السيارات الإلنترا القديمة 94-96

[Mohamed A S]

برجاء من السادة خبراء الهيونداي عمل تقييم شامل للسيارة الإلنترا موديلات 94-96 سواء المانيوال أو الأوتوماتيك .. مع جزيل الشكر

[tandeshaker]

تقييم بمعنا ايه السعر يعني
مبدئيا 93و 94 شكل واحد و 95و 96 شكل تاني بيقولوا عليه الصابونه
انا من وجهه نظري ان 94 احلا من ال 96 علشان موتورها اقوي بكتير لانه 2 كامه منفصله مش بمناول للكامه الاصليه بس مشكله العربيه ديه انها فيها حساسات كتير جدا واهمهم حساس الايديل وده مسئول عن وقوف العربيه على السلانسيه وبيعمل على تسخين السياره الصبح وكمان مسئول عن تعليه العربيه مع التكييف
واهم حاجه في العربيه ديه ضبطه الكاتينه لو فيها سنه وحده ماخره او مقدمه العربيه عمرها ما تضظبط وكمان لانها 2 كاتينه وحده لمناول الزيت والثانيه للكامات والكرنك فلازم تضبط حاجه اسمها عامود الاتزان مع الكاتينه الكبيره طبعا ده غير ان ده اول حاجه تعملها في العربيه اول ما تشتريها حتي لو كان صاحبها كان مغيرها اول امبارح مع بلي الماتينه والبلف وده تكلفته من غير مصنعيه حوالي 1500 ج
وطول ما انت بتعمل ليها صيانه باستمرار هتمشي معاك العربيه زي الفل وهتحبها جدا
لان بصراحه فيها امكانيات وابشن مش موجودين بالسعر ده في اي عربيه تانيه
انا مزاكر 94 جدا لانها معايه بقلها 3 سنوات اوتوماتيك
واسعار المانيول منها طبعا حسب الحاله من 35 : 40 والاوتوماتيك من 40 :45 الف
في ناس بتطلب 50 الف في الاوتوماتيك بس لما تكون العربيه فبريقا بالكامل وده في حالات نادره وبتكون 2000 cc
نسيت اقولك ان الموتور بالفتيس 2000 cc بيعمل حوالى 4000 :5000 ج
اما 96 سعر المانيول من 45000 : 50000 واوتوماتيك من 50000 : 550000
واي حاجه عايزها في العربيه ال 94 بالذات اسال وانا هجوبك على طول

[ecybrarian]

ايه يا ابو شاكر الحلاوة دي. طب ده بالنسبة لميكانيكا العربية. طب وايه رأيك بالنسبة للأداء والثبات وتوافر قطع الغيار. وخصوصا ان انا سمعت ان كتاوت طلمبة البنزبن تنمها 800 جنيه. ولا ايه؟؟؟؟؟؟؟

[tandeshaker]

يا باشا كلك زوق كتاوت طرنبه البنزين ثمنه 200ج استيراد وانا لما استغليته من اسبوعين تقريبا جيبت 2 كتاوت عادي والكهربائي عملهم اخر حلاوه الموضوع ما تكلفش 50 + 10 ج مصنعيه
وكل قطع غيارها موجوده ومتوفره استيراد وجديد وكله حسب ميزانيتك
انا حافظ العربيه ديه صم زي اسمي ويمكن اكتر والحمد لله ملم بكل مصمار في العربيه دي بس اسال وملاكش دعوه لو معرفتش ارد عليك بحق
وكل الناس الى بتشتغل فيها حبيبي سواء ميكانيكيه او كهربائية
وانا كمان بشتغل فيها باديه عند اللزوم
انا نمرت تليفوني 0123910683

[tandeshaker]

نسيت اقولك على الثبات طبعا انا حاطط فيها مكنه 2000cc وانا رايح الغردقه كنت جايب باحه 180 كم :200 كم وثبات زي الفل بس اهم حاجه تكون العافشه سليمه والمساعدين وكوتش عمود الاتزان كويسين وطبعا 2000cc مش قادر اقولك على الاداء من 0:100 كم / ثانيه في 9 ثواني واوتوماتيك طبعا فاهم يعني ايه اوتوماتتتتتتتتتيك

[Mohamed A S]

ألف ألف شكر على المعلومات القيمة دي يا أحمد باشا

[kh_fawzy]

السلام عليكم
انا معاى النترا 96 وساكن فى فيصل ونفسى فى ميكانيكى بيفهم فى الهربيه دى

[tandeshaker]

بص يا باشا هو في واحد كويس جدا فى الحرفيين ده مهندس كان في التوكيل ومتخصص جدا فى الهيوناي اسمه احمد سابق ونمرت تليفونه 0122111660

[sameh73eg]

طيب ممكن حد يفنى فى النترا 1999 و2000 انا معى اكسنت 1500 سى سى مو98 وبفكر اغيرها بالنتر 1999 او2000 استحلفكم سرعة الرد ان امكن ولكم جزيل الشكر