إستشاره فى تسعير النترا !!

[أشرف فتحى]

محتاج رأى اصحاب الخبره
قدامى النترا 2006 فبريكه بره وجوه تكييف تاتش وجميع الكماليات لونها ابيض عامله 58 الف كم
معروضه على 62000 جنيه
وبفكر ابيع الفيرنا بتاعتى ولو انها عزيزه عليا جدا واشتريها وطبعا هادفع الفرق.
ممكن حد يكون عنده خبره مع الالنترا ال 2006 يقللى مميزاتها وعيوبها
وياريت لو يقارنلى بينها وبين الفيرنا

وهل السعر ده مغرى للشراء؟؟؟
طب قطع غيارها اخبارها ايه؟؟
واستهلاك البنزين عامل ازاى؟؟؟

طبعا انا فاهم انى لو عملت شويه بحث فى المنتدى هلاقى المعلومات دى بس الوقت ضيق ومحتاج اقرر بسرعه

شكرا مقدما

[kliken]

السعر طبعا ممتاز و لو فعلا حالتها حلوه و فابريكه خلص فيها و انت مغمض
العربيه ما شاء الله زى الفل و تقريبا بدون اى عيوب ثبات ما شاء الله اعلى كتير من الفيرنا و صالون اوسع و افخم
و قطع غيارها مش غاليه عادى يعنى
و ربنا يوفقك و تخلص فيها و تكون ممتازة

[أشرف فتحى]

أشكرك يا باشمهندس محمد على ذوقك وأهتمامك بالرد!
الحقيقه انا عارف الالنترا وركبتها قبل كده بس كانت 2007 والشكل الجديد
لكن اللى بتكلم عليها الالنترا الشكل القديم بتاع 2006
وبصراحه معنديش عنها اى فكره والمعلومه اللى عندى ان موتورها هو نفسه موتور الفيرنا ال 1600
انا بس قلقان انى مبشفهاش كتير فى الشارع زى الشكل الجديد
ومبتكعبلش فيها منين ما اودى وشى زى الفيرنا يعنى محتاج حد معاه العربيه او عارفها كويس يكلمنى عنها باستفاضه !
جزاكم الله خير

[Fadi Ezzat]

هى صراحة سعرها تحفةب سهقولك كلام كل الاعضاء بيقولو روح اكشف عليها فى بنزينة

[أشرف فتحى]

هى صراحة سعرها تحفةب سهقولك كلام كل الاعضاء بيقولو روح اكشف عليها فى بنزينة

اشكرك اولا على المشاركه!
بالنسبه لموضوع الكشف ده مفروغ منه بس انا لسه فى مرحله الاستعلام والحيره
خصوصا انى مش بشتكى من عربيتى ومش عاوز اغير عشان زهقان او اى حاجه زى كده
كل الحكايه ان سعرها عاجبنى
يمكن يكون ده اصلا سعرها؟
يمكن مختلفه عن الالنترا اللى ركبتها؟
انا معنديش معلومات عنها كفايه تشجعنى على الشراء ومش مستعد اخاطر بشراء عربيه معرفش عيوبها خصوصا انها مش منتشره زى الالنترا ال 2007 و2008
انا منتظر النصيحه من الاخوه اللى يعرفوها

[AHMEDCAR]

توكل على الله العربيه احسن من لفيرنا بمراحل و ثبتها ممتازا

[kliken]

يا باشا اتوكل على الله و خلص انا العربيه معايا و زى الفل ما قلتش خالص الحمد لله و ثبات ممتاز و عربيه واسعه صالون ممتاز و واسع و قطع غيارها ارخص من الشكل الجديد و العربيه منتشره يا باشا كتير جدا و مش نادره و لا حاجه

[ahmedfd]

الإلنترا 2006 عربية ممتازة و شيك و محترمة جداً.

[Michael_Lanos]

لو ضامنها دوس على طول

[ae_yg]

هى فعلان سعرها جامد وعلى كلام الkliken باشا هى معاه وبيشكر فيها ربنا يبارككلك فيها دووووووووووووووووووووس