ان شاء الله .. هحجز نيو أكسينت النهارده ومحتار

[salmoly]

السلام عليكم :
الحقيقه يا جماعه أنا استفدت من المنتدى جدا .. جزاكم الله خيرا .. أنا متابعه من فتره بس دى أول مشاركه
ناويت ان شاء الله على النيو أكسينت بس كنت عايز أسأل على :
1 - الاوتوماتيك بتاعها فيه مشاكل ولا لأ ؟
2- أفضل مكان أشترى منه فى اسكندريه ؟

شكرا

[fahd_628]

اهلا بيك معانا يا باشا
و الف مبرووووووووك مقدما

1 - الاوتوماتيك بتاعها فيه مشاكل ولا لأ ؟

مفيهوش مشاكل ان شاء الله

2- أفضل مكان أشترى منه فى اسكندريه ؟

انا طول عمرى بفضل انى اشترى العربيات من التوكيل على طول مش موزعين

و خد بالك من عداد الكيلومتر متاخدش العربية عاملة كم كتيير يعنى 50 كم كويس اول انا اشتريت العربية عاملة 41 كم و دة طبعا طبيعى و عادى بس متشتريش مثلا العربية و هية عامل 200 كم او حاجة كدة

[حماده المصري]

الاوتو بتاعها زي الفل بعون الله

وافضل مكان فعلا تشتري منه التوكيل

بس برضو ده ميمنعش انك ممكن تاخد عربيه فيها عيب برضو منهم

يعني مش شرط التوكيل اهم حاجه الاستلام خصوصا لو مستعجل

انا اشتريت عربيتي من معرض عادي وكانت عامله تقريبا 50 كيلو وزي الفل الحمد لله واستلمت في ساعتها

[salmoly]

ألف شكر يا رجاله ..
طيب هو الوكيل فى اسكندريه فين بالظبط ؟

[bebo12125]

فى شارع السلطان حسين خلف مستشفى الميرى محطة الرمل

[ezzatfox]

الف مبروك مقدما و اختيار موفق 100/100 و نصيحة اشترى من التوكيل حتى لو اغلى و خلى بالك و انت بتستلم انك تاخد وصلة ال usb و الاريال و الكوريك

[amek]

ولو ناوى تقسط جزء يبقى عليك وعلى توكيل دايهاتسو اللى فى سموحه
تقسيط مباشر واقل فايده

[salmoly]

ولو ناوى تقسط جزء يبقى عليك وعلى توكيل دايهاتسو اللى فى سموحه
تقسيط مباشر واقل فايده

توكيل دايهاتسو ازاى ؟ هما بيبيعوا هيونداى ؟

[firstknight216]

السلام عليكم :
الحقيقه يا جماعه أنا استفدت من المنتدى جدا .. جزاكم الله خيرا .. أنا متابعه من فتره بس دى أول مشاركه
ناويت ان شاء الله على النيو أكسينت بس كنت عايز أسأل على :
1 - الاوتوماتيك بتاعها فيه مشاكل ولا لأ ؟
2- أفضل مكان أشترى منه فى اسكندريه ؟

شكرا

ألف مبروك ياباشا مقدما وربنا يبارك
انا معايا الاتوماتيك والعربية زي الفل
الافضل فعلا انك تشتريها من الوكيل علشان تضمن كل الملحقات بالعربية (كاتالوج - كابل usb ...
فعلا حتى لو ح تشتري اغلى شوية
واعتقد ان غبور ليه وكلاء اكيد في اسكندرية
ممكن تتصل بخدمة العملاء وهما يقولوا لحضرتك على عنوان الوكيل بالاسكندرية
ومبروك تاني مقدما

[amek]

ايوه..... هم بيبيعو انواع تانيه برده مع دايهاتسو عشان يمشو السوق......وبيقسطو من غير بنوك يعنى تقسيط عادى حلااااال وفايده 9 %

[SONSON10102]

انا شاريها من مرض وكانت عاملة 8 كيلو بس

بس مستلمتش الوصلة بتاعة الusb

بس مش هى دى المشكلة لانى عملت الوصلة بتاعتها
المشكلة انو مش راضي يقرا الموجود فى الفلاشة مع ان كل اللي فيها mp3

لو حد يعرف حل للمشكلة دى

[ezzatfox]

انا شاريها من مرض وكانت عاملة 8 كيلو بس

بس مستلمتش الوصلة بتاعة الusb

بس مش هى دى المشكلة لانى عملت الوصلة بتاعتها
المشكلة انو مش راضي يقرا الموجود فى الفلاشة مع ان كل اللي فيها mp3

لو حد يعرف حل للمشكلة دى

يبقى اكيد المشكلة فى الوصلة حاول تدور على الوصلة الاصلية

[akram2010]

النيو اكسنت سيارة مع سعرها وكونها مستوردة بالكامل مناسبه جدآ وممتازة ومجربه فى الخليج زى الفل ومنتشرة جدآ واحلى لون السماوى ومبروك

[midoonesaid]

الف مبروك ياباشا مقدما
وإن شاء الله تكون قدم السعد عليك

[gbeshay]

هو ده :)

انا بقي يا استاذ سنسن حالي من حالك يا باشا مخموم درجه اولي مختش وصله ال usb دي و سالت عليها كتير ومحدش يعرف عنها حاجه حتي راديو شاك بس انت بتقول جبتها جبتها منين و شكلها ايه يعني اطرافها شكلها ايه؟

وبخصوص موضوع الفلاشه الي عندك جرب فلاشه تانيه او زي ما حد رد قبل كده علي الموضوع ده بس بصراحه مش فاكر اسمه معلش انا اسف يعني كان بيقول انك اولا تجرب فلاشه تاني او انك تخلي كل الاغاني علي الرووت بتاع الفلاشه مش جوه فولدر و جرب وقولينا علي النتيجه