إعـــــــلان

**HamadaMOMO** · 22-03-2009, 02:52 PM

نصيحة منى طالما فى صوت غريب روح لفرع غبور ابو رواش او القليوبية هما خبرة عن اى فرع لو فى عيب تصنيع
اما لو صيانة عادية روح لاى فرع معتمد

**mecho_392** · 22-03-2009, 02:57 PM

المشاركة الأصلية كتبت بواسطة rainbow09 مشاهدة المشاركة

السلام عليكم ،

أنا لسة جايب النترا جديدة موديل 2008 اتوماتيك و عاملة 3000 ك، السؤال هو وانا ماشي بسمع صوت تكتكة أو فرة في العجل بتزيد مع زيادة سرعة العربية و باسمعها قوي لو أنا في نفق مثلا يعني لما بيكون جانبي حائط.. سألت بعض الأصدقاء و قالولي ده بيكون ظلط أو طوب ماسك في الكاوتش...و ناس تانية قالولي ده "بلي" هل ممكن عربية جديدة تعمل "بلي" ولا ده فعلا صوت ظلط

و سؤال تاني هل المراكز المعتمدة زي اللي موجودة في مصر الجديدة و الرحاب ممكن أعمل فيها الصياتة الدورية أو لو في عيب تصنيع مثلا يتم أصلاحها دون دفع أي شيء أم يجب الذهاب لأبو رواش

مشكورين جميعا على مجهوداتكم و أرجوكم الرد في أقصى سرعة لأن الموضوع ده مضايقني جدا و للأسف معنديش وقت قوي للذهاب لمراكز الصيانة و مش عايز أروح لأي ميكانيكي

و السلام عليكم و رحمة الله و بركاته
محمد

دى بتكون ظلطه يا باشا علشان عدد الخبطات بتزيد مع السرعة, انا بردوا عامل 2395 كم و كان عندى ظلطه من امبارح و راحت قبل ما اوصل البيت انهارده. و لو مراحتش فى خلال اسبوع كده فك العجلة عند اى حد و خليه ينضفها

انا كان عندى عيب دهان فى اكرة الماتريكس و علشان المهندس يفحصها لازم تروح مكان زى فرع قليوب و لو هتتعمل هتقعد بتاع يوم علشان اكره!!!!
اما بالنسبة للصيانة الدورية ممكن تعملها فى مراكز معتمدة و انا عن نفسى مش هروح مشوار ابو رواش ده حراااااااااااااااااام... انا سقت 4 ساعات فى الزحمة ظهرى اتقطم

**rainbow09** · 22-03-2009, 03:08 PM

Hamadamomo شكرا جزيلا على ردك و فعلا الكثير نصحوني ان اذهب لأبو رواش أو قليوب انا بس كنت عايز حد يحدد المشكلة ايه قبل ما ادب المشوار لأبو رواش

mecho_392
أشكرك كثيرا على الإفادة و يارب تكون فعلا ظلطة لأني سامع الصوت ده من مدة طويلة و قلقان تطلع حاجة جامدة عموما انا هاروح الأول مركز صيانة معتمد في صيانة 5000 للكشف عليها و لو في تصليح ولا حاجة هاروح أبو رواش او قليوب

**ahmedfd** · 22-03-2009, 03:13 PM

دي بنسبة كبيرة زلطة محشورة في تجويفات الكاوتش من تحت و بتحصل عندي كتير و مرة واحدة تتنطر و يروح الصوت.
الحل الأسهل إنك تبص على العجلة اللي جاي منها الصوت و هتلاقي إن شاء الله زلطة بارزة ممكن تشيلها بسهولة.
موضوع بلية العجل أعتقد صعب غير إن صوت البلية بيكون ونة أو خشونة من العجلة مش تكتكة و ممكن العجلة كمان تسخن.
يا ريت تطمنا.

**rainbow09** · 22-03-2009, 04:36 PM

يا باشا الله يطمنك و إن شاء الله خير و تطلع زلطة لأني انا كمان استبعد انها تكون بلي

**Hussin** · 22-03-2009, 08:27 PM

أطمن يا باشا دي فعلاً زلطة لأن الموضوع ده جنني فترة وبعد كده راح لوحده

**momomania22** · 22-03-2009, 08:47 PM

ده زلط بيبقى محشور بين النقشات
ده الاحتمال الاول
او مسمار وظهره بيعمل صوت تك تك تك مع الاسفلت
وده الاحتمال التاني
والاتنين حصلوا معايا
ارفع العربية ولف الكاوتش اللي بتسمع منه الصوت وحسه منطقة منطقة بإيدك
لو لقيت زلطة طلعها
لو لقيت مسمار روح لبتاع الكاوتش يطلعه ويلحم العجلة لكن ماتشيلووش انت عشان العجلة هتنام في ساعتها
ياريت اكون افدتك وطمني

**rainbow09** · 23-03-2009, 10:26 AM

hussin ألف شكر على ردك و اهتمامك
momomania أن شاء الله هاروح لبتاع كاوتش و اطمنكم

أشكركم جميعا على الإهتمام و ردودكم

إعـــــــلان

.

صوت تكتكة في كاوتش النترا 2008 اتوماتيك

صوت تكتكة في كاوتش النترا 2008 اتوماتيك

Comment

Comment

Comment

Comment

Comment

Comment

Comment

Comment