid]

ربنا يباركلك فيها ويديلك خير ما فيها

[Ahmed_Ezz]

ربنا يباركلك فيها ويديلك خيرها

[شريف]

الف مبروك يا باشا
ربنا يباركلك فيها

[fahd_628]

الف مبروووووك يا باشا و ربنا يباركلك فيها

[abdofawzy]

والله يا بيشو اثلجت صدري
ربنه يباركلك فيها و يديك خيرها و يكفيك شرها
ان شاء الله انا في انتظار استلامها ايضا بس انا حجزتها بدون كاسيت و جبتلها كاسيت سي دي من بره
ان شاء الله اركبه اول ما استلمها

[sebai]

100000000000000 مبروك - ربنا يباركلك فيها ويديلك خيرها و يبعد عنك العين

[PAYOO]

مبروك يا أستاذ محمد مبروك

أنت كده أنضميت لأسرة الماتركس أهلا بيك

[bassam nagy]

الف مبروك وربنا يباركللك فيها

[thegreatnileman]

بارك الله لك فيها رزقك خيرها وكفاك شرها

[bishoo33]

أشكركم جزيلا أحبائى
اريد أن أعرف من أصحاب الماتريكس ما هوالمطلوب متابعته فى صيانه الألف الأولى :shock: وما هوأفضل نوع زيت وما هى الكميه المضافة مع تغير الفلتر وهل أشترى الفلتر والزيت من الخارج او من التوكيل ووايضا اريد تركيب مكن لرفع الزجاج فهل أتعامل مع التوكيل أم لا ولو حد له وسطه فى توكيل غبور فرع السلطان حسين يا ريت يقولى عشان أنا متخوف من معاملتهم ومتحمس جدا لأفتعال أى مشكلة :twisted: فى حالة اى تهاون او ضحك على الدقون ربنا يستررررررررررررر :mrgreen:

[bassam nagy]

افضل انواع الزيوت شيل الترا 10000 كيلو انا عن نفسى بغير زيت وفلتر برة التوكيل .. ولتركيب مكينة رفع زجاج لازم تتعامل مع التوكيل عشان الضمان

[bishoo33]

أخى باسم شكرا ولكن لى سؤال كيف أغير زيت خارج التوكيل وأبقى فى الضمان عشان بينى وبينك عندى هنا محطه بالقرب من منزلى كل العاملين بها يعرفونى كويس ويتمنوا يعملولى أى حاجة من أيام توته العفروتة ال128 لدرجة انهم رشولى ال128 انتركوت من أسفل السيارة

[bassam nagy]

انا عن نفسى لما بروح ابو رواش بقالو اعمل صيانتك عادى بس ماتغيرش الزيت والفلتر ودة بيكتبة فى امر الشغل بتاع العربية وكمان التغير برة احسن فى انك بتابع مع العامل مقياس الزيت بنفسك عشان مايزدش عن الحد بتاعة فى المقياس