الفيرنا بتسخن بسرعه .. وسخونه شديدة

[bassam202]

السلام عليكم ورحمه الله وبركاته

الحمد لله جبت فيرنا 2009 من 4 ايام من توكيل اسيوط

استلمتها قدام البيت .. الموظف بتاعهم اول ما جابها كانت سخنه بتلسع .. قولت اكيد علشان المشوار (حوالى 100 كيلو)
لكن بطلع بالعربيه وبركنها وبسيبها ساعه ولا ساعتين وبرضو بتكون سخنه

هل فى مشكله ولا هي الفيرنا كده

ولا اعمل ايه بالظبط ؟

[fahd_628]

سخنة ازاى لو عندك مؤشر بيبقى فين و لو عندك لمبة هل بتنور ولا لأ ؟

[tmedhat]

دة طبيعى
الموتور بيطلع صهد شوية لفترة زمنية بعد ما تبطل العربية

[rrrrreee]

لالالالالالالالالالالا يا اخى ازاى بعد ساعتين والعربية لسة سخة
لازم دى مشكلة

[mohamed_mohsen]

ياجماعه احنا ماعرفناش اصلا
هو المؤشر بتاع الحراره سخن؟ و الا الكبوت نفسه اللي سخن؟
و لو الكبوت يبقي طبيعي لان مفيش بطانه للكبوت
اما لو المؤشر فشوف الموضوع بسرعه و شوف الميه في الرادياتير و بص برضه علي مستوي القربه
و لو استمر الموضوع(لو المؤشر عالي) و ديهالهم تاني يشوفوا فيها ايه
هو انت لحقت!!

[mecho_392]

شوف مياه الردياتير هتلاقيها تحت ال L يعنى LOW و زودها لحد قبل ال Max.. اكيد انخفاض مستوى المياه هو السبب فى ارتفاع درجة حرارة المحرك و اضرارها كتيييييييييييييييييير اوعى تستنى,, و كمان لازم تتأكد من مؤشر الحرارة و تعرف من الاعضاء الفيرناويه هنا الطبيعى المؤشر بيكون فين.
و ان شاء الله كله يبقى تمام
الف مبرووووووووك

[sherothebest]

مؤشر الحرارة مفروض يكون بين النقطتين اللى فى نصف مشوار المؤشر

[أشرف فتحى]

السلام عليكم ورحمه الله وبركاته

الحمد لله جبت فيرنا 2009 من 4 ايام من توكيل اسيوط

استلمتها قدام البيت .. الموظف بتاعهم اول ما جابها كانت سخنه بتلسع .. قولت اكيد علشان المشوار (حوالى 100 كيلو)
لكن بطلع بالعربيه وبركنها وبسيبها ساعه ولا ساعتين وبرضو بتكون سخنه

هل فى مشكله ولا هي الفيرنا كده

ولا اعمل ايه بالظبط ؟

اولا مبروك على العربيه ربنا يباركلك فيها

ثانيا
الفيرنا من مميزاتها انها لا تحتاج لوقت طويل للتسخين وده من مميزات العربيه يعنى مثلا لو سبت العربيه ساعه او ساعتين ورجعت دورها وامشى وهتلاقى المؤشر الخاص بالحراره بيرتفع تدريجيا لغايه ما يوصل المنتصف بين نقطتين كعلامه
لو عندك المؤشر بيطلع زياده عن كده يبقى فى حاجه غلط.
راجع على مستوى الميه فى القربه واتأكد انه فوق علامه ال M او علامه الحد الادنى ثم راقب مروحه الريدياتير للتأكد من عدم وجود عيب فى الترموستات الخاصه بالحراره فلو لقيت العربيه المؤشر فوق النص والمروحه مشتغلتش يبقى الترموستات محتاجه تتغير او تتنظف وده موضوع سهل قوى برضه
كمان راجع على مستوى الزيت الخاص بالموتور

وبالنسبه للسعه الموتور او سخونيه الكبوت بعد مشوار بالعربيه فده شئ عادى فى اى عربيه مش بس الفيرنا

تحياتى
اشرف فتحى

[midoonesaid]

طول ما المؤشر بتاع الحرارة في المنتصف يبقى مافيش اي مشاكل لان طبيعة الفيرنا كده لكن لو زاد عن كده زود مياه الرداتير ولو الموضوع بقى على حالو يبقى لازم تروح التوكيل على طول وطمنا ايه الاخبار و زي ماقالولك الاخوة الاعضاء سخونية الكبوت دا شيء عادي جدا