اصح طريقة للكبس

[BassamHafez]

ممكن يا جماعة حد يقوللي ايه احسن طريقة للكبس اثناء الشد في العربية المانيوال

يعني دواسة البنزين للاخر ولا قد ايه ولحد عدد لفات موتور قد ايه على النقلة الواحدة

[mecho_392]

بص الطلعة بتكون على اقصى عزم يعنى 3000 او 3500 او 4500 rpm حسب مواصفات المحرك عندك و نسب التخفيض للفتيس.. يعنى شوف المواصفات بتاعت المكنة ايه علشان تحدد اقصى عزم (للطلعة) و اقصى قدرة علشان الجرى و الشد و تطلع اقصى قدرة من المحرك و دايما هتلاقى اقصى قدرة عند 5500 rpm او اعلى لحد 6200-6500 على حسب مواصفات المحرك..
اثناء الشد الاحسن انك تسقط نقلة علشان تدخل فى نطاق القدرة القصوى للمحرك يعنى لو على سرعة 20 على النقلة التانيه انزل للاول و هنا ممكن تكبس بنزين على الاخر و تحرق لحد لما توصل لاقصى قدرة نفترض عند 6000 لفه و تكون سرعتك 50 مثلا (و متزودش عن ال rpm المحددة لاقصى قدرة علشان السحب هيقل و ممكن يحصل تدمير لاجزاء معينة لو وصلت لل redline و ثبت) تقوم تنقل على التانى و ممكن تدوس 3/4 من الدواسة او كلها على حسب ما هتحس انت بالعربية و سحبها. و كذلك على باقى النقلات لكن استهلاك البنزين هيزيد جدا فى المقابل.
و متحاولش تجيب اخر البنزين و انت على التانى و سرعة 20 مثلا لانك هتزود الضغط جوا الاسطوانة جدا بفتح ال throttle و هتلاقى العربية بتسقف و سحبها هيقل اوى, من الاخر عايز تشد سقط نقلة بس مع ملاحظة سرعتك و هل ينفع تسقط و لا لأ علشان صندوق التروس ممكن يتبهدل.

[BassamHafez]

بص الطلعة بتكون على اقصى عزم يعنى 3000 او 3500 او 4500 rpm حسب مواصفات المحرك عندك و نسب التخفيض للفتيس.. يعنى شوف المواصفات بتاعت المكنة ايه علشان تحدد اقصى عزم (للطلعة) و اقصى قدرة علشان الجرى و الشد و تطلع اقصى قدرة من المحرك و دايما هتلاقى اقصى قدرة عند 5500 rpm او اعلى لحد 6200-6500 على حسب مواصفات المحرك..
اثناء الشد الاحسن انك تسقط نقلة علشان تدخل فى نطاق القدرة القصوى للمحرك يعنى لو على سرعة 20 على النقلة التانيه انزل للاول و هنا ممكن تكبس بنزين على الاخر و تحرق لحد لما توصل لاقصى قدرة نفترض عند 6000 لفه و تكون سرعتك 50 مثلا (و متزودش عن ال rpm المحددة لاقصى قدرة علشان السحب هيقل و ممكن يحصل تدمير لاجزاء معينة لو وصلت لل redline و ثبت) تقوم تنقل على التانى و ممكن تدوس 3/4 من الدواسة او كلها على حسب ما هتحس انت بالعربية و سحبها. و كذلك على باقى النقلات لكن استهلاك البنزين هيزيد جدا فى المقابل.
و متحاولش تجيب اخر البنزين و انت على التانى و سرعة 20 مثلا لانك هتزود الضغط جوا الاسطوانة جدا بفتح ال throttle و هتلاقى العربية بتسقف و سحبها هيقل اوى, من الاخر عايز تشد سقط نقلة بس مع ملاحظة سرعتك و هل ينفع تسقط و لا لأ علشان صندوق التروس ممكن يتبهدل.

شكرا على النصيه

[BassamHafez]

شكرا على النصيه

قصدي شكرا على النصيحة :)))

[Karim_Monir]

معظم العربيات الحديثة بتفصل الموتور اتوماتيك بعد ماتعدى الريد زون ويدخل ال ار بي ام في الاحمر تلاقي الموتور فصل اتوماتيك عشان ما يتدمرش

[mecho_392]

معظم العربيات الحديثة بتفصل الموتور اتوماتيك بعد ماتعدى الريد زون ويدخل ال ار بي ام في الاحمر تلاقي الموتور فصل اتوماتيك عشان ما يتدمرش

+1000000000000000000000
فعلا انا لاحظت الموضوع ده فى الماتريكس و فى اللانوس
يعنى فى اللانوس الاول بيفصل عند 50 و التانى عند 80 و هكذا و الماتريكس كذلك بتفصل عند 55-90...

[mecho_392]

لكن فى عربيات زى الاكسنت القديمة الكربراتير مش بتفصل و الاول بيوصل 65 و التانى 110 و ده عن تجربة.. لازم تعرف عربيتك نظامها ايه و متحرقش عليها جامد لو مش بتفصل.

[PoweRPassioN]

الغيار الاول حتى 3500-4000
وابتدي شد جامد من الغيار التاني لحد الريد زون
وبقيه الغيارات حتى ريد زون عادي
دا هيديك تجميع اسرع
الا لو كان العزم الاقصى عندك بعيد اوي ف 5500 يبقى هتضطر لازم تجمع من الاول"بس دا مش الصح ف العربيات القدره الحصانيه بتاعتها عاليه والا هتهدر معظم القدره الحصانيه ف طلعه امريكاني وهتأخر ف الدراج drag
وعلى فكره دا موضوع كبير كامل ممكن تقرأ عنه
عشان تعرف تجيب ال0 - 100 بتاع عربيتك مظبوط
وبالتوفيق

[BassamHafez]

الغيار الاول حتى 3500-4000
وابتدي شد جامد من الغيار التاني لحد الريد زون
وبقيه الغيارات حتى ريد زون عادي
دا هيديك تجميع اسرع
الا لو كان العزم الاقصى عندك بعيد اوي ف 5500 يبقى هتضطر لازم تجمع من الاول"بس دا مش الصح ف العربيات القدره الحصانيه بتاعتها عاليه والا هتهدر معظم القدره الحصانيه ف طلعه امريكاني وهتأخر ف الدراج drag
وعلى فكره دا موضوع كبير كامل ممكن تقرأ عنه
عشان تعرف تجيب ال0 - 100 بتاع عربيتك مظبوط
وبالتوفيق

الف شكر يا سمارت

وياريت لو تعرف تدلني على مكان للموضع دا يبقى الف شكر

[maged_momo]

الف شكر يا سمارت

وياريت لو تعرف تدلني على مكان للموضع دا يبقى الف شكر

طريق للجرى يبقى طريق المطار من بعد 11 او الدائرى من بعد 12