تقييم لل i10 بعد 9300 كم

[mezo_88]

بسم الله الرحمن الرحيم:
1- المميزات:
* رغم صغر حجم الموتور إلا انه قوى.
* استهلاك معقول للبنزين 250 كم للصفيحة داخل المدينة بنزين 92\ لسه مجربتهاش على طرق سريعة.
* السرعة القصوى 175 كم\س .
* ثبات جيد حتى 140 و بعد كده تحس ان العربية بدأت تخف
* فرامل رائعة
* تكييف رائع
* تسارع جميل نسبيا 13.2 ثانية لتصل لسرعة 100
* عفشة جيدة نسبيا مش ناشفة

2- العيوب:
* صغر حجم الكاوتشوك 155\80 كانت محتاجة 175\65
* السي دى و طبعا مصرى رودستار سئ جدا
* ضعف سحب العربية لما يركب معاك اكتر من 4
* ضعف خفيف فى السحب عند تشغيل التكييف
* صوت غريب فى التابلوه
* صوت صفارة على سرعة 5-10 كم مش عارف منين
* توكيل اسوء توكيل ممكن تدخولوا فى حياتك


التقييم النهائى للسيارة 7\10

و لو حد عندو اى استفسار عن اى حاجة للعربية انا فى الخدمة.

السلام عليكم و رحمة الله .

[mezo_88]

محدش عجبوا التقييم دا ولا ايه.. المهم انو يفيد اصحاب العربية دى

[PoweRPassioN]

تقييم محايد
أحييك على المجهود والتقييم
وربنا يباركلك فيها

[mezo_88]

تقييم محايد
أحييك على المجهود والتقييم
وربنا يباركلك فيها

شكرا ليك و ياريت اكون أفدت اصحاب العربية و الى عايز يشتريها

[mecho_392]

شكرا ليك جدا يا باشا و ربنا يباركلك فيها.. بجد عربية تحفه
بس كنت عايز اعرف من حضرتك:

هل العربية لسه ناعمه اثناء السلانسيه و السير و الموتور هادىء؟؟ انا عملت 2330 كم و بسم الله ما شاء الله زى الفل و احسن من عربيات تانيه كتيير.

هل التكييف بيكون ساااااااااااااااااااااااااقع و لا لأ علشان انا جربته مره بسرعه و حسيت انه مش ساقع اوى لكن الهواء سرعته عاليه جداااااااا.

حضرتك قلت ان التسارع من 100-0 فى 13.2 ثانيه, يا ترى جربته و لا ايه؟؟؟ لان على النت مكتوب 15.6 ثانيه و انا مجربتش التسارع بيها.

انا بسمع عندى من ورا صوت تزييق ساعات هلى الصوت ده موجود عندك؟؟

حضرتك قلت ان الكاسيت وحش بس انا عندى بصراحه شغال زى الفل لكن اعتقد العيب من السماعات هى اللى مش كويسه.. و ممكن حضرتك تفسر الصوت اللى بيظهر على 5-10 ده من الدريكسيون و لا تقصد الموتور!!!

شكرا,,,

[mezo_88]

شكرا ليك جدا يا باشا و ربنا يباركلك فيها.. بجد عربية تحفه
بس كنت عايز اعرف من حضرتك:

هل العربية لسه ناعمه اثناء السلانسيه و السير و الموتور هادىء؟؟ انا عملت 2330 كم و بسم الله ما شاء الله زى الفل و احسن من عربيات تانيه كتيير.

هل التكييف بيكون ساااااااااااااااااااااااااقع و لا لأ علشان انا جربته مره بسرعه و حسيت انه مش ساقع اوى لكن الهواء سرعته عاليه جداااااااا.

حضرتك قلت ان التسارع من 100-0 فى 13.2 ثانيه, يا ترى جربته و لا ايه؟؟؟ لان على النت مكتوب 15.6 ثانيه و انا مجربتش التسارع بيها.

انا بسمع عندى من ورا صوت تزييق ساعات هلى الصوت ده موجود عندك؟؟

حضرتك قلت ان الكاسيت وحش بس انا عندى بصراحه شغال زى الفل لكن اعتقد العيب من السماعات هى اللى مش كويسه.. و ممكن حضرتك تفسر الصوت اللى بيظهر على 5-10 ده من الدريكسيون و لا تقصد الموتور!!!

شكرا,,,

الحمد لله العربية ناعمة
أولا التكييف بياخد دقيقتن عشان يسقع و اول لما تشغلو على واحد لما تحس انا الهوا الى طالع من الهوايات بدأ يبرد على سرعة التكييف
ثانيا انا فعلا فى صوت تزيقة بتبقى ورايا بس فى المطبات بس
ثالثا انا مغير السمعات و مركب اربع سماعات كينوود فى ال 4 بيبان بس الكاسيت لما بيشتغل كتير بيقطع في الصوت
رابعا فى صوت غريب فى التابلو و الصوت التانى التصفيرة لما بمشى براحة و ده فى فردة الكاوتش اليمين فى الأمام
و لو عندك اى استفسار تانى اتفضل اسئل و انا هجاوب
العربية معايا من شهر 6\2008

[mezo_88]

و موضوع التسارع انا جربتوا مرة واحدة بس عشان انا مش بحب ابهدل العربية كفاية العربية الى قبلها

[mecho_392]

شكرا لردك يا باشا, الصوت اللى فى التابلوه ده ممكن يكون من مطبات جامده, لكن الصوت اللى فى الكاوتش ده ممكن يكون سببه ان الضغط مش مضبوط.. ولا الصوت ده من ساعة الاستلام؟؟؟؟

الحمد لله انى لقيت حد آى تناوى معايا فى منتدى الهيونداى
ربنا يباركلك في آى تنتك..

[mezo_88]

مفيش ردود ليه ؟؟؟؟؟؟؟؟؟؟؟

[Anti_virus_abdo]

الف شكر يا باشا علي التقييم

[Donzi]

انا كمان معايا العربيه ةى 6/2008 و ماشاء الله متازه جدا و بازان استهلاكها للبنزين تحفه , وفعلا الكاسيت وحش و بيقطع في الصوت لما بيشتغل كتير بس عموما عربيه ممتازه بالنسبه لحجمها و سعرها.
و فعلا ناعمه اوي وشكرا جدا على التقييم.

[noga]

شكرا على التقييم ،أنا عايزة اشترى العربية دى بس خابفة لانى سمعت ان اسعار غيارها غالية جدا ، انت اية رأيك؟؟؟؟؟؟؟؟؟؟

[mezo_88]

انا بشترى العربية عشان استمتع بيها و الحمد لله انا عامل 13000 و مغيرتش حاجة خالص غير الزيت و الفلتر حاجات طبيعية و موضوع قطع الغيار غالية علشان محدش بيشتريها دلوقتى بس اول لما يبقى فى اقبال على قطع الغيار اسعارها هتقل

[ehibrahim]

اولا شكرا للتقييم الرائع للسيارة

ثانيا انا عندى نفس الصوت من ناحية العجلة اليمين ومش عارف ده من ايه وانا فى صيانة الاف قلت على هذه الصوت وكنت فاكر ان الصوت ممكن يكون بلية العجلة لكن رفعوا السيارة امامى والبلية سليمة و مشى بالسيارة وانا معاه ولما سمع الصوت قال ده خلخلة هواء بس انا مش مقتنع ايه رايك وشكرا

[mezo_88]

انا طلع الصوت كان العجلة الخلفية يمين و كان الرجلاش بتاع فرامل اليد مشدود زيادة عن اللزوم