بخصوص النترا

[hotskull]

انا ناوى انشاء الله اشترى النترا موديل 2004 او 2005 بس فى ناس حزرونى من الخليجى بس انا مش عارف افرق بينهم ازاى اتمنى ان الاخوة يسعدونى و عايز اعرف مميزات و عيوب هذه السيارة و شكرا

[kliken]

الموديل ده ما شاء الله زى الفل يكاد يكون بدون عيوب اصلا ثبات حلو جدا و قطع غيار رخيصه و متوافره و عربيه صالونها واسع و شكلها شيك
و مفيش فرق جوخرى بين الخليجى و المصرى فرق الشبكه الاماميه و اريال كهرباء على الشنطه و سى دى تشينجر بس كدة و لو اللى قدامك خليجى و حالتها حلوه هاتها و ما تخافش خالص

[dr.amr]

ياريت تشرفنا ياباشا في رابطة الالنتراويه

[ddddd]

يا باشا انا معى النترا 2005 اتوكل على الله و هاتها من غير مناقشة و
الكورى شبكة مضلعة بالطول
الخليجى بالعرض

[macdiv]

الخليجي عليها بالته حديد في القايم من تحت مكتوب عليها (مطابقه للمواصفات الخليجيه )

[shady3335]

الخليجي عليها بالته حديد في القايم من تحت مكتوب عليها (مطابقه للمواصفات الخليجيه )

طيب هى الخليجى فعلا فيها مشاكل و الا ايه يا رجالة عالشان انا ناوى اشترى العربيى دى و مش عارف اعمل ايه و هل فى موديلات سنين معينة كانت كورى و اخرى كانت خليجى و الا ايه النظام

[shady3335]

رجاء الرد السريع انا رايح اشوف عربية انهارده 2004

[shady3335]

يا جماعة حد يقول اى حاجة

[banboty]

طيب هى الخليجى فعلا فيها مشاكل و الا ايه يا رجالة عالشان انا ناوى اشترى العربيى دى و مش عارف اعمل ايه و هل فى موديلات سنين معينة كانت كورى و اخرى كانت خليجى و الا ايه النظام

يا سيدي العربيتين كورى الصنع

و كلمة خليجي معناها ان مواصفاتها تصلح لدول الخليج مش معناها انها اتصنعت في الخليج

فمفيش مشكلة و الخليجي كماليتها اعلى في حاجات بسيطة ..

انما حدوتة عربية الوكيل و الخليجي ملكش دعوى بيها لان لها علاقة بالضمان و ده مينطبقش على الموديلات اللى عدت سنوات او كيلومترات الضمان