Tweet
السلام عليكم
طبعا زى مانتو شليفين العنوان انا عاوز حد يقنعنى بالاكسيل
وده لانى بفكر فيها بصراحه بس اللى شفته من عيوبها قالقنى شويه وكمان لوجود سيارات فى فئتها بتتلافى العيوب دى مع تقارب السعر واسعار قطع الغيار
لكن انا ملاحظ ان الطلب اعلى على الاكسيل فى الفتره دى رغم ركود السوق
وانا من واقع اللى شفته فى كلا من الاكسيل والسويفت والاسكودا محتار فعلا مابينهم بس انا حابب الاكسيل عنهم ونفسى حد يكدبنى فى اللى هاقوله دلوقت او يدينى رد او علاج شافى للمشاكل دى
اولا: العربيه عن تجربه خفيفة بشكل غير طبيعى على الطريق وعشان تطلع فوق ال 120 بشويه وماتبقاش قلقان لازم تترسها بنى ادمين
ثانيا: صاج العربيه بيعوج من الهوا لوحده مع كثرة السفر بيها
ثالثا: بلى العجل من اكتر الحاجات اللى مابتعمرش فى العربيه
رابعا : وعن تجربه من اخف المواتير واقلها تحملا مواتير الهيونداى والاكسيل بشكل خاص يعنى مع كتر السفر والاستخدام تقريبا هاتحتاج طقم شنبر بمعدل كل سنه او سنه ونص وفى وش الهوا الموتور بيسقف لو محمله حتى مع بنزين 90 و 92
خامسا : استهلاكها للبنزين عالى بالمقارنه بالسويفت والاسكودا من نفس سعة الموتور وهو ال 1300
خدو عندكو بقى المميزات اللى انا شايفها:
اولا: قطع غيار متوفره ورخيصه ومنها الجديد والاستيراد وصيانه مش صعبه ولو ان لسه فى ناس بتخرف فيها ومابتعرفلهاش الا بعد ما يدفعك اللى فى جيبك كله
ثانيا : صالون واسع وقعدته مريحه
ثالثا : موتور ناعم جدا وسحب جميل لما بتتظبط كويس وتمنه استيراد ارخص من موتور فيات
بس اما جيت اقارن بين التلاته (اكسيل -سويفت-سكودا) لقيت الفرق بين الاكسيل وكل واحده من الاتنين التانيين كالتالى لصالح العربيه الاخرى وهى كالتالى:
الاكسيل والسويفت:
-السويفت يابانى وقطع غيارها يابانى ومعمره عن الاكسيل
-السويفت صالونها اضيق لكن خاماته احسن
-السويفت موتورها يابانى بيستحمل الخدمه الشاقه وعمره اطول من عمر موتور الاكسيل
-بالنسبه للثبات تقريبا الفرق لا يذكر وان كان هناك فرق فهو لصالح السويفت
الاكسيل والاسكودا:
-الاسكودا موتورها خشن بس عمره بردو اطول من عمر موتور الاكسيل والسويفت كمان
-الصالون مساحته قريبه من الاكسيل وان قل شىء بسيط فهو باى حال من الاحوال اكبر من السويفت بردو وخاماته ممتازه بالنسبه للاتنين
-قطع الغيار وان كانت اغلى الا ان فى منها المانى ولا وجه مقارنه بين طول عمر قطع الغيار فى الاكسيل والاسكودا
-سحب رائع وثبات اعلى بكتير جدا جدا من الاكسيل والسويفت كمان ومع ان الموتور اخشن شويه الا انه على الطريق بيسحب بنعومه وسلاسه
-الصاج اتقل واقوى من الاكسيل
ده اللى قدرت اوصل له من الركوب بعض الاحيان والسمع احيانا اخرى فى بعض المواضع
دلوقتى انا عاوز من ملاك الاكسيل او اللى ركبها (وبدون ادنى تحيز من ملاكها او اللى بيحبوها) انهم يردو بكلام مقنع وياريت لو عن تجربه وتفصيلا عن اللى كتبته وتوضيح اللبس ان كنت اخطأت فى التقييم ده
واللى خلانى كتبت الموضوع ده بالرغم ان المقارنه تقريبا جعلت الموضوع شبه محسوم انى عاوز اجيبها بالرغم من اللى قلته لانى عاوزها
فياريت الاقى مساعده تخلينى اما اكمل واما ارجع عن اللى فى دماغى واجيب حاجه غيرها
وشكرا مقدما لاى حد هايشاركنى تقييمى ويساعدنى للوصول للحاجه الكويسه وكل شىء نصيب فى الاخر بردو
طبعا زى مانتو شليفين العنوان انا عاوز حد يقنعنى بالاكسيل
وده لانى بفكر فيها بصراحه بس اللى شفته من عيوبها قالقنى شويه وكمان لوجود سيارات فى فئتها بتتلافى العيوب دى مع تقارب السعر واسعار قطع الغيار
لكن انا ملاحظ ان الطلب اعلى على الاكسيل فى الفتره دى رغم ركود السوق
وانا من واقع اللى شفته فى كلا من الاكسيل والسويفت والاسكودا محتار فعلا مابينهم بس انا حابب الاكسيل عنهم ونفسى حد يكدبنى فى اللى هاقوله دلوقت او يدينى رد او علاج شافى للمشاكل دى
اولا: العربيه عن تجربه خفيفة بشكل غير طبيعى على الطريق وعشان تطلع فوق ال 120 بشويه وماتبقاش قلقان لازم تترسها بنى ادمين
ثانيا: صاج العربيه بيعوج من الهوا لوحده مع كثرة السفر بيها
ثالثا: بلى العجل من اكتر الحاجات اللى مابتعمرش فى العربيه
رابعا : وعن تجربه من اخف المواتير واقلها تحملا مواتير الهيونداى والاكسيل بشكل خاص يعنى مع كتر السفر والاستخدام تقريبا هاتحتاج طقم شنبر بمعدل كل سنه او سنه ونص وفى وش الهوا الموتور بيسقف لو محمله حتى مع بنزين 90 و 92
خامسا : استهلاكها للبنزين عالى بالمقارنه بالسويفت والاسكودا من نفس سعة الموتور وهو ال 1300
خدو عندكو بقى المميزات اللى انا شايفها:
اولا: قطع غيار متوفره ورخيصه ومنها الجديد والاستيراد وصيانه مش صعبه ولو ان لسه فى ناس بتخرف فيها ومابتعرفلهاش الا بعد ما يدفعك اللى فى جيبك كله
ثانيا : صالون واسع وقعدته مريحه
ثالثا : موتور ناعم جدا وسحب جميل لما بتتظبط كويس وتمنه استيراد ارخص من موتور فيات
بس اما جيت اقارن بين التلاته (اكسيل -سويفت-سكودا) لقيت الفرق بين الاكسيل وكل واحده من الاتنين التانيين كالتالى لصالح العربيه الاخرى وهى كالتالى:
الاكسيل والسويفت:
-السويفت يابانى وقطع غيارها يابانى ومعمره عن الاكسيل
-السويفت صالونها اضيق لكن خاماته احسن
-السويفت موتورها يابانى بيستحمل الخدمه الشاقه وعمره اطول من عمر موتور الاكسيل
-بالنسبه للثبات تقريبا الفرق لا يذكر وان كان هناك فرق فهو لصالح السويفت
الاكسيل والاسكودا:
-الاسكودا موتورها خشن بس عمره بردو اطول من عمر موتور الاكسيل والسويفت كمان
-الصالون مساحته قريبه من الاكسيل وان قل شىء بسيط فهو باى حال من الاحوال اكبر من السويفت بردو وخاماته ممتازه بالنسبه للاتنين
-قطع الغيار وان كانت اغلى الا ان فى منها المانى ولا وجه مقارنه بين طول عمر قطع الغيار فى الاكسيل والاسكودا
-سحب رائع وثبات اعلى بكتير جدا جدا من الاكسيل والسويفت كمان ومع ان الموتور اخشن شويه الا انه على الطريق بيسحب بنعومه وسلاسه
-الصاج اتقل واقوى من الاكسيل
ده اللى قدرت اوصل له من الركوب بعض الاحيان والسمع احيانا اخرى فى بعض المواضع
دلوقتى انا عاوز من ملاك الاكسيل او اللى ركبها (وبدون ادنى تحيز من ملاكها او اللى بيحبوها) انهم يردو بكلام مقنع وياريت لو عن تجربه وتفصيلا عن اللى كتبته وتوضيح اللبس ان كنت اخطأت فى التقييم ده
واللى خلانى كتبت الموضوع ده بالرغم ان المقارنه تقريبا جعلت الموضوع شبه محسوم انى عاوز اجيبها بالرغم من اللى قلته لانى عاوزها
فياريت الاقى مساعده تخلينى اما اكمل واما ارجع عن اللى فى دماغى واجيب حاجه غيرها
وشكرا مقدما لاى حد هايشاركنى تقييمى ويساعدنى للوصول للحاجه الكويسه وكل شىء نصيب فى الاخر بردو
Comment